TOWUNÖT 2:1 - PIPÏLIA

¹ Kïlenyona, kwighisyö yïmwöy nko ngwïny nko tïkwïn löwïr cho mi oringwa.

TOWUNÖT 2:1 Iomraidhean Croise

TOWUNÖT 1:1

Otini le towunöt, kigh Tororöt yïmwöy nko ngwïny,

TOWUNÖT 1:10

Kïkurö Tororöt kor wölo tïyame “Ngwïny,” kïkurö pöghechay kituyechï ato le akonga “Nanam.” Kïsïwa Tororöt lö karamach choni lapay.

TOWUNÖT 2:4

Lenye nyï wölo kikida yïmwöy nko ngwïny. Otini kigh ECHOTYON Tororöt yïmwöy nko ngwïny,

2 PÖYTOGHÏ 19:15

akïsagh lö, “We ECHOTYON Tororöt pö Israel, nyo itöpo ngacharu paytagh, nyo mi paraku kerupimtin,* nyi onkït nyo ichï Tororöt nyo ipöytoy pöytoghi ngwïny kïmïkul. Kighanyi ngwïny nko yïm.

2 OTÖPTINO OSIS 2:12

Kïmwa Uram ngat lö, “Soyönote ECHOTYON Tororöt pö Israel, nyo kigh yïm nko ngwïny, nyo kitö pöytoghin Daudi worö nyo chïrer, kikitö ngöghomnyö nko pköchin nyo tekyïni Tororöt kö akï tek nyenyi nyo pöytegho.

NEEMIA 9:6

Atolapay kïsagh Esra lö, “Ichinyi ECHOTYON onkït, kighanyi yïm nyo pö yïmwöy nko kokel nko ngwïny nko tïkwïn löwïr cho mi ori. Akighanyi nanamtin nko tïkwïn löwïr cho mi ori. Ikomönenyi chane löwïr akï soghinyi söpïchis pö yïm.

AYUPU 12:9

Nyono ompö tïkuchï löwïr nyo menkït, lö, ECHOTYON nyo kigh chane?

TUMWÖY 104:2

ilokyinenyi kegh löpoyïn le sïra, aighïtenyi yïm le sïra nyo wow

TUMWÖY 146:6

nyo kigh yïm nko ngwïny nko nanam nko tïkwïn löwïr cho mi oringwa, nyinte nyo kitwoytoy kegh kokay.

TUMWÖY 33:6

Kikigha ngölyonto ECHOTYON yïmwöy, kikigh tïkwïn löwïr cho mi oringwa ompö kimïnytanyi.

TUMWÖY 33:9

Nyini kingalan nyinte, kwigha akwotini kimwa nyinte kïgh, kïrumï.

WUWÖT 20:11

Ompöwölo kigh ECHOTYON yïm nko ngwïny nko nanam nko tïkwïn löwïr cho mi oringwa ompö osis mut nko akonga, atolapay kumuny ompö asispa mut nko odeny akusoyön asispa Sapato akutïlil.

WUWÖT 31:17

Lïku kiporunöt nyo pö kokay nyo mi kwenunyan nko pipö Israel lö, kigh ECHOTYON yïm nko ngwïny ompö osis mut nko akonga, wölo kumuny asispa mut nko odeny.’ ”

ISAYA 34:4

Kiwuröy asis nko arawa nko kokel kïlïku terïtyon. Pertoy yïmö le kartasïyan nyo kakïmaman, törengu kokel le sökö cho chïnuno ket pö sapipïyon anta nyo pö moköngwö.

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 45:12

Kyaghan ngwïny aghan ptangengmöt tökïmang orinyi. Kyoghïtan yïmwöy ompö owesyenyan, apöytonan asis nko arawa nko kokel.

ISAYA 45:18

Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

ISAYA 48:13

Kigh ewunechan pchörino ngwïny, akughïtö wölnö le mïröt. Otini kokurön ngwïny nko yïm pkonöy chane panini.

ISAYA 55:9

Ompöwölo kile wölini löw yïmö nko ngwïny, kïlowöch ortïnechan nko chikwa, akïlowöch kinonutköchan nko chikwa.

ISAYA 65:17

Mwoghöy ECHOTYON lö, “Oghan ngwïny nyo rel nko yïm nyo rel. Kïwutyeghö kïpa kokay tïkwïn cho kipö tagh.

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

YEREMIA 8:2

Atolapay kekörkorchï sany kïsïwa asis nko arawa nko kokel cho mi yïm. Tïkuchoni cho kicham chane kïrïp akïpöghisyechï akïtep ngal akisagh. Mesupönye chi koyechoni amötïpönye chi, wölo kïlösini sany le sïkö.

SAKARIA 12:1

Lentöy ECHOTYON nyo kikarkar yïmwöy akwigh ngwïny akutö söpon ptangengmöt,

LUKA 2:13

Kïnyini lawel kuchumï söpïch nyo wow nyo pö malaykeni yïm, akuryam nko malaykayantanay akïtum tumwöy cho sölo Tororöt lö,

IGHISYEWUT 4:24

Nyini kilïm lenyoni, kïsagh Tororöt tïkwïl ompö kut akonga lö, “Echotyon, Kimuktoghïn nyo kigh yïm nko ngwïny nko nanam nko tïkwïn lapay cho mi ori.

IGHISYEWUT 7:42

Wölo kïparta Tororöt kareran, akïpïsï chane kïsagh kokelya yïm, le wölo kikikirta ompö kitapu werkoy lö, ‘Akwa pipö Israel! Melö ki ani nyaya kyopörchikwa kyak apelchï amörostin ompö könyis tömönut angwan ompö sïrkwen.

KINONO KIRURUT 17:3

kïpöghisyechï akïsagh tororötine walaka cho lata asis anta arawa anta kokel cho kyataghan,

KINONO KIRURUT 4:19

Makany ketyamak asagha anta opöghisyechï tïkwïn cho osöchinekwa yïm cho lata asis nko arawa nko kokel nko tïkwïn cho mi yïm löwïr. Kichöghchï ECHOTYON Tororötïnkwa tïkuchoni pipö punton walaka atökïsagh.

EPRANIA 4:3

Kïpetecha ye nyu chona kikeghan kenyoru kimïnynoni le wölo kiyomiswecha Tororöt nyinte lö, “Kyanarekan, aman muma lö, ‘Mölïtöcha chane kimïnytönyan.’ ” Kïrkegh kikikuwany ighisyenyi otini kitor kwigh ngwïny.