10 Menategha rotyo könyisyok, anta imas pareni pönon,
Kipïstenyi koru mamötin kïpa kïtïryolöch morïn airarakanyi owesyo pönon mechïchimanyinye.
Mi pich cho chengo mnyarkil nyo le panan kame akïcheng kïnama pösöntanyi.
Omukekwa ompö omoyone pönon, alta ompö chini le kongotikwo.
Pöröy mïsïktin nko pönon akïpar to cho möngöy korencha.
Machop kong mïsïk anta panan.
Ngongöy ECHOTYON kö pö kanisanakyan, wölo woköy kö pö mïsïk.
Menategha rotyot nyo pö könyisyok nyo kimut kukötineku. Ngöghomnyö nyo pö mut
Agha man nko köromnyö. Osörunö pich cho nyörïlöy ompö mori pich cho nyörilöy chane, amoghchï nyo gha anta osus ton anta panan anta mïsïk. Mamïlta kisön pö chi nyo puryö lelut ompö kanasyantanï tïlil.
“Oghïtenö ortïnekwo awaghach otöptinekwa. Agha man ompö kwenungwo kïtenö osis.
Mopïr to nko pönon nko mïsïktin, amamïlta kisön pö pich cho mötïng lelut ompö koronete. Okïr masagh tororötin walaka tömopchï kegh nyarïl.
Mopïr mïsïktin nko pönon nko to nko mey ompö kwenunkwa. Orip kegh motötyï kegh akwane ghöyïn ompö mïkuliskökwo.
“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.
“Manategha rotyeto pöröryengwo nyo kimut poyï könyisyok ompö koronini konokwa ECHOTYON Tororötïnkwa achenga.
“ ‘Chïpote chi anka tïkwïl nyo notegho rotyeto pöröryenyi.’ Kuyokwï pich löwïr lö, ‘Amen!’
Kïröto ngala Tororöt nyo karam akï nyo kïltït kï kengarak pönon nko mïsïktin ompö kömpölelyengwa nko kïrip chi kegh mesïmnyon ngala ngwïnyinï.
