KIRWOKÏ 7:12 - PIPÏLIA

¹² Kimi wöloni le mpöghogh pipö Midyan nko cho pö Amalek nko pïchoni pö okumpö kongasis. Ki chang chane le talam, akitïng tamasay cho chang le ngayam cho mi nanam.

KIRWOKÏ 7:12 Iomraidhean Croise

1 PÖYTOGHÏ 20:27

Keghamït pipö Israel tïkwïl aketö kari poryot. Kïpa chane akïpa ntökïlekïtitu nko pipö Sirya, wölo kilata askarina lïko pipö Israel ocheywo ngaror cho kikïchagh kïlïkwï odeny ato kikongityö nko cho pö Sirya cho kighömï kore kïmïkul.

1 PÖYTOGHÏ 4:30

Ki wow ngöghomnyo Solomon kïtïl ngöghomnyo pipö Kongasis, aki wow ngat kïtïl ngöghomnyo pipö Misri.

TUMWÖY 3:1

Otïngetan pung cho chang, we ECHOTYON chang cho poryot nko ani!

TUMWÖY 33:16

Melö rïntoy pöytoghintö ompö lïkenyi nyo wow, akï melö pölisïyi nyakana ompö owesyenyi nyo wow.

YEREMIA 46:23

Töröy wuw lökïr kïrkegh kidïrö lö ne. Ompöwölo chan chane kïtïl talam chang cho meyitisyocha! Mwoghöy ECHOTYON.

YOSWÖ 11:4

Kïpka nko lïkoskökwa löwïr cho möngörï, cho teno ngayam cho mi nanam nko angoletin cho chang nko nkaritin.

KIRWOKÏ 6:3

Otini kikötköt pipö Israel parenikwa, kïpusta pipö Midyan wölini nko pipö Amalek nko pich cho kimöngöy okumpö kongasis akïporyö nko chane.

KIRWOKÏ 6:33

Atolapay kïghamït kegh pipö Midyan nko cho pö Amalek nko pich cho kimöngöy okumpö kongasis, kwoghyö lalwa Yordan akïwudö emenikwa ompö mpöghoghyo Yesrel.

KIRWOKÏ 6:5

Kipka chane nko twakwa nko emenikwa, kïtuwit le talamnya ompö chongïn, kimemuchönye chi ntökuyit pïchoni nko tamasayikwa. Kïtïkatïk chane kore kunyara.

KIRWOKÏ 7:13

Nyini kitïta Kidyon, kïlïm chi nyo kyomchini kongenyi kirwotïtoghtanyi. Kimi kïlentöy, “Korwotïtan lö, kötörenchï makatyanta matay möngo pipö Midyan akïwir ema. Kïrul lö wanka.”

KIRWOKÏ 8:10

Kimi Sepa nko Salmuna atoni Karkor nko piko lïkengwa cho ngata 15,000 cho kingötunö pipö kongasis. Kepar cho le 120,000.

1 SAMWEL 13:5

Kïnyoryö Pilisti atökïporyö nko pipö Israel, kitïng nkaritin cho le 30,000 nko pipö angoletin cho le 6,000 nko pipö lïk cho chang le ngayam cho mi nanam. Kïpka akïtek möngengwa Mikmas kongasispa Pet Apen.

1 SAMWEL 30:17

Kïpar Daudi chane ato le asïyech kïngata tökwoghö ntökwit mönon. Möminye chi nyo kichïwït, kïpoto pich 400 cho kilang tamasay akïryagh.