6 Opïstenö sölwontön atosöpchenö, airip ara pköchin.”
Apeghena wölo omitan, akwa mwokïyis, atamukan arïp kirurutko Tororötïnyu.
Tera we chepï, ailïm! Wutyeghenö ye piköku nko koto papongu.
Mi ara söpon chi nyo chomöy kepïr, wölo potöy chi nyo töghöy chilat.
Ngöghomitu chi nyo westoy nko pich cho ngöghomöch, wölo wongu cho nomnyotoy nko sölwöy.
Tera werïnyu aingöghomitï, aisötyï mïkulöwungu or nyo pö man.
Kyanetinyi ara ngöghomnyö, kyoporunyi ortïn cho tenote.
Ompöwölo nyinte nyo nyorwanïn, kï könyoru söpon akïnyoru chömchin ompö ECHOTYON,
Ompöwölo tösisyot osisweku ompö ani aketösöy könyis cho isöpenyi.
Atökïrïp kirurutköchan akïrïp kiyomisutköchan akïtagh kïlïkwï nyu chane piköchan alïkwan Tororötïngwa.
“Lïku nyu mötworintenyan Daudi pöytoghintengwa löwïr, kinyorï nyu chane löwïr mösöwon akonga. Rïpöy kirurutköchan akïrïp ngalechan lasiny.
“Okil kegh lasiny atamuka olïtö kukat nyo marich, ompöwölo omwowokwa lö, chang pich cho möröy lö, tökïlït pöyunöto Tororöt, wölo memuköcha.
“Akïsöwintön kïmwa, ngal walaka cho chang, akukil kïlenchï, osörunenö kegh pïnï gha!”
Nka nyoni mwoghöy ngat Echotyon lö, “Angetena kwenungwa, apesyö nko chane. Maswany kïgh nyo le sïmnyon, atatarokokwa.
Atolapay alïman kuti anka nyo kingwïna yïm nyo kilentöy, “Ongetunenö pikachu wölo mi nyinte! Ongetunenö kanasyanta Papilon! Tömagh ngokï tïkwïl nko pipö kanasyantanoni, atömonyorï sito Tororöt nyo nyoru chane!
