NGÖTÏNYÖ 21:4 - PIPÏLIA

⁴ Konyi sas nko mïkulögh nyo kwolöy kegh, kuporu lötok ngoki pich cho ghach.

NGÖTÏNYÖ 21:4 Iomraidhean Croise

AYUPU 18:5

“Ay kimisöy löpoyïn pö mwokïyis amökïwotonye lyopötenyi.

AYUPU 18:6

Tuwitu löpoyïnto konyi akumisö kitömöwontö nyo mi parakunyi.

TUMWÖY 10:4

Kwolöy kegh mwokïyon amöyongönye ECHOTYON. Nonöy lö, “Möminye Tororöt.”

TUMWÖY 101:5

Opöran chi nyo swomöy pöröryenyi sison amomïkukönchinanye pkatis nko menot.

TUMWÖY 131:1

Mosïtanye kegh parak we ECHOTYON, kopïstan kwolöto kegh. Melö oyongan tïkwïn cho echön anta ngal cho rïntoy owesyenyan.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

NGÖTÏNYÖ 21:27

Ghöchini ECHOTYON amöros pö mwokïyis, ghach nyu kïtya, ato ipï ompö keröt nyo ghach!

NGÖTÏNYÖ 24:20

Ompöwölo mötïngnye mwokïyon kikönöt nyo pö asïyech, kimisöy ta nyo pö söpon pö chi nyo gha. Ngöghomnyö nyo pö tömönut sömök

NGÖTÏNYÖ 30:13

Mi pich cho kwolöy kegh kïtya ompö konyikwa akiköpurisyö konyikwa kïtya!

NGÖTÏNYÖ 6:16

Mi tïkwïn cho le mut nko akonga cho töghöy ECHOTYON, owöy, mut nko odeny cho ghöchini nyinte:

NGÖTÏNYÖ 6:17

Kwolöto kegh nko ngalyap nyo mwoghöy putintön, nko ewun cho mïltoy kisön cho mötïnye lelut,

NGÖTÏNYÖ 8:13

Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

ISAYA 3:16

Lentöy ECHOTYON, “Arose köny wölo nisonchot koru Yerusalem kïlïkwï! Syolöy chane sörunöyikwa otini pestoy, akïmi kïngölono konyïn, pestotoy ompö kinisanat tökelïm karïn cho chöghsot cho kilïwo aghisay atay le kutïng nko cho chöghyegho kowo monion.

LUKA 11:34

Löpoyïn pö portöngu kontangu. Ato karam kontangu, kïmi löpoyïn portöngu kïmïkul. Kïnyïl ato gha kontangu, kïmi portöngu tuwïn.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

RUMI 14:23

Wölo ato tïng chi tomtomönöt ompö omisyö nyo omöy, kurwokyini Tororöt nyinte ato am, ompöwölo melö kam omisyononi kïrïp kegh nko kighanatenyi. Akï kïgh anka tïkwïl nyo mörïpönye kegh nko kighanat, kï ngokï.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”