1 Samuelku 19:4 - Tjukurpa Palya

^4-5 Munu mungawinki Jonathantu mulapaṯu mamangka panya wangkangu, “Nyaanguṟuṉa Davidanya iluntankuku? Panya paluṟunta rawa mulatu nyuntunya alpamilaningi. Wanyu paluṟu kutjupa kutjupa nyuntumpa ngunti palyaṉu? Wiya alatjiṯu. Kaṉa nyaanguṟulta iluntankuku?” Munu paluṟu wiṟu tjuṯa Davidanyatjara palula wangkangi alatji, “Kulila Mama! Davidalu panya nguḻu wiyangku alatjiṯu wati panya Kalaitjanya iluntanu, ka nyara palulanguṟulta nganaṉanya Mayatja Godalu alpamilaṉu nganaṉa Israelkunu tjuṯangku tjaultji Pilitjiyanya nguraṟa tjuṯa pungkula wiyantjaku, ka panyan nyakula puḻkaṟa alatjiṯu pukuḻaringu.”

1 Samuelku 19:4 Iomraidhean Croise

Genesis 42:22

Ka kuṯa puḻkangku Rupintu wangkangu, “Panya puṯuṉa nyurala wangkangu pungkuwiyangku wantinytjaku, ka nyura ngayunya kulilwiyangku alatjiṯu wantingu. Kala nyangatja nganampa ngapartjilta utiringanyi nganaṉa ngapartji ilunytjaku.”

Genesis 9:6

Panya ngayulu aṉangu palyaṉu ngayunya puṟunypa nyinanytjaku. Palulanguṟu nyura uti aṉangu kutjupa tjuṯaku pukuḻarima tjananya mirpaṉṯu pungkula iluntankunytja wiya. Palu tjinguṟu nyura aṉangu kutjupa mirpaṉṯu miri pungkunyangkampa, aṉangu kutjupangku nyuntunya ngapartji miri pungkukuṯu.

1 Kaṟintjaku 8:12

Ka nyura alatji palyaṟa kuraṉi Christaku walytjapiti kuraringkunytjaku munu nyura Christanya kuḻu kuraṉi.

1 Johnku 3:15

Palu ngananya tjana walytja tjuṯaku kuraringkupai Godaku panya walytja kutjupa tjuṯaku? Nyara paluṟu tjana miriputju puṟunypa nyinanyi. Ka nyura ninti panya miriputju tjuṯa Godala tjungu wanka tiṯutjara nyinanytja wiya.

1 Samuelku 20:32

Ka Jonathantu palumpa mamangka wangkangu, “Nyaanguṟun palunya iluntankuku? Kura nyaa wanyu paluṟu palyaṉu?”

1 Samuelku 22:14

Ka Mayatja Saulala wangkangu, “Wiya, Davidanya panya nyuntumpa waṟkaripai tjukaṟuru mulapa nyuntunya kurantja wiyaṯu. Nyara paluṟunku nyuntumpa panya wati waputju wiṟu mulapa. Paluṟu nyuntumpa tjaultji tjuṯaku mayatja nyinangi, munu nyuntunya wankaṟu aṯunymaṟa kanyiningi. Munu paluṟu nyuntula wiṟuṟa kulilpai wangaṉarangku, kaya nyuntumpa panya walytjapiti puḻkaṟa pukuḻaripai palumpa.