1 Samuelku 19:2 - Tjukurpa Palya2-3 Munu paluṟu ankula Davidala ma-tjakultjunu, “Ngayuku mama mukuringanyi nyuntunya iluntankunytjikitja, ka nguḻu nyangama munu mungawinki ankula putingka nyara kumpiṟa nyinama, kaṉa ngayuku mama nyuntula itiwanungku ma-katiku, munuṉa nyuntunyatjara palula tjapilku, munuṉa paluṟu wangkanytja nyuntulalta maḻa tjakultjunkuku.” Faic an caibideil |
Ka Jonathantu wangkangu, “Wiya, kulilaṉi! Nyuntunyanta paluṟu iluntankunytja wiya. Panya Mamaluṉi tjakultjunkupai uwankara paluṟu kulintjitja, puḻka tjuṯa munu tjukutjuku tjuṯa kuḻu. Ka pala nyuntu kulintja, palatja tjukaṟuru mulapa wiya, panya paluṟu kulintjatjanungku ngayula utingku uwankara tjakultjunkupai wantinytja wiyangku.”
Ka Davidalu wangkangu, “Mungawinkila nganaṉa mai puḻka ngalkuṉi piṟa kuwaritja utiringkunyangka. Palu ngayuluṉa nyuntumpa mamangka tjungungku mai ngalkuwiyangku wantinyi, kaṉa nyuntu palya kulinnyangkampa ankula putingka kumpiṟa ma-nyinama, munuṉa putingka nyara tjiṉṯu kutjara nyinara mungartjiriku.