PILIPI 4:4 - PIPÏLIA

⁴ Ongörökyenö ompö Echotyon osis tïkwïl otösan ngat omwoghöy lö, ongörökyenö!

PILIPI 4:4 Iomraidhean Croise

TUMWÖY 146:2

Osölan nyinte otini tosöpan, otumchinan Tororötïnyu otini tomungan.

TUMWÖY 33:1

Ongörekyinö ECHOTYON, akwa pipö man. Mïchini pich cho tenote kïsal nyinte.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

IGHISYEWUT 16:25

Ato mi oghökwen kïwechï Paulö nko Sila kïsagh akïtum tumwöy cho sölöy Tororöt, akilïmöy pipö chela walaka.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

KALATIA 1:8

Wölo kïrkegh kö acha anta kö malaykayan nyo kengwïna yïm akwomwokwa lökoye walaka cho sis nko chanya kyalïmakwa kyomunecha, akany kïchïpö nyinte.

PILIPI 2:18

Kïlenye nyoni tïkwïl ompö akwa, mïchinokwa ongörekyenö, aturonchö nko ani.

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.