Mt 2:2 - Cohãcjʉ̃ Yere Yahuducuri Tju

² Sa wihiye, masare to cjẽnare sinituahye: —‍¿Judio masa pʉhtoro ijiatiquiro yojopʉre nohopʉ masa bajuagari tiquiro? Asʉ̃ mʉja taropʉ cjãna ijiaja. Sa yena ñahpicoha coã bajua wahã sagʉ̃ ihñana “Pʉhtoro masa bajuaro niaga”, ni masii ʉsã. Sa tia bajuagʉ̃ ihñana, ʉsã ihcãno mehna tiquirore ño peona ahtaʉ ohõpʉ, ni, yahuahye buheyequina masare.

Mt 2:2 Iomraidhean Croise

Mt 2:3

Sa ye apequina Herodere tire yahuahye. Tiquina sa yahugʉ̃ tʉhoro Herode pehe bʉjʉa witi tʉhotuahye. Sa yeye ijipihtiyequina Jerusalẽ cjẽna gʉ̃hʉ tiquiro yero sahata bʉjʉa witi tʉhotuahye tiquina gʉ̃hʉ.

Mt 21:5

Jerusalẽ cjẽnare ohõ saha ni yahuya: “Ihñaña mʉsa. Mʉsa pʉhtoro mʉsa cahapʉ ahtare. Tiquiro quehnoano masa quehnoariquiro ijire. Burro macʉnogã bui pesariquiro ahtarota”, ni yahuya Jerusalẽ cjẽnare, ni ojoahye panopʉ.

Mt 27:11

Sa ye Pilatore tiquina ohori bato tiquiro pehe Jesure sinituahye: —‍¿Potota judio masa pʉhtota ijiajari mʉhʉ? ni sinituahye Jesure. —‍Mʉhʉ nino sahata ijiaja, ni yʉhtiahye Jesu.

Lc 19:38

—‍Ahriquiro Cohãcjʉ̃ tiquiro ohoriquirore, mari pʉhtorore Cohãcjʉ̃ quehnoano yeahro. Ʉhmʉse cjẽna quehnoano ijiahro. Cohãcjʉ̃ tiquiro tutuariquiro ijigʉ̃ ijipihtiyequina masiahdo, ni ño peoahye tiquina.

Lc 2:11

Mia ñamine pʉhtoro Davi mʉnano ya macapʉ mʉsare pecapʉ wahaborinare yʉhdʉoatiquiro, Cristo Cohãcjʉ̃ ohoriquiro mari pʉhtoro masa bajua tuhasari.

Lc 23:3

Tiquina sa ni yahusãri bato Pilato Jesure sinituahye: —‍¿Judio masa pʉhtota ijiajari mʉhʉ? niahye tiquiro Jesure. —‍Mʉhʉ nino sahata ijiaja, ni yʉhtiahye Jesu.

Lc 23:38

Sa ye tiquiro bui ohõ saha ni ojoa ohõahye. “ahriquiro judio masa pʉhtoro ijire”, ni, ojoa ohõahye.

Jn 1:49

Tiquiro sa nigʉ̃ Natanae pehe ohõ saha nidi tja: —‍Buhegʉ, potota mʉhʉ Cohãcjʉ̃ macʉ ijire. Mʉhʉ Israe masa ʉsã pʉhto ijiacjʉ ijire, nidi Natanae.

Jn 12:13

Sa ye iqui pohnarine ne cã, tiquirore piti caye wahari. Sa piti caye ohõ saha ni sañuducuri tiquina: —‍Ahriquirore ño peouhna. Ahriquiro Cohãcjʉ̃ ohoriquiro quehnoano ijiahro. Ahriquiro judio masa mari pʉhtoro tjire, ni sañuducuri tiquina.

Jn 18:37

—‍¿Sa yegʉ pʉhto ijiajari mʉhʉ sa nigʉ? niahye Pilato. —‍Mʉhʉ nino sahata pʉhto ijiaja. Masa tiquina pʉhto ijigʉ tagʉ masa bajuʉ yʉhʉ. Sa yegʉ ahri yehpapʉ ahtaʉ tiquina pʉhto ijii tʉhʉ, poto ijiyere yahugʉ tʉhʉ. Ijipihtiyequina poto ijiyere tʉho duayequina, yʉhʉ yahuyere tʉhore, niahye Jesu.

Jn 19:19

Tiquina quẽ biha tuhasagʉ̃ Pilato taboa pjĩne ojoa duti, Jesure tiquina quẽ biha ohõri curusapʉ quẽ biha ohõ dutiri jiri ti pjĩne. Ohõ saha ni ojoa dutiri jiri tiquiro: “ahriquiro jesu nazare cjʉ̃no, judio masa pʉhtoro ijire”, ni ojoa dutiri jiri Pilato ti pjĩne.

Jn 20:28

Tiquiro sa nidi bato Tomasu yʉhtiri: —‍Mʉhʉ yʉhʉ pʉhto ijire. Yaquiro Cohãcjʉ̃ ijire mʉhʉ, nidi Tomasu Jesure.

Jn 9:38

—‍Pʉhto, mʉhʉre wacũ tutuaja, nidi caperi bajueramediquiro. Sa nino tiquiro Jesu caha dʉsepe curi mehna quehe sa, tiquirore ño peori.

Hebreos 1:6

Sa yero ape taha tiquiro macʉnore coã masa bajuariquirore ahri yehpapʉ cũno ohõ saha niahye Cohãcjʉ̃ tiquirore: Ijipihtiyequina yeequina angele dʉsepe curi mehna quehe sa, ño peoeta tiquina yʉhʉ macʉre, niahye tiquiro.

Ap 22:16

Sa yero ohõ saha ni yahu nemori Jesu: —‍Yʉhʉ, Jesu, yaquiro angelre ohou mʉsare yeequinare ahri pũ cjẽne yahugʉ tʉhʉ. Pʉhtoro Davi panami iji turiagʉ ijiaja yʉhʉ. Yʉhʉ bohrearia yero saha ijigʉ ijiaja, ni yahu nemori Jesu.