1 Timitjiku 4:5 - Tjukurpa Palya

⁵ Mai kuka uwankara paluṟu paluṟa palyanmanu nganaṉa ngalkuntjaku. Munu paluṟu pukuḻaripai nganaṉa ngalkuntjikitjangku palunya-waraṟa waḻkunnyangka munu nganampa nyakula mirpaṉarinytja wiya.

1 Timitjiku 4:5 Iomraidhean Croise

Genesis 1:25

Godalu mantangka para-ngaṟapai kutjupa kutjupa uwankara palyaṉu, inuṟa kutjupa kutjupa tjuṯa, ngultju kutjupa kutjupa tjuṯa, munu tjukutjuku tjuṯa kuḻu, tjuninguṟu ankupai tjuṯa uwankara mulapa. Munu paluṟu uwankara nyakula pukuḻaringu wiṟu mulapa ngaṟanyangka.

Genesis 1:31

Ka Godalu uwankara palyantjatjanungku nyakula pukuḻaringu uwankara wiṟu mulapa ngaṟanyangka. Ka tjiṉṯu nyanga maṉkur-maṉkuritja mungartjirira mungaringkula ngalya-tjiṉṯuringu.

Luke-aku 4:4

Palu Jesulu wangkangu, “Wiya, panya nyiringka walkatjunkunytja ngaṟanyi alatji, ‘Aṉangungku mai kutju rawangku ngalkula puṯu wanka tiṯutjara nyinaku Godala tjungu.’ ”

1 Timitjiku 4:3

Panya tjanaya kunyu wangkapai watingku kuri aḻṯinytja wiyangku wantinytjaku, munuya piṟuku wangkapai mai kuka tjara kutjupa ngalkuwiyangku wantinytjaku. Palu utila nyanga tjananya kulilwiyangku wantima, panya Godalu mai kuka palunya tjananya ngalkuntjaku mantangka tjunu. Munu panya paluṟu mukuringanyi Jesuku walytjapitingku mai kuka palunya tjananya ngalkuntjikitjangku palunya-waraṟa waḻkuntjaku panya maiku kukaku pukuḻarira. Godalu panya mai kuka ngalkuntjaku tjunu palumpa walytjapitiku, panya paluṟu tjana tjukurpa mularku walytjaringu.

Tayitatjaku 1:15

Panya aṉangu palyanyku nyinapai tjuṯangku mai kutjupa kutjupa uwankara ngalkupai palya kuliṟa. Palu aṉangu ngunti kulilpai tjuṯangku Jesunya wantira mai kutjupa kutjupa uwankara kanpanmankupai. Panya nyara paluṟu tjana kulintja kawakawa kura mulapa, munuya puṯu tjukaṟurungku ngurkantankupai kura munu palya, munuya puṯu tjukaṟuru nyinapai.

Iipuṟuku 11:3

Ka nganaṉa Godaku mulamularingkula nintingku kulini panya paluṟu ilkaṟi manta kuḻu wangkara paluṉu. Kala nyanganyi paluṟu paluntjitja uwankara, palu puṯula nyanganyi yaaltjinguṟu paluntja, panya paluṟu arkayitjanguṟu paluṉu wangkangku kutju.