6 Möyongönye ara söpon, turotoy kïsamta amenkïtunye.
Ato ananan otöptinechan, owöghökyan kegh kirwokutköku.
Iporwaninyi or nyo wetöy söpon, inyïghitaninyi ngörekyö otini ichinyi lekït, konanïn ewungu nyo pö tagh turönöt kokay. Saghata Daudi.
Söpöy chi anka tïkwïl nyo metimtimonye ompö kighanat, wölo meghöy chi nyo rïpotoy ghöyityö.
Möminye chi ompö akonga nyo wechini nyinte nyo mïlo, anta nyorï ara söpon.
Lata nyoni wölo töptoy korka nyo le chepores, omisïyi nyinte akïmis kut, akïlö, “Maghanye kïgh nyo gha.”
Iros lasiny weröy kelyeku, atökïchïchïm ortïneku löwïr.
Ompöwölo sïwïyi ECHOTYON ortïna chi, akunkït nyinte ortïna chi anka tïkwïl.
Syölin korka nyo le sölwö menkïtnye kïgh amötïnye arasï.
Möminye kïgh anka nyo mököy chane kurosöy kïpoto kor cho le cheporestin tïng maral nyo pö ngokï nyo mewonyotnye. Kïnkïnöy chane pich cho nyörkölöl ompö kighanat ntökïlïtöy ngöghöpu ngokï. Kikïnagh mïkuliskökwa kïpïrchï mökosyö. Chïpöte pïchoni.
