NGÖTÏNYÖ 30:3 - PIPÏLIA

³ Tomönye anetan kegh ngöghomnyö, amotïngetanye pköchin nyo pö Nyinte nyo Tïlil.

NGÖTÏNYÖ 30:3 Iomraidhean Croise

NGÖTÏNYÖ 30:4

Ngo nyo kapusta yïm akïrokwï nya? Akï ngo nyo kakïghamïta yomat morïnenyi? Ngo nyo kamömönchï pögh sïra? Akï ngo nyo kichïchim luchtina ngwïny kïmïkul? Ngo kaynenyi akï ngo kayneto werïnyi? Inkïtönyi nyoman!

NGÖTÏNYÖ 9:10

Kekonyït ECHOTYON kï towunöto ngöghomnyö akenkïtï Nyinte nyo Tïlil kï pköchin.

ISAYA 30:11

Amalteghena kegh arencha, anategha kegh ompö arencha nyo kiweröy. Melö tökemökecha kelïme ngat ngala Tororöt pö Israel nyo Tïlil.”

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 6:10

Atolapay kïlenchanïn, “Igha mïkulis pö pïchï kwongeröchitu, aigh yitikwa kïminyö, akïköryö konyikwa atömökumï chane kurosïta anta lïm kïgh anta sïkwï kïgh, atömötöp ntökurosïtegha konyikwa akïlïma yitikwa akïsïkunö mïkuliskökwa, akïmïlisyö wölo omitan atosopön chane.”

ISAYA 6:3

Kimi kïkuröy kegh kïlentöy! “Tïlil, tïlil, tïlil! Tïlil ECHOTYON Kimuktoghin! Nyïghiti ororyenyi ngwïny.”

MATAYO 11:27

“Kikïkonanïn Paponyu tïkwïn löwïr. Möminye chi nyo nkït Weri kïpoto Kwanta akï möminye chi nyo nkït Paponyan kïpoto Weri nko anka tïkwïl nyo mököy Weri kïngonchini nyinte.

MATAYO 16:17

Kïlenchï Yeso, “Ichinyi soyönote, Simon Par Yona, ompöwölo melö kenkïtunyi ngalechï pö man ompö chïreryo ptangengmöt, wölo köngongunyi Paponyan nyo mi yïm.

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

RUMI 11:33

Wechï wow sïkönöto Tororöt! Wechï ngöghom akïchïrer nyinte! Ngo nyo muköy kunkïtï wölo mutïtoy ngalechi akï ngo chi nyo pköchini ortïnechi?

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”