NGÖTÏNYÖ 13:16 - PIPÏLIA

¹⁶ Pöghisyegho pköchin chi anka tïkwïl nyo chïrer, wölo portoy sölwö sölwontönenyi.

NGÖTÏNYÖ 13:16 Iomraidhean Croise

TUMWÖY 112:5

Soyönote chi nyo karam mu nyo pösöntoy tïkuchi, nyo igho ngalechi man.

NGÖTÏNYÖ 14:33

Töpo ngöghomnyö mïkulöwu chi nyo pköchini kïgh, wölo puryö ngöghomnyö mïkulis pö sölwöy.

NGÖTÏNYÖ 15:2

Ngölonöy ngalyapu chi nyo ngöghom ngala chïreryö, wölo mïlu kutïwa sölwöy ngala sölwontön.

NGÖTÏNYÖ 18:2

Melö ngörökyini sölwö pköchin poto ato mwotïtoy machatenyi onkït.

NGÖTÏNYÖ 21:24

Kïkuro chi nyo kwolöy kegh, “Sösin,” chi nyo ighöy ngal ompö menöt.

OMTOGHIN 10:13

Sölwontön ngalechi chini nyoghöy kïmwowu akï sörömuto ngalechoni kï chepoynön nyo gha.

OMTOGHIN 10:3

Rörchini pköchin sölwö kïrkegh otini mi pan akïmwochini chi anka tïkwïl lö sölwö nyinte.

ISAYA 52:13

Mwoghöy ECHOTYON lö, “Ighöy mötworintenyan ompö ngöghomnyö, kïsyolöy parak akekonyït tya.

MATAYO 10:16

“Oyontonokwa ye nyu le kechir ompö kwenu suyï. Ongöghomöchitunö le moroyut, atölosöchitu le chepïrïmpen.

RUMI 16:19

Kikïlïm pich lö kyotötekwa kegh arïp lenyini mwoghöy Lökoy cho Karamach akunka nyoni kïgh nyo keghanïn angarak ompö akwa. Omökwokwa olïkuna pich cho ngöghomöch ompö ngal cho karamach, alïkwï cho puryö lelut ompö ngal cho ghach.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

EPESO 5:17

Kïlenyono malïkwï sölwöy, wölo onkïtunö lö ne nyo le machata Echotyon.

1 SAMWEL 25:17

Nana nyu wölo idoy ngalechï, ompöwölo ngwïnchini ghöyityö echotyontencha nko konyi. Akwanyï mïrmïr nyinte amemukönye chi ntökïngalan tïkwïl.”

1 SAMWEL 25:25

Menan ngala sölwonï le Napal, ompöwölo karkegh nyinte nko kaynenyi Napal, akï sölwö nyinte. Kimomitanye kaw atoni kiyokunyi piköku.