Mt 13:3 - Cohãcjʉ̃ Yere Yahuducuri Tju

³ Sa yero tiquiro peye queoye mehna yahuri tiquinare, buhero taro. Ohõ saha nidi tiquiro: —‍Oteriquiro otero wahahye.

Mt 13:3 Iomraidhean Croise

Mt 13:4

Tiquiro sa otero wahagʉ̃ apeye pjeri maha dʉhtʉ cahapʉ bora quehe sahye. Topʉ bora quehe saye pjerire minicjʉa ahta, ihya cãhye.

Mt 13:53

Ti queoyere tiquiro buheri bato, wahaʉ ʉsã tiquiro mehna.

Mt 22:1

Sa ye pari turi queoye mehna tiquinare buhe dʉcari Jesu.

Mt 24:32

’Yojopʉre higueragʉre tʉhotuya mʉsa. Tʉ queoye mehna mʉsare buheitja. Tʉ yucʉgʉ pũri tigʉ̃ ihñana, cʉhma mehenogã dʉhsagʉ̃ masine mʉsa.

Mr 12:1

Sa ye Jesu tiquiro tʉhotuye mehna ohõ saha ni queoye mehna buhe dʉcahye tiquinare. —‍Wese upʉro ʉhse darire oteahye. Ote tuhasa, sahrĩnore doco, ʉhsere tiquina cʉhta mʉtoati copere sehe, ʉhmʉari wʉhʉgã dahreahye tiquiro. Sa yero ti wesere apequinare ihcã pehe pahma cũno, ti wesere cohte dutiahye. Cohte duti tuhasa ape siepʉ wahaa wahahye tiquiro.

Mr 12:12

Tiquiro sa nigʉ̃ tʉhoye pahia pʉhtoa, ʉsã acaye judio masare buheyequina, bʉcʉna mehna ohõ saha ni tʉhotuahye: “Jesu wesere cohteyequina quiti mehna marine tuhtiro nine”, ni tʉhotuahye. Sa ni tʉhotuye Jesure ñehe duamahye. Sa ñehe duepeta masare cue niahye. Sa cueye tiquirore cohã cãa wahahye.

Mr 3:23

Tiquina sa nigʉ̃ tʉhoro Jesu pehe tiquinare piji, tiquiro tʉhotuye mehna queoye mehna yahuahye tiquinare, “Watĩno ye tutuaye mehna watĩare cohãgʉ niedaja”, nino taro.

Mr 4:13

Tiquiro sa nidi bato ohõ saha ni yahu nemoahye tiquinare: —‍¿Ahri quitire tʉhoena niajari mʉsa? ¿Mʉsa ahri quitire tʉhoerana, dʉhse apeye quitire tʉhonatari mʉsa? niahye Jesu tiquinare. Sa ni tuhasa ohõ saha ni yahu nemoahye tiquinare:

Mr 4:33

Sa yero ti quiti tiquiro nidiro saha peye quitire tiquina tʉho ñeheno puno quehnoañe buheyere buheahye tiquinare.

Lc 12:41

Tiquiro sa nigʉ̃ Pedro pehe sinituahye Jesure: —‍¿Ahri quitire yahugʉ ʉsãre nigʉ niajari? ¿O ijipihtiyequinare sa nigʉ niajari? niahye Pedro.

Lc 8:10

Tiquina sa nigʉ̃ Jesu yʉhtiahye: —‍Cohãcjʉ̃ masa pʉhtoro tiquiro ijiyere panopʉ apequina tiquina masiedarire mʉsare masigʉ̃ yerota Cohãcjʉ̃. Apequina pehere sa yerare tiquiro. Tiquinare queoye mehnata buheitja. Yʉhʉ sa yegʉ̃ tiquina yʉhʉ buheyere tʉhoepeta masisi, niahye Jesu tiquiro buheyequinare.

Jn 16:25

Sa ni tuhasa ohõ saha ni nemori: —‍Queoye mehna mʉsare yahue tii. Sa yahuepegʉta came mʉsare queoye mehna yahusi yʉhʉ. Sa yahueragʉ yʉhʉ Pacʉ pehere quehnoano poto yahutja mʉsare.