Lc 11:41 - Cohãcjʉ̃ Yere Yahuducuri Tju

⁴¹ Sa yena mʉsa yere pejecʉoyequinare ohoya mʉsa. Mʉsa sa yena quehnoañene tʉhotuna ijinata.

Lc 11:41 Iomraidhean Croise

Mt 26:11

Pejecʉoyequina pehe mʉsa mehna sa ijiducueta. Sa yena tiquina pehere mʉsa oho masine. Yʉhʉ pehe ahri yehpapʉre mʉsa mehna sa ijiducusi.

Mt 5:42

Mʉhʉre sinidiquirore ohoya. Sa yegʉ apequiro mʉhʉre waso dutigʉ̃ wasoya tiquirore, ni yahuahye Jesu.

Mr 7:19

Ti mʉsa tʉhotuyepʉre sajãedare. Mʉsa paapʉ sajã yʉhdʉa wahare, niahye Jesu. Sa nino “Ijipihtiye ihyaye quehnoañe ijire”, nino niahye.

Lc 12:33

Sa yena mʉsa yere dua pehoya. Tire dua, ti niñerure ne, pejecʉoyequinare ohoya. Sata mʉsa yegʉ̃ ʉhmʉse cjẽ mʉsa wapataye ne pihtisi. Ʉhmʉsepʉ mʉsa ye ijiro ne pihtierare. Topʉre mʉsa yere nea masiedare yaqueriquiro. Sa ye mecasia gʉ̃hʉ tire tʉa masiedare.

Lc 16:9

Sa ni tuhasa Jesu yahu nemoahye: —‍Sa yegʉ mʉsare niita niaja. Mʉsa cʉoyere, pejecʉoyequinare mʉsa ohogʉ̃, tiquina pehe mʉsare cahĩeta. Mʉsa sa yegʉ̃ mʉsa cʉoye pihtiari bato mʉsa ʉhmʉsepʉ esagʉ̃ mʉsare cahĩeta topʉre.

Lc 18:22

Tiquiro sa nigʉ̃ tʉhoro, Jesu tiquirore ohõ saha ni yahuahye: —‍Mehenogã dʉhsare mʉhʉre mʉhʉ ye pehoati. Ijipihtiyere mʉhʉ yere duagʉ wahaya. Sa yegʉ ijipihtiye mʉhʉ wapatari niñerure pejecʉoyequinare ohoya. Mʉhʉ sa yegʉ̃ peye mʉhʉ ye ʉhmʉsepʉ, Cohãcjʉ̃ cahapʉ ijirota. Sa ye tuhasagʉ yʉhʉ mehna cjʉ̃ ijiacjʉ ahtaya, niahye Jesu tiquirore.

Lc 19:8

Zaqueo pehe piti ca tuhasa topʉ ducuro, Jesure yahuahye: —‍Pʉhto, tʉhoya yʉhʉre. Ijipihtiye yeere deco mehna pejecʉoyequinare ohoutja. Sa yegʉ yʉhʉ apequirore cien niñeru cjoerire ni meho ehmarigʉ ijigʉ, cuatro cientos niñeru cjoerire wapa ye bui peoutja tiquirore, niahye Zaqueo Jesure.

Hechos 10:15

Sa yero Pedro pari turi yahuducugʉ̃ tʉhoahye: —‍Cohãcjʉ̃ “Quehnoañequina ijire”, tiquiro nidiquinare “Ñañequina ijire”, niedacãhña mʉhʉ tiquinare, ni yahuducugʉ̃ tʉhoahye Pedro.

Hechos 11:29

Sa ye Cristo buheyequina, ijipihtiyequina tiquina cʉoro puno tiquina acayere oho duaye, tiquina basi cahme yahuducuahye. “Judea yehpa cjẽna Jesu yequinare niñerure ohouhna”, niahye tiquina basi.

Hechos 24:17

’Peye cʉhmarine ape siepʉ tinidigʉ ijigʉ Jerusalẽne tojoa wihi, yʉhʉ acayere judio masa pejecʉoyequinare niñerure ohogʉ tʉʉ nii yʉhʉ. Tojoa wihi Cohãcjʉ̃re ño peogʉ tʉʉ, tiquiro ya wʉhʉpʉ sajãmi. Sa yegʉ Cohãcjʉ̃ tiquiro cose dutiriro sahata yʉhʉ basi yʉhʉ ñañene coseri bato wahiquirore oho duami tiquirore ño peogʉ tʉhʉ. Topʉ yʉhʉ ijigʉ̃ ahriquina judio masa yʉhʉre bocari. Tiquina bocagʉ̃ apequina yʉhʉ mehna mariedari. Usua, sañuducuyequina mariedari.

2 Co 8:12

Tutuaro mʉsa oho duagʉ̃ tire mʉsa ohorire Cohãcjʉ̃ bucuerota. Sa yena noho mʉsa cʉoro puno ohoya. Mʉsa ohoro punota bucuerota Cohãcjʉ̃. “Pejecʉoyequinare mʉsa cʉoye yʉhdʉoro ohoya”, mʉsare nino niedare Cohãcjʉ̃.

Ef 4:28

Ihquẽquina mʉsa mehna cjãna Jesu yequina mʉsa ijiato pano yaquerina ijina pari turi yaqueracãhña. Sa yena yojopʉre quehnoano dahraya pejecʉoyequinare mʉsa ohoatire.

Tito 1:15

Buhiri marieñequina quehnoañe dihitare tʉhoture. Ñañene yeducuyequina, Jesure wacũ tutueyequina pehe ñañe dihitare tʉhoture. Tiquina tʉhotuyepʉre ña yʉhdʉare. Sa ye quehnoañe pehere bese masiedare.

Hebreos 13:16

Mʉsa mehna cjẽnare quehnoano yeya. Sa yena tiquinare yedohoya. Tire boeracãhña. Mʉsa sa quehnoano yena Cohãcjʉ̃re ño peona niaga mʉsa. Sa yena tiquirore bucuegʉ̃ yena niaga.

Hebreos 6:10

Quehnoano mari yeri wapa queoro marine quehnoano yeriquiro ijire mari Pacʉ. Sa yero tiquiro yere mʉsa tutuaro dahrari wapare bosi tiquiro. Tiquirore cahĩna quehnoano yedohore mʉsa tiquirore. Apequina Cristo yequina gʉ̃hʉre yedohore mʉsa. Sa yena tiquinare yedohona niaga mʉsa. Sa yerina mʉsa ijigʉ̃ ihñano bosi tiquiro.

Santiago 1:27

Ijirota Cohãcjʉ̃re mari Pacʉre mari ño peona, tiquiro cahmeno saha ño peona, ohõ saha yeaja mari: Pacʉsʉmʉa marieñequinare, wape wiha numia gʉ̃hʉre tiquina ñano yʉhdʉgʉ̃ ihñana, tiquinare yedohoaja mari. Sa yena ahri yehpa cjẽna ñañene tiquina yerire ne ye dueraja mari. Sa yena potota Cohãcjʉ̃re ño peonata ijiaja mari.