Lc 4:23 - Cohãcjʉ̃ Yere Yahuducuri Tju

²³ Tiquina sa nigʉ̃ masino Jesu yahuahye tiquinare: —‍Yʉhʉ buheyere tʉho duerana, ohõ saha ni tʉhoture mʉsa yʉhʉre: “Duturu dohatiro tiquiro basi aco ti masine duturu waro tiquiro ijiyere ihñono. Mʉhʉ gʉ̃hʉ duturu tiquiro ye ihñono saha mʉhʉ nidiro saha ijigʉ Cohãcjʉ̃ tutuaye mehna ye ihñoña ʉsãre. Capernaupʉre Cohãcjʉ̃ tutuaye mehna ye ihñoñohti mʉhʉ. Ʉsã gʉ̃hʉre sa ye ihñoña, mʉhʉ buheyere ‘Poto tjire’, ʉsã niato saha”, ni duare mʉsa yʉhʉre.

Lc 4:23 Iomraidhean Croise

Mt 13:54

Waha, tiquiro masari macapʉ esaʉ. Topʉ esa, judio masa mari buheye wʉhʉsepʉ buheri tiquiro. Tiquiro sa buhegʉ̃ tʉhoye, tʉho maria wahari tiquina. —‍¿Ahriquiro nohopʉ tʉhoyari ahri buheyere? ¿Dʉhsero quehnoano masi pehoajari tiquiro? Cohãcjʉ̃ tutuaye mehna ye ihñore tiquiro basi.

Mt 4:13

Topʉ ijiri macapʉ Nazarepʉ waha, yʉhdʉ cã, Capernau wame tiri macapʉ esahye. Galilea wame tiri ditara dʉhtʉ cahapʉ ijiri Capernau. Ti maca Zebulón yehpa cahapʉ, Neftalí yehpa cahapʉ ijiri Capernau. Topʉ esa, ijiahye Jesu.

Mt 4:23

Sa ye ijipihtiropʉ Galilea yehpare Jesu buhe tinidi. Judio masa mari buheye wʉhʉsepʉ quehnoañe buheyere, ʉhmʉse cjʉ̃no tiquiro pʉhtoro ijiye tiyere buheri. Tiquinare buhe, dohatiyequinare quehnoa wahagʉ̃ yero, ijipihtiye dohatiyere yʉhdʉori tiquiro.

Mr 6:1

Sa ye topʉ ijiriquiro Jesu waha, tiquiro buheyequina mehna tiquiro ya dihtapʉ tojoa sahye.

Lc 2:39

Cohãcjʉ̃ dutiriro sahata ye tuhasaye, tiquina ya macapʉ Nazarepʉ tojoaa wahahye. Galilea yehpapʉ ijiahye ti maca Nazare.

Lc 2:51

Sa yero Jesu Nazarepʉ tojoaa waha, tiquiro pacʉsʉmʉare ne yʉhdʉdʉcaerahye. Ahri ijipihtiye tiquiro yerire María quehnoano wacũahye.

Lc 4:16

Came Nazarepʉ Jesu tiquiro masariropʉta esahye. Topʉ esa, saurú ijigʉ̃ tiquiro sa yeducuriro saha judio masa tiquina buheri wʉhʉpʉ sajã sahye. Topʉ tiquiro Cohãcjʉ̃ yere tiquina ojoari pũre buhero taro topʉ ducuahye. Tiquiro sa ducugʉ̃ ihñañe to cjẽna pehe Cohãcjʉ̃ yere yahu mʉhtariquiro Isaia mʉnano tiquiro ojoari pũre tiquirore ohoahye. Ti pũpʉ Jesu ahri yahuyere bocaro buheahye:

Lc 4:31

Came Jesu Galilea yehpapʉ ijiri macapʉ Capernau wame tiri macapʉ esa, saurú ijigʉ̃ masare buheahye.

Lc 4:35

Tiquiro sa nigʉ̃ tʉhoro Jesu tuhtiahye watĩnore: —‍Dihta mariahña. Duhuya tiquirore, niahye Jesu. Tiquiro sa nidi bato masʉnore watĩno pehe yehpapʉ doque quehe sa tunugʉ̃ yeahye. Tiquiro sa yeri bato tiquiro pehe quehnoa wahahye.

Lc 6:42

Ohõ saha nina yero saha ijire mʉsa: “Yʉhʉ acayʉ, ñañene yegʉ nine mʉhʉ. Sa yegʉ tire duhuya”, nina yero saha ijire mʉsa. Sa nina ijiepenata pajiro ñañene yere mʉsa pehe. ¿Dʉhse yena mʉsa ñañene yepenata tire masiedajari mʉsa? Masa ihñono dihita quehnoano iji mehona ijire mʉsa sa yena. Pajiri pjĩne mʉsa capeapʉ ijiri pjĩne mʉsa ne mʉhtaboriro saha mʉsa ñano yeye pehere duhu mʉhtaña. Mʉsa sa yeri bato mʉsa acayʉro tiquiro ñano yeyere duhugʉ̃ ye masiboaga meheni pohcarogãre mʉsa neboriro saha, ni buheahye Jesu.

Jn 4:28

Sa yero numino ticoro ya suture duhu dapo cã, macapʉ wahaa wahari. Topʉ esaro masare yahuro, ohõ saha niahye:

2 Co 5:16

Sa yena yojopʉre ʉsã esa tuharo masare “Quehnoañequina ijire. Ñañequina ijire”, ni ihñedaja ʉsã. Panopʉ ʉsã esa tuharo yee timi. Sa yena Cristore masiedʉ. Yojopʉre Espíritu Santo yedohoye mehna tiquirore quehnoano masi tuhasaja.