PILIPI 1:9 - PIPÏLIA

⁹ Osoghan kïtasa chomnyenkwa tya anyorï ngöghomnyö nko pköchin anka tïkwïl

PILIPI 1:9 Iomraidhean Croise

AYUPU 17:9

Kïrkegh kïlenye nyoni kïkomönöy chi pö man arenyi tösöy tagh kwowesitu tya chi nyo möpïröchnye morichi.

TUMWÖY 119:66

Netante ongöghomit achïreritï, ompöwölo oghönan kirurutköku.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

2 KORINTO 8:7

Otïngetekwa kïgh anka tïkwïl. Kighanat nko owesyö nyo kïngölonöy nko kinkïtöt nko kikilöto kegh nyo oghöy tïkwïn cho karamach ompö acha. Nka nyoni kikönecha olïkunekwa pich cho opöghöy pich ompö ighisyononi pö chomnyogh.

EPESO 5:17

Kïlenyono malïkwï sölwöy, wölo onkïtunö lö ne nyo le machata Echotyon.

KOLOSAY 1:9

Nka nyoni kïmitecha kenonokwa kïnomnyö ompö sowut, kïngeta kelïmacha Lökoyekwa. Kikïsaghacha Tororöt kïkonokwa kinkïtöt nyo pö machatenyi nko ngöghomnyö anka tïkwïl nko pköchin nyo konu Mïkulöwunyi.

KOLOSAY 3:10

alak otöp nyo rel. Letoy tagh Tororöt kupïchöy otöpnoni kïrelit kïnomnyö ntökïkarkegh nko nyinte, nyini le ighintenyi kegh atamukakwa nyu onkïtunö Tororöt lasiny.

1 TESALONIKE 3:12

Kïsoghecha lö teghakwa Echotyon achama kegh akwane, acham pikö walaka löwïr, akïtasa chomnyenkwa lasiny kïkarkegh nko nyincha nyo kïtïngetecha ompö akwa,

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

2 TESALONIKE 1:3

Mïchinecha, tupchenicho keyokyine Tororöt sörö kïtenö osis ompö akwa rokonecha kegha lenyoni, ompöwölo mi kighanatenkwa kïyetu nyoman akïmi chomnyenkwa kïtöso ompö pikö walaka.

PILEMON 1:6

Osoghan lö, tökoninyi nyoryencha nko nyi le kighönï kimukat tenyorunö kinkïtöt nyo wow nyo pö kisoyönöt anka tïkwïl nyo kakïlïkwï nyinyo otini kikelinyecha nko Kristo.

EPRANIA 5:14

Wölo karkegh omisyö nyo aghïgh nko pich cho echön cho kikunet kegh ntökumï kunkïtï sisïn nyo pö köromnyö nko ghöyityö.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.