1 Samuelku 26:4 - Tjukurpa Palya

⁴ Ka Davidalu wati palumpa tjuṯa iyaṉu ankula nyakunytjaku, “Yaaltjingkaya wati panya Saulanya tjana ngura tjunkula nyinanyi?” Kaya ankula ma-nyakula pitjala Davidala tjakultjunu.

1 Samuelku 26:4 Iomraidhean Croise

Matthew-ku 10:16

Munu Jesulu tjanala piṟuku wangkangu, “Uwa, ngayulu nyuranya ngura tjuṯakutu iyaṉi ngayuku tjukurpa tjakultjunkunytjaku. Palu kulilaya, panya nyura tjami tjuṯa ananyi tjiipi tjuṯa puṟunypa, kaya ngura nyara palula tjanala aṉangu pikaṯi tjuṯa nyinanyi papa inuṟa tjuṯa puṟunypa, munuya paluṟu tjana nyurampa pikaringkula nyuranya kuralku. Ka nyara palulanguṟu nyuranku uti purkaṟangku kuliṟa walytjangku aṯunymanama munuya tjanampa ngapartji pikaringkuwiyangku wantira pilunpa nyinama.

1 Samuelku 26:3

Munuya wirkaṟa ngura tjunu iwarangka itingka puḻi panya Akilala ngura ini Tjitjimanta itingka palu Davidanya kumpiṟa nyinangi ngura nyara piḻṯingka Tjipala.

1 Samuelku 26:5

Ka munga kultungka Davidanya wati tjuṯatjara anu ngura nyara palulakutu panya Saulanya tjana ngarinytjalakutu munuya nyangu Saulanya pula Apananya tjanala nguṟurpa ngarinyangka. Kaya palumpa pulampa tjaultji tjuṯa para-ngarira waṉaningi kunkunpa uwankara. (Apananya wati ini Nuupaku katja, munu paluṟu Saulaku tjaultji tjuṯaku mayatja.)