KIRWOKÏ 7:16 - PIPÏLIA

¹⁶ Kïtat pïchay le 300 kïlïkwï woptin sömök, atolapay kutö chane kontin kïnama ewunekwa akutö chane tören cho melö kimi kïgh ori, kïpoto kitömöw.

KIRWOKÏ 7:16 Iomraidhean Croise

TOWUNÖT 14:15

Nyini kitïta wöloni, kïchaghachagh pikachi kïtïpïyö ompö söpïchis akïporyeghö punkökwa oghö, kïrïnta akïyon ntökwit Opa nyo mi okumpö löt ompö Damaska.

2 SAMWEL 18:2

Atolapay kïyonta chane ompö söpïchis sömök. Kighyongchï Yoap söpïch anka, kughyongchï Apisyay wero Seruya, werto ompö Yoap anka, kughyongchï anka Itay nyo pö pipö Kit. Kïlenchï pöytoghintö chane, “Owetan tïkwïl nko akwa.”

2 KORINTO 4:7

Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

KIRWOKÏ 7:15

Nyini kilïm Kidyon kirwotïtogh pö chichoni nko kïgh nyo kiporu, kïsagh Tororöt, akïmïla wölaye le möngo Israel akïlenchï pïchay pö lïk, “Ongetyenö! Kikonokwa ECHOTYON owesyö nyo orïntegho pipö Midyan!”

KIRWOKÏ 7:17

Kïlenchï pïchay, “Arosanïn, nyini katïtan sörömu möngot agh lenyini oghan.

1 SAMWEL 11:11

Nyini le tökwoghö asisto odeny, kïtat Saulö pikachi kïpeghategha söpïchis sömök, akupokyï möngo pipö Amon nyini le kiwasan, akïpar chane ntökughyö asis. Ketoytoyö cho kingötï kïkuroteghö kegh moryönö.