Danielku 11:13 - Tjukurpa Palya

¹³ Ka panya Tjiṟiyaku mayatjangku piṟuku tjaultji tjuṯa mulapa aḻṯira uṯuḻunkuku winki mulapa, munuya paluṟu tjana mungilyi alatjiṯu pikakitja maḻaku ankuku Itjipalakutu.

Danielku 11:13 Iomraidhean Croise

Danielku 11:12

Munu mayatja panya paluṟu winaringkula puḻkaṟa kaṉany-kaṉanyariku tjuṯa mulapa pungkunytjatjanu. “Palu paluṟu ngula uparingkuku rawa kuṉpu nyinanytja wiya.

Danielku 11:14

“Ka Daniel, nyuntumpa walytja Jew kutjupatjara palula tjanala tjunguringkuku Tjiṟiyanya nguraṟa tjuṯangka, panya Jew paluṟu tjana pikaṯi tjuṯa munuya walytjangku palyantjikitjangku kulilku Godanya mukuringkunytjitja-palku, munuya palulanguṟu warmaḻarira Tjiṟiyaku tjaultji tjuṯangka tjunguringkuku Iitjipaku mayatjaku pikaringkunytjikitja, palu puṯuya winaringkuku. “Ka nyara palula-aṟangka aṉangu Itjipanya nguraṟa kutjupa tjarangku palumpa tjanampa mayatjaku kuraringkula palula tungunpungkuku.

Danielku 11:40

“Ka tjiṉṯu maḻatjangka Iitjipaku mayatja tjaultji tjuṯatjara warmaḻarira ankuku alinytjara Tjiṟiyanya nguraṟa tjuṯangka pikaringkunytjikitja. Palu wirkankunytja kuwaripangka Tjiṟiyaku mayatja tjaultji winkitjara ngalya-pakalku, kutjupa tjaraya nyanytjungka, kutjupa tjaraya wakinangka, kutjupa tjaraya pautangka tatiṟa ankuku. Munuya paluṟu tjana ngura kutjupangka kutjupangka tjarpara wirkaṟa pungkuku.

Danielku 12:7

Ka angelpa panya ulytja piṟantjarangku maṟa katuringkula wangkangu, “Kuwariṉa God panya tiṯutjara nyinapaila miṟangka tjukaṟurungku wangkanyi – tjukurpa nyanga paluṟu mulapa utiringkuku ngula yiya maṉkurpa munu piṟa panya 6 ngaṟala wiyaringkunyangka. Kaya warmaḻa tjuṯa Godaku walytja Israelkunu tjuṯaku tiṯutjara alatjiṯu pikaringkuku munuya Israelkunu tjuṯa uparingkula wawanyarinyangka kutju wiyaringkuku.”