1 Timitjiku 1:20 - Tjukurpa Palya

²⁰ Panya wati Aimanatjinya pula Alika-tjantanya palu puṟunyaringu. Kaṉa pulanya wantira Satanta kurakutu ma-walatjunu panya pula pina aḻaringkula Godanya kuranmankunytja wiyaringkunytjaku.

1 Timitjiku 1:20 Iomraidhean Croise

Matthew-ku 18:17

Ka rawangku kuliṟa kuṉṯaringkuwiyangku wantinyangkampa palunya Godaku walytja tjuṯakutu katira tjuṯangka miṟangka wangka. Ka palu puṟunypaṯu tjuṯangka miṟangka tungun-tungunpa ngaṟanyangkampa palya palunya kuranmaṟa painma. Panya paluṟu aṉangu mantatja kulilpai tjuṯa puṟunypa nyinanyi Godaku mulamularingkupai wiya, wati panya kamantaku mani mantjilpai tjuṯa puṟunypa.”

Acts 13:45

Kaya wati Jew kuranyitja tjuṯangku nyangu aṉangu mungilyi mulapa kapuṯurira ngaṟanyangka, munuya nyakula nyaṟaringangi munuya Paulalu wangkanyangka anaṟa palunya kuranmanangi.

Acts 19:33

Kaya aṉangu Jew tjuṯangku wati kutjupa ini Alika-tjantanya wangkara wituwituṉu kuranyunguṟu ngaṟala aṉangu tjuṯangka wangkanytjaku. Ka paluṟu mulapa manyirka katuringu tjanala wangkanytjikitja.

1 Kaṟintjaku 11:32

Palu panya Godalu nganaṉanya pailpai nganaṉa nintiringkula kuliṟa tjukaṟururingkunytjaku, nganaṉanya Godalu ngula mulamularingkupai wiya tjuṯangka tjunguṟa waṟungka waṉinytjaku-tawara.

2 Kaṟintjaku 10:6

Uwa, nyura kulini? Panya ngayulu nyuranya tjukurpa tjukaṟuru nintiningi, ka panya nyura kuliṟa Jesuku nintiringu munu palula wangaṉarangku kuliningi. Kaṉa mukuringanyi nyura rawangku palula wangaṉarangku kuliṟa palyantjaku. Palu tjinguṟu nyura palula rawa tungunpungama, ka ngayulu nyuranya pailku alatjiṯu.

2 Kaṟintjaku 13:10

Panya Mayatja Jesuluṉi wituṉu aṉangu tjuṯa wangkara kuṉpuntjaku, paiṟa mauṉṯankunytjaku wiya. Palulanguṟuṉa lita nyangatja ngaṉmanytju walkatjunanyi ngayulu nyurala wirkankunytja kuwaripangka nyura kura wantinytjaku. Kaya ngaṉmanytju kuṉṯaringkula kura wantima Jesunya mulamulangku waṉantjikitjangku. Palulanguṟuṉa nyuranya ngula ma-wirkaṟa nyakula nyurampa pukuḻariku, munuṉa nyuranya nyakula paintja wiyangku wantiku.

2 Tjitja-lanikaku 3:15

Palu nyura uti palumpa mirpaṉarinytja wiyangku purkaṟangku kalypangku wangkara palunya tjukaṟurunma, panya paluṟu Jesuku walytjaṯu nyinanyi munu nyurampa kuḻu.

2 Timitjiku 2:14

Uwa Timitji, tjukurpa nyanga palunya tjananya Jesuku walytja tjuṯangka rawangku wangkara nintinma watarkurinytjaku-tawara. Munu Godala miṟangka tjananya markunma tjukurpanguṟu ngaparku wangkawiya nyinanytjaku. Panya paluṟu tjana alatji rawangku wangkara kuraringanyi Jesula kuṉpuringkunytja wiya. Kaya tjinguṟu kutjupa tjuṯangku tjanala ngaparku wangkanyangka kuliṟa kuraringkukuṯu munuya palulanguṟu tjinguṟu Jesulanguṟu paṯuringkuku.

2 Timitjiku 2:17

Panya tjukurpa tjanampa lipiringkupai, nyaa puṟunypa panya pika kunmaṉu puṟunypa, panya pika paluṟu miṟingka nyinakatira miritjina wiyangka puḻkaringkupai munu puntu winki kuralpai, palu puṟunypa tjanampa tjukurpa aṉangu tjuṯangka lipiringkupai, kaya uwankara ma-kuraringkula Godalanguṟu paṯuringkupai. Panya wati Yama-nitjalu pula Palitalu tjukurpa kurakura nyanga puṟunypa tjuṯa aṉangu tjuṯangka ngunti nintiningi.

2 Timitjiku 3:2

Panya nyara palula aṟa aṉangu tjuṯangku tjananku kutju kuliṟa palyalku, kutjupa tjuṯaku ngaḻṯuringkunytja wiyangku. Ka kutjupa tjuṯangku mani kutju puḻkaṟa kulilku, munuya kaṉany-kaṉanypa ngaṟala tjananku mirawaṉiku. Ka kutjupa tjuṯa tjaa kuraringkuku munuya ngunti tjuṯa kutju wangkaku, munuya mamangka ngunytjungka puḻkaṟa tungunpungkuku, munuya wiṟu tjuṯa ungkunyangka pukuḻarinytja wiyangku wantiku, munuya rawa alatjiṯu Godala tungunpungkuku.

Iipuṟuku 12:5

Palu tjinguṟu nyura watarkuringu nyiringka panya iriti walkatjunkunytjitjaku. Panya tjukurpa paluṟu ngaṟanyi nganaṉa kuliṟa raparingkunytjaku, panya Godalu katja tjuṯa paintja nyanga alatji ngaṟanyi, “Kulila! Mayatja Godalu nyuntunya tjitji puṟunypa tjukaṟurulpai palulawanu nyinanytjaku, kan uti palula wangaṉarangku kulinma panya paluṟu nyuntunya ngunti palyannyangka pailpai. Uti nyuntu kuranguṟu painnyangka kuliṟa tjituṟu-tjituṟurinytja wiyangku wantima.

Revelation 13:1

Kaṉa palulanguṟu nyangu mamu ngalya-pakannyangka uṟu puḻkanguṟu kata 7-tjara munu yuṟuwilya 10-tjara. Ka yuṟuwilyangka kutjungka kutjungka paluṟu kanyiningi puṯuru puṟunypa panya puṯuru mayatjangku kanyilpai, palu puṟunypa, ka ini kura walkatjuṟa wantinytja ngaṟangi kata kutju kutjungku Godanya anantja-tjara.

Revelation 3:19

Nyaanguṟuṉa nyurala nyangatja wangkanyi? Wiya ngayulu nyurampa puḻkaṟa mukuringkula paini nyura tjukaṟuru nyinanytjaku. Kaya mulamula pinkurarala Godalakutu kura uwankara wantira.