1 Samuelku 22:3 - Tjukurpa Palya

³ Palulanguṟulta Davidalu kuḻpi panya palunya wantikatira anu tawunu ini Mitjapalakutu manta panya ini Mawapalakutu. Munu wangkangu Mawapaku mayatjangka alatji, “Wiṟungkutju ngayuku mama munu ngunytju kuḻu aṯunymaṟa kanyinma ngayuku paṯaṟa? Kaṉatju kumpiṟa ankula ma-nyinamalta Godalu panya nintintjaku paṯaṟa.” Ka Davidalu tjapinnyangka Mawapaku mayatjangku palyanmanu.

1 Samuelku 22:3 Iomraidhean Croise

Genesis 47:11

Ka Josephalu kulinu Piiṟalu wangkanytja munu palumpa mama, kuṯa tjuṯa, walytja uwankara katira tjananya ngura panya Katjinnga ungu alatjiṯu tjananku kukatjara nyinanytjaku manta panya Itjipala. Ka ngura nyara palula itingka ngura tawunu puḻka ngaṟangi ini Ramatjinya. Ka Josephalu tjananya uwankara mai rawangku ungkukatingi pukuḻpa nyinanytjaku.

Exodus 20:12

“Nyura uti mamangka ngunytjungka wangaṉarangku kulinma mukulyangku. Pala palulanguṟu nyura rawa nguwanpa wanka nyinaku manta nyara ngayulu nyuranya ungkunytjitjangka.

1 Timitjiku 5:4

Palu panya wankala katja uṉṯalpatjara munta pakaḻi puḻiritjara nyinanyangka, uti paluṟu tjananku kanyinma walytjangku. Panya minyma paluṟu tjananya tjitjilpi aṯunymaṟa kanyiningi, kaya uti tjana ngapartji palu puṟunypaṯu aṯunymaṟa kanyinma wanakaḻarinyangka. Ka panya alatjingannyangka Godalu nyakula puḻkaṟa pukuḻarinyi.

Ruthaku 4:17

Kaya minyma tjuṯangku iṯi panya wirkankunyangka uwankarangka tjakultjunangi, “Awai! Wanyuya kulila! Kuwari iṯi ngaringu Nayumiku pakaḻi.” Munuya tjitji panya palunya ininu Uupitanya. Ka Uupitanya puḻkaringkula ngula watiringu munu kuri aḻṯira tjitji utinu ini Jesse-nya, ka Jesse-nya puḻkaringkula ngula watiringu munu kuri aḻṯira tjitji utinu ini Davidanya.

1 Samuelku 14:47

Uwa, Saulanya panya mayatja puḻkaringu Israelku munu paluṟu tjaultji tjuṯatjarangku pikangku pungkupai Israelku pikaringkupai tjuṯa ngura winkingka para-arintaṟa. Munu paluṟu wati Israelkunu kutjupa kuṉpu rapa puḻka ngaṟanyangka nyakula palunya ngurkantaṟa tjungulpai palumpa tjaultji tjuṯangka tjanampa pikangku pungkunytjaku.

1 Samuelku 22:2

Kaya aṉangu ngaḻṯutjara kutjupa tjuṯangku kuḻu kulinu munuya wirkaṟa palula tjunguringu – kutjupa tjaraya taṟapulatjara, kaya tjara kutjupa tjituṟu-tjituṟu kulintja puḻkatjara, kaya tjara kutjupangku mani ngatjintjatjanungku maḻakungku puṯu ungangi. Wati 400 nguwanpaya Davidala tjunguringu, ka paluṟu tjanampa mayatjaringu.

1 Samuelku 22:4

Ka mulapaṯu Davidalu mama ngunytju mayatjaku panya ngurangkalta wantikatingu, munu tjiṉṯu nyara palula ankula kumpiṟa ma-nyinangi ngura ngurpatjangka. Ka pula mama ngunytju Mawapaku mayatjangka rawa nyinangi Davidanya kumpiṟa ma-nyinanyangka.

1 Samuelku 3:18

Ka paluṟu mungawinki pakaṟa Iilaila uwankara tjakultjunu kutitjunkunytja wiyangku Godalu panya palula wangkanytja. Ka Iilailu wangkangu, “Paluṟu alatjiṯu Mayatjangku uwankara kuliṟa palyantjaku ngaṟanyi alatjiṯu.” Ka Mayatja Godanya Samuelta tjungu tiṯutjara nyinangi. Ka paluṟu ngula puḻkaringkula watiringu. Palu Israelkunu tjuṯangkuya kuliningi Samuelnga Mayatja Godaku wangkatjara nyinanytja. Ka Godalu paluṟunku rawangku utiningi Samuelta, munu paluṟunku utiningi tjukurmankunytja-wanungku. Ka Samuelku tjukurpa lipiringu ngura uwankarangka Israelta munu ngura ititja tjuṯangka kuḻu.