KIRWOKÏ 7:2 - PIPÏLIA

² Kïlenchï ECHOTYON Kidyon, “Chang tya pïchï imitenyi tïkwïl nyo mochömanye otöni chane kïrïnta pipö Midyan, atö mökwol egh pipö Israel asïyech lö, ‘Kakïsörï kegh.’

KIRWOKÏ 7:2 Iomraidhean Croise

TOWUNÖT 46:2

Akïngölonchï Tororöt Israel ompö sïwïyagh oghö, akïlenchï, “Yakopo, Yakopo.” Kïngitön lö, “Ooy.”

2 OTÖPTINO OSIS 14:11

Kïlokyï Asa ECHOTYON Tororötïnyi lö, “ECHOTYON, möminye chi nyo lata nyi nyo ngöroköy cho nyarkalal ompö kwenu cho tïng owesyö. Ngarakecha, we ECHOTYON Tororötïnyo, ompöwölo kitwoytonecha kegh nyi kakïpkanacha kepar kegh nko söpïchï wöw le nyï ompö kaynengu. We ECHOTYON, ichinyi Tororötïncha. Mekany kïkwol kegh ptangengmöt ompö tawungu.”

ISAYA 10:13

Kwolöy kegh pöytoghinto Asirya lö, “Kaghan ante. Ochan awes achan ngöghom achan chïrer. Kyanateghan rotyotïno pipö punton asaran chane kaplawachtinekwa! Katïkatan pikö cho tïpisot ngöcherwo paytaghat le chi nyo le nyakan.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

YEREMIA 9:23

Lentöy ECHOTYON, “Mekwol kegh chi nyo ngöghom ompö ngöghomnyengu amekwolö kegh chi nyo awes owesyengu anta sïkön ompö sïkönötenyi.

ESEKEL 28:17

Kikwol kegh mïkulöwungu ompö pïchighyengu ainyaranyi ngöghomnyengu ompö pïchighyengu, kïlenyona otyorchinyi ngwïny, akanyan kurosinyi pöytoghï ompö rorchin.

ESEKEL 28:2

Kïlechanïn, “Lenchinö pöytoghinto Tiro, lentöy Echotyon TORORÖT, Ikwolenyi kegh nyoman, ompöwölo ilentenyi ochï tororöt nyo töpo ngacharu tororötin ompö kwenu nanamtin akwanyï ichinyi pat chi kwïle melö tororöt kïrkegh ighanyi kegh lö ochï ngöghom le tororöt.

DANIEL 4:30

“Arose wölo teno Papilon köny! Nyo kyatekan ompö kimukatenyan nko owesyenyan, kïlïkwï kanasyanta pöytoghin ompö ororyo paytaghtanyan.”

APAKUK 1:16

Ropchini amörostin ompö akïpel körösyon nyo konyïto moyontinekwa le ato kö tororötin chane.

SAKARIA 12:7

“Onyoghan ante ECHOTYON ongöroköy pipö Yuda kïnyorï rïntagh atö mep kegh yïm pipö ara pöytoghin Daudi nko pipö Yerusalem kïtïl pipö Yuda.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

KIYITUT 31:4

Ichengonyi pich cho le 1,000 or anka tïkwïl nyo pö Israel cho petöy poryot.”

RUMI 11:18

Mesas nyu pïchoni kakïtör le mori ket. Akwolekwa kegh lö ne nya? Ochikwa mori ket amelö akwa cho otighöy ighinko ket, wölo ighinchoni cho tighokwa.

RUMI 3:27

Kïlenyona, kïgh ne nyo kimukecha kekwolone kegh nya? Puryö kïgh nyonikïny! Ekwompö ne köny? Ompöwölo so kakïrïpacha kirurut? Ewo, wölo ompöwölo kakighacha Yeso Kristo.

2 KORINTO 4:7

Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

EPESO 2:9

melö ompö ighisyewut atömötöp chi anka tïkwïl tökïkwol kegh.

KINONO KIRURUT 32:27

Wölo melö opïsyinan pungkökwa kïkwol kegh lö, kakiwany piköchan akwanyï ante kegh nyo kawany chane.’

KINONO KIRURUT 8:17

Mamwagh ompö mïkulöwekwo lö, kikonecha owesyenyo nko kimukateto moricho sïkönötonï.

KINONO KIRURUT 8:18

Wölo anan ECHOTYON Tororötïngwo ompöwölo nyinte nyo konokwa owesyö nyo inyoruno sïkönöt, atökuchïchim muma* nyo kyam nko papotïnekwa atökïripöy nko nyete le ye.

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

1 SAMWEL 14:6

Kïlenchï Yonatan ipintonay pö karichi pö poryot, “Nyonö kepe möngonï pö sompenichï mi yi ate. Töptoy muköy ECHOTYON kungarakech, ompöwölo möminye kïgh nyo körtoy ECHOTYON kïsörï ompö pich cho chang anta kö ngörï.”