Danielku 4:22 - Tjukurpa Palya

²² “Uwa, Mayatja wiṟu, puṉu panya nyuntu tjukurmankunytjanya, palatja nyuntu. Panya nyuntun puṉu palu puṟunypa kuṉpuringkula puḻka mulararingu, kaya kulinu ilkaṟingka mantangka kuḻu. Panya nyuntu mayatja katutja nyinanyi puḻka mulapa manta winkiku.

Danielku 4:22 Iomraidhean Croise

Genesis 28:12

Munu paluṟu kunkunpa ngarira tjukurmanangi tjukalpa mantanguṟu ilkaṟikutu ma-ngaṟanyangka, kaya Godaku angelpa tjuṯa ngalya-ukalingkula ma-tatiningi tjukalta panya.

Danielku 2:21

Panya nyuntu mayatjangku mantatja ilkaṟitja uwankara tjunguṟa kanyini. Nyuntu panya ngurkantaṟa mayatja tjunkupai aṉangu tjuṯa aṯunymaṟa kanyintjaku. Munun kutjupa-aṟa wiyalpai mayatja wiyaringkunytjaku. Nyuntu alatjiṯun aṉangu nintipuka puḻka palyalpai.

Danielku 4:11

Puṉu paluṟu waṟa mulararira kuṉpu puḻka ngaṟangi ilkaṟi pampuṟa, kaya aṉangu uwankarangku manta winkitjangku uti nyangangi tjanampa nguranguṟu.

Danielku 4:21

Puṉu paluṟu panya nyaḻpi wiṟu mulapa munu mai puḻkatjara ngaṟangi aṉangu winkiku munu kuka tjuṯaku kuḻu. Ka inuṟa tjuṯa puṉu panya waṯangka wiltjangka nyinangi, ka puṉu miṉangka tjuḻpu tjuṯangku maṉngu tjuṯa palyaningi.

Danielku 4:29

Panya yiya kutju ngaṟala wiyaringkunyangka Nipaka-nitjanya waḻi katu para-ngaṟangi palumpa panya waḻingka mununku mirawaṉira wangkangi kaṉany-kaṉanytju, “Nyawaya ngura nyanga Papilanga! Ngayuluṉa witulyangku palyaṉu puḻka mulapa, ka panya ngura wiṟu mulapa ngaṟanyi, kaya aṉangu winkingku nyakula ngayunya mirawaṉinyi ngayulu puḻka palyantja.”

Danielku 4:36

“Uwa, nyara palula aṟa ngayuku kulintja tjukaṟururingu, ka Godalu ngayunya maḻakungku aṉangu tjuṯangka tjunguṉu ngayuku mukuringkunytjaku, kaṉiya piṟuku mayatja wangkara wiṟunmanangi. Kaya wati kamanta puḻka tjuṯa ngayulakutu pitjangu munuṉiya piṟuku tjunu Papilanku mayatjarinytjaku. Ka panya aṉangu tjuṯangkuṉiya ngaṉmanytju mayatja puḻka nyangangi, palu kuwariṉiya nyanganyi mayatja kutjupa mulapa.

Revelation 18:5

Panya tawunu pala palulaya tiṯutjarangku kura puḻka mulapa palyalpai nyinanyi. Ka Godalu nyakula palunya tjananya pungkunytjikitjangku kulini kura puḻka rawangku palyannyangka.