Danielku 10:17 - Tjukurpa Palya

¹⁷ Munuṉa nyuntula puṯu wangkanyi, panya nyuntu witulya puḻka mulapa, kaṉa ngayulu tjukutjuku upa alatjiṯu munuṉa puṯu nguwanpa ngaalymananyi.”

Danielku 10:17 Iomraidhean Croise

Genesis 32:20

Munu paluṟu tjanala wangkangu, “Munuya watarkurinytja wiyangku palula wangka panya ngayulu maḻawanu pitjanytja. Palya?” Alatji paluṟu tjananya wangkara iyaṉu, panya paluṟu kuliningi, “Kuwari ngayuku kuṯangku kuka nyanga tjuṯa ungkunyangka tjinguṟu ngayuku kalyparingkuku, munuṉi kuwari nyakula ngayuku pukuḻariku.”

Exodus 33:20

Palu ngayulu yunpa nyuntula utiringkunytja wiya, panya aṉangungku ngayuku yunpa nyakulampa iluku.

Danielku 10:8

Ka ngayulu kutjungku ngaṟala nyangangi kutjupa kutjupa wiṟu mulapa Godalu ngayula utinnyangka, munuṉa nyakula kurunpa uparingkula wawanyaringu.

Danielku 4:19

Ka Danielnga puḻkaṟa alatjiṯu nguḻu-nguḻuringu nyanga tjukurmankunytjitja kuliṟa, munu paluṟu pilunarira puṯu nguwanpa wangkangi. Ka Nipaka-nitjalu palula wangkangu, “Nguḻuringkunytja wiyangkuṉi tjakultjura tjukurpa nyanga palunya.” Ka Danieltu wangkangu, “Mayatja wiṟu, tjukurpa nyanga nyuntu nyakunytja, nyaratja nyuntunyatjara alatjiṯu, nyuntumpa mirpaṉtju tjuṯatjara wiya. Nyara palulanguṟuṉa nguḻuringanyi nyuntula utiṟa wangkanytjaku.

Markaku 12:36

Panya Kurunpa Miḻmiḻṯu Davidala iriti nintiningi, ka nyiringka walkatjunu alatji, ‘Mayatja Godalu ngayuku Mayatjangka wangkangu, “Ngayula itingka mayatjarira nyinakati kampa nyanga wakungka. Kaṉa nyuntumpa mirpaṉtju tjuṯa tjaṟulku nyuntula wangaṉarangku kulintjaku, kan tjananya nyuntu mayatjangku wituwitulku.” ’

Johnku 1:18

Aṉangu kutjupangku Godanya yunpa nyakunytja wiya. Palu palumpa katja palula tjungu nyinapai munu paluṟu nganaṉala utinu palumpa Mama, panya paluṟu Godanya alatjiṯu.