Lc 3:2 - Cohãcjʉ̃ Yere Yahuducuri Tju

² Sa ye Anás, Caifa mehna ijipihtiyequina pahia pʉhtoa ijiahye. Ahriquina ijipihtiyequina tiquina ijiri pjere Ñu Zacaria macʉno masa marienopʉ ijiriquirore Cohãcjʉ̃ pehe tiquirore tiquiro yere yahu dutiahye.

Lc 3:2 Iomraidhean Croise

Mt 11:7

Ñu buheyequina tiquina wahari bato, Jesu pehe Ñu ijiye tiyere yahu dʉcari peyequina masare: —‍Masa marienopʉ taare wihnono wẽdoqueo mʉjagʉ̃ ihñana eserari mʉsa.

Mt 26:3

Sa ye pahia pʉhtoa, judio masa bʉcʉna gʉ̃hʉ cahmecoahye. Caifa pahia pʉhtoro ya wʉhʉpʉ cahmecoahye tiquina.

Mr 1:2

Cohãcjʉ̃ yere yahu mʉhtariquiro mʉnano Isaia tiquiro ojoariro sahata yahuye ijire. Ohõ saha ni ojoahye tiquiro: Cohãcjʉ̃ tiquiro macʉnore ohõ saha niahye: “Mʉhʉ pano mʉhʉre yahuyuatiquirore ohoyugʉ niaja.

Lc 1:80

Sa yero Zacaria macʉno quehnoano pagʉ tiriquiro masahye. Sa yero Cohãcjʉ̃re tutuaro ño peoahye. Sa yero yoari pje masa marienopʉ ijie tiahye. Israe masare buhe dʉcaro topʉta ijie tiahye.

Jn 1:23

Tiquina sa nigʉ̃ ohõ saha ni yʉhtiri tiquiro: —‍Masa marienopʉ ohõ saha ni sañuducugʉ ijiaja yʉhʉ, Cohãcjʉ̃ yere yahu mʉhtariquiro Isaia mʉnano tiquiro ni yahuriro sahata: “Mari pʉhtoro tiquiro ahtato pano mahare mari quehnoyuro saha quehnoana ijiyuya mʉsa”, ni masare yahu sañuducugʉ ijiaja yʉhʉ, nidi Ñu tiquinare.

Jn 18:24

Came Anás Jesure tiquina dʉhteriquirore Caifa pahia pʉhtoro cahapʉ ohoahye.

Hechos 4:6

Sa yero pahia pʉhtoro, Anás wame tiriquiro topʉ ijiahye. Tiquiro acaye gʉ̃hʉ ijiahye. Caifa, Ñu, Alejandro, apequina mehna Anás acaye gʉ̃hʉ ijiahye.