TOWUNÖT 1:16 - PIPÏLIA

¹⁶ Kwigh nyu Tororöt löpoyïntin odeny cho echön, tökïpayta nyo wow pöghet, kïpayta nyo mïnïng oghö. Kwigh kokel tïkwïl.

TOWUNÖT 1:16 Iomraidhean Croise

TOWUNÖT 1:15

Tökulïwu ompö mïröt akïlöpochï ngwïny.” Kwighisyö lenyoni.

AYUPU 31:26

Ato kyotopönön asis kulïwu anta anama kong pïchinghïn pö arawa nyo wetöy,

AYUPU 38:7

ato kitumöy kokelya tökwoghö akïseronchö kurur ompö yïm, ighan pö Tororöt ompö ngörekyö?

TUMWÖY 148:3

Asala nyinte, akwa asis nko arawa, asala nyinte, akwa kokel cho olïwu

TUMWÖY 148:5

Nya kïsal chane kaynata ECHOTYON! Ompöwölo kingalan nyinte, kwighisyö lenyoni,

TUMWÖY 19:6

Pusuno sörömu anka nyo pö yïm akïröytö sörömu anka, möminye kïgh nyo wïnyo kegh kilayatenyi.

TUMWÖY 74:16

Kighanyi pöghet nko nangat aitö asis nko arawa woptinekwa.

TUMWÖY 8:3

Otopönan yïm nyo kighenyi ewuneku, nko arawa nko kokel cho kitönönyi woptinekwa:

ISAYA 13:10

Kimisöy kokelyan anka tïkwïl nyo mi yïm, akemis kïgh anka tïkwïl nyo lïwuno wölnö le mïröt, tuwitu asis otini kapusï, akï möminye löpoyïn nyo lïwuno wöloni arawa.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 40:26

Otopöne köny, wölnö le mïröt! Ngo nyini kigh kokel cho osïwïyekwa? Nkït nyinte nyini ntöghoghchini chane le pipö lïk lö tya chane tïkwïl, akïkuröy kaynötutkökwa löwïr! Wow tya owesyenyi, möminye ompö akong nyo potöy kokay!

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

YEREMIA 31:35

ECHOTYON nyo tötöy lö lïwu asis pöghet, akulïwï arawa nko kokel oghö. Nyinte nyo ighöy pögho nanam kïwïch akughum mïrtino pöghechï. Kaynenyi kï ECHOTYON Kimuktoghin.

APAKUK 3:11

Kughyö asis nko arawa ompö möngengwa, otini kirot kotiku cho kiryölsot nko ngotïngu nyo kwerkweröy.

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

MATAYO 27:45

Nyini kighyö asis kulum tuwïn kor kïmïkul, ntökïtenö kwitïta satïn mut nko angwan.

1 KORINTO 15:41

Tïngeto asis pïchighyenyi, kïtïng arawa nyenyi, kïtïng kokel nyingwa. Akwompö chini le kokelye chane kï sisach chane ompö pïchighyö.

KINONO KIRURUT 4:19

Makany ketyamak asagha anta opöghisyechï tïkwïn cho osöchinekwa yïm cho lata asis nko arawa nko kokel nko tïkwïn cho mi yïm löwïr. Kichöghchï ECHOTYON Tororötïnkwa tïkuchoni pipö punton walaka atökïsagh.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.