Danielku 4:32 - Tjukurpa Palya

³² Kantaya aṉangu tjuṯangku nyuntunya nguḻuṟa waṉaṟa ngura parari ma-wantiku, kan mungutja alatjiṯu ilytjingka nyinaku inuṟa tjuṯangka tjungu, munun ukiṟi ngalkuku puluka tjuṯa puṟunytju. Alatjin rawa nyinaku yiya tjapan munun palulanguṟulta pina aḻaringkula kulilku ngayulu God Katutja Puḻkanya, panya ngayuluṉa mayatja puḻka mulapa mayatja kutjupa uwankarangka waintarinytja. Kan kulilku panya ngayulu alatjiṯu kuliṟa wati ngurkantaṟa mayatja tjunkupai ngura aṯunymaṟa kanyintjaku.” Alatji palula ilkaṟinguṟu wangkangu.

Danielku 4:32 Iomraidhean Croise

Exodus 8:10

Ka Piiṟalu palula wangkangu, “Godala ngayuku tjapila mungawinki.” Ka Moselu wangkangu, “Palya, mungawinkiṉa palula tjapilku, kaya mulapaṯu ngaṉngi tjuṯangku nyuranya uwankara wantikatiku nyurampa waḻi tjuṯa kuḻu, munuya Nayilta uṟungka kutju nyinaku. Ka nyara palulanguṟu nyuntu nintiringkula kulilku panya nganampa Mayatja Godanya witulya puḻka mulapa nyinanyi, ka kutjupa palu puṟunypa nyinanytja wiya alatjiṯu.” Nyanga alatji Moselu Piiṟala wangkangu.

Exodus 9:14

Ka tjinguṟu nyuntu alatji palyalwiyangku wantinyangkampa ngayulu witulya puḻkangku nyuntunya puḻkaṟa alatjiṯu pikantankuku munu nyuntumpa wati mayatja tjuṯa munu nyuntumpa aṉangu tjuṯa kuḻu, nyanga Itjipanya nguraṟa uwankara. Kan palulanguṟu nintiringkula kulilku panya ngayulu witulya puḻka mulapa nyinanyi uwankarangka waintarinytja, ka kutjupa ngayulu puṟunypa nyinanytja wiya alatjiṯu.

Danielku 2:21

Panya nyuntu mayatjangku mantatja ilkaṟitja uwankara tjunguṟa kanyini. Nyuntu panya ngurkantaṟa mayatja tjunkupai aṉangu tjuṯa aṯunymaṟa kanyintjaku. Munun kutjupa-aṟa wiyalpai mayatja wiyaringkunytjaku. Nyuntu alatjiṯun aṉangu nintipuka puḻka palyalpai.

Danielku 4:31

Ka nyangatja wangkanyangka Godalu ilkaṟinguṟu palula wangkangu, “Mayatja Nipaka-nitja! Kulilaṉi ngayulu nyuntula wangkanyangka. Kuwari nyanga alatjiṯu nyuntu mayatja wiyaringanyi ngura nyangaku.

Danielku 5:21

Ka paluṟu kuka tjuṯa puṟunyaringu, kaya aṉangu tjuṯangku ilytjikutu palunya paiṟa iyaṉu tangkiyi inuṟa tjuṯangka tjungu patu nyinanytjaku munu ukiṟi ngalkuntjaku pulukangka tjungungku, ka munga kutjupa munga kutjupa kulyarpangku palunya puntu winki uṟulpai. Ka palulanguṟu paluṟu pina aḻaringkula kulinu mulapa Godanya katutja puḻka mulapa ngura uwankaraku mayatja munu paluṟu alatjiṯu mukuringkula aṉangu ngurkantaṟa mayatja tjunkupai.