3 Tönö ECHOTYON ighisyewutköku, atökïchïchïm tötutköku.
Igho kuten kini kemwaghanyi lö oghöy akulïwchini löpoyïn ortïneku,
“Wölo antökochan nyi, kötorirchinan Tororöt, kötopchinan Tororöt lokechu,
Pïsyinö ECHOTYON nïkisïntöngu, atökïghetïn. Möpïstonye nyinte kerïntoy pipö man.
Twaytena kegh nyinte ompö ngaleku löwïr, tökulïtit nyinte ortïneku.
Atolapay kïlenchï kinetankachi, “Omwowokwa lö, mosus kegh ompö tïkwïn cho kyomöy anta cho kïgheghöy anta cho kïloköy.
Mosusenö kegh kïgh anka tïkwïl, wölo otönö kïgh anka tïkwïl sowut, opchinö Tororöt lokekwo atö sörö amwochï nyinte möchut kökwa.
Opïsinö nyinte sïngutkökwa löwïr, ompöwölo mi nyinte kïsïngenokwa.
