Lc 17:4 - Cohãcjʉ̃ Yere Yahuducuri Tju

⁴ Sa yero mʉsa acayʉro ihcã decota siete tahari mʉsare ñano tiquiro yegʉ̃ mʉsare tiquiro bo dutigʉ̃ boya. “Pari turi mʉhʉre ñano yesi”, siete tahari tiquiro nigʉ̃ tope taharita tiquiro ñano yerire boya, niahye Jesu.

Lc 17:4 Iomraidhean Croise

Mt 18:16

Mʉhʉre tiquiro tʉho dueragʉ̃ pũrita ihcãquiro mehna waha duagʉ o pʉaro mehna waha duagʉ tiquinare piti ti cã, pari turi tiquirore yahuna wahaya. Mʉsa sa yena pʉana o ihtiana tiquirore mʉsa yahusãgʉ̃, “Poto tjire”, ni masieta apequina.

Mt 18:35

Sa yero ohõ saha ni ahri quitire yahu bato tiri: —‍Sata yerota yʉhʉ Pacʉ ʉhmʉse cjʉ̃no mʉsare. Mʉsa ijipihtina mʉsa acaye mʉsare tiquina ñano yerire quehnoano mʉsa bo pehoeragʉ̃ tiquiro mʉsare buhiri dahrerota, nidi Jesu.

Mt 5:44

Tiquina yahuri yʉhdʉo cjũno ahri pehere yahu nemoutja mʉsare: Mʉsare ihña tuhtiyequinare cahĩña. Mʉsare ñano yeyequinare tiquina ye ijiatire Cohãcjʉ̃re sini basaya.

Mt 6:12

Apequina ʉsãre tiquina ñano yerire ʉsã boaja. Sa yegʉ mʉhʉ gʉ̃hʉ ʉsã ñano yerire boya.

Lc 17:5

Sa ye Jesu buheyequina tiquirore ohõ saha niahye: —‍Cohãcjʉ̃re ʉsãre quehnoano wacũ tutua nemogʉ̃ yeya, niahye tiquina Jesure.

Ro 12:20

Sa yena ohõ saha yeya mʉsa: “Mʉsare ihña tuhtiriquiro tiquiro ʉjʉa ahbagʉ̃ ihñana nuña tiquirore. Tiquiro aco wʉogʉ̃ ihñana tiquirore sihõña. Mʉsa sa yegʉ̃ ihñano tiquiro bʉe tirota”, nine mari pʉhtoro.