1 Samuelku 21:7 - Tjukurpa Palya

⁷ Ka tjiṉṯu nyara palulaṯu Saulaku tjiipi aṯunymankupai ngura nyara palula nyinangi wati ini Tuwikanya panya Iitamakunu. Paluṟu tiinta miḻmiḻṯa tjarpara Godanya waḻkuningi.

1 Samuelku 21:7 Iomraidhean Croise

Genesis 26:20

Palu Kiṟarnga nguraṟa kuka kanyilpai tjuṯa pikaringu Isaacaku waṟka tjuṯaku wangkara, “Mina nyangatja nganampa!” Ka palulanguṟu Isaacalu mina palunya ininu “Pikaringkunytjanya”.

Itjikilku 33:31

“Munuya palulanguṟu paluṟu tjana pitjala nyinakatira kulilpai nyuntu tjukurpa wangkanyangka tjanala. Palu paluṟu tjana kulintjatjanungku nyuntu wangkanytjitja tjuṯa palyantja wiyangku wantipai alatjiṯu. Munuya alatji kutju wangkapai, ‘Awa! Tjukurpa wiṟunya palangku wangkangu kuwari nganaṉala! Wiṟu mulapa!’ Palu nyanga palu puṟunypa wangkanyangka nyuntu kuliṟa mulamularingkuwiyangku wantima, panya tjana unytjungku kutju wangkanyi, munuya tjukurpa panya palumpa mapalku watarkuripai kuruntu mantjintja wiya. Panya paluṟu tjana mukuringkunytja tjuṯa kutju palyalpai nyuntu panya wangkanytja wantira. Munuya paluṟu tjana utitja tjuṯa kutju rawangku kulilpai, panya mani, mai, munu kutjupa kutjupa wiṟu tjuṯa manyungku mantjintjikitjangku.

Matthew-ku 15:8

‘Aṉangu nyangantuya ngayunya winpinpingku kutju waḻkulpai, panya tjana kurunpa winkingku ngayunya waḻkuntja wiya alatjiṯu.

1 Samuelku 14:47

Uwa, Saulanya panya mayatja puḻkaringu Israelku munu paluṟu tjaultji tjuṯatjarangku pikangku pungkupai Israelku pikaringkupai tjuṯa ngura winkingka para-arintaṟa. Munu paluṟu wati Israelkunu kutjupa kuṉpu rapa puḻka ngaṟanyangka nyakula palunya ngurkantaṟa tjungulpai palumpa tjaultji tjuṯangka tjanampa pikangku pungkunytjaku.

1 Samuelku 21:8

Ka Davidalu wati panya tjukurtjarangka tjapiningi, “Tjula waṟan kanyini? Munta tjinguṟu tjula waṟa wiyangkampaṉi kuḻaṯa kanyintjatjanungku ungama. Panya mayatja Saulalu ngayunya witunnyangkaṉa mapalku pitjangu tjula wantikatira.”

1 Samuelku 22:10

Ka Godala tjapiningi Ayima-likalu Davidanya alpamilantjaku, munu palulanguṟulta Davidanya mai ungu munu tjula waṟa kuḻu ungu, tjula panyatja Davidalu panya Kalaitjanya kata kaṯantja.”

1 Samuelku 22:22

Ka Davidalu kulinu munu Apiyatjala wangkangu, “Kulila! Tjiṉṯu panyatja kulinma panya ngayulu Naapalakutu anu, ka panya Tuwikanya nyara palula nyinangi wati panya Iitamanya nguraṟa. Kaṉa nyara palula aṟangka ngayulu kuliningi, ‘Kuwari wati nyanga Tuwikalu Saulala tjakultjunanyi Ayima-likalu ngayunya alpamilantja.’ Ka nyanga mulapaṯu kuwari nyuntumpa walytja uwankaralta iluntara wiyaṉu. Ngaḻṯutjara! Mulapa panyaṉa nyuntumpa mamangka wirkaṟa tjapinu ngayunya alpamilantjaku, kaya nyara palulanguṟulta uwankara pungu ngayunya alpamilannyangka.

1 Samuelku 22:9

Palu wati panya Tuwikanya nyara palula ngaṟangiṯu tjanala tjungu, wati panya Iitamanya nguraṟa, munu paluṟu Saulala wangkangu, “Ngaṉmanypa panyaṉa ngayulu tawunu Naapala nyinangi munuṉa Jesse-ku katja nyangu paluṟu tjukurtjara Ayima-likala wirkankunyangka, Akitupaku katjangka panyalta.