KIRWOKÏ 3:10 - PIPÏLIA

¹⁰ Kungwïnchï Mïkulöwu ECHOTYON nyinte, akurwokyï pipö Israel akïset lïk, kutö ECHOTYON Kusyan Risyataim pöytoghinto Mesopotamia morichi.

KIRWOKÏ 3:10 Iomraidhean Croise

1 OTÖPTINO OSIS 12:18

Kïngölonchï mïkulögh Amasay nyo kile kintöghoghinto pïchay le tömönut sömök, kïlö, “Kïchicha cheku Daudi wero Yese! Inyorï köromnyo nko pich cho ngörokinyi, ompöwölo mi Tororöt nko nyi.” Kïtach Daudi chane akwigh kïlïkwï yetïntino pikachi pö lïk.

2 OTÖPTINO OSIS 15:1

Kingwïnchï Mïkulöwu Tororöt Asaria wero Oded.

2 OTÖPTINO OSIS 20:14

Kungwïnchï Mïkulöwu ECHOTYON chi ompö tuyononi nyo kikuro Yaasiel wero Sakaria wero Penaya wero Yeiel wero Mataniya nyo le chi pö Lawi nyo pö ara werpö Asap.

TUMWÖY 51:11

Mewirtante olowitwan nko nyi amechengenante Mïkulöwungu nyo Tïlil.

KIYITUT 11:17

Orökunan nyu atangalanan nko nyi achengan mïkulöwunï kokoninyi kareran atönön chane. Atökïsït chane tïkwïl nïkisyonï pö pich itïngnyi atömesïtönyi onkït.

KIYITUT 11:25

Kïrökunö ECHOTYON polta akïngölonchï nyinte akïcheng kareranpa mïkulögh nyo kitïng nyinte akutö poyichay le 70. Nyini kilït chane mïkulöwunay, kutor kïngorsyö, wölo melö nyo kogh.

KIYITUT 11:29

Wölo kïlenchï Musa nyinte, “Ichinyi so söstoghin ompö ani? Opï ketö ECHOTYON pikachi löwïr mïkulögh nyo ighöy chane kïngorsyö.”

KIYITUT 24:2

Kïsïwa pipö Israel kimang kïrïp kegh nko ortïnekwa, kïlït nyinte mïkulöwu Tororöt,

KIYITUT 27:18

Kïlenchï ECHOTYON Musa, “Chenga Yoswö wero Nun, chi nyo tïng mïkulöwu Tororöt aikanagh moriku mötïnyi.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

KIRWOKÏ 11:29

Atolapay kungwïnchï Mïkulöwu ECHOTYON Yepta. Kïwö kuwerata koro Kiliad nko nyo pö Manase, akïmïla kutöngwï kanasyanta Mispa nyo mi Kiliad, atolapay kïwö kutang wölo mi pipö Amon.

KIRWOKÏ 11:32

Kïlenyona kwoghyö Yepta lalwanay akïwö wölo mi pipö Amon atö kïporyö nko chane. Kutö ECHOTYON chane morichi.

KIRWOKÏ 13:25

Kïpöghisyeghö Mïkulöwu ECHOTYON nyinte ompö koro Maanedan, nyo kimi kwenu Sora nko Estaol.

KIRWOKÏ 14:19

Kungwïnchï Mïkulöwu ECHOTYON Samson ompö owesyö. Kïwö kïröytö kanasyanta Askelon akïpar mïrön tömönut sömök akïchenga sïrokökwa pö ichon kutö pïchay kingor tyankoynay. Kïngwanit lö kat nörekyo Samson, akïweghö atoni kutang koto kwanta.

KIRWOKÏ 14:6

Kungwïnchï Mïkulöwu ECHOTYON Samson ompö owesyö, kïkareran kïrkay pö ngötïny ompö morichi le wawa aran akimötïngnye kïgh ompö morichi. Wölo melö kimwochï yiyichi kïyoni kigh nyinte.

KIRWOKÏ 15:14

Nyini kitïta Lei, kïpölyö pipö Pilisti kwam sirmoy otini kisïwa Samson. Akïtökïnyini kungwïnchï Mïkulöwu ECHOTYON Samson ompö owesyö. Kïngötiy pörköyichay kikïrata ewunechi le iwak nyo kiyam.

KIRWOKÏ 3:11

Kïnyorï korononi kalya könyis tömönut angwan, atolapay kïrapas Otniel wero Kenas.

KIRWOKÏ 3:8

Kïlenyona kïngwanit nörekyo ECHOTYON lö kat ompö pipö Israel, akwigh chane kerïnta kïpöghisyechï pipö Israel Kusyan Risyataim pöytoghinto Mesopotamia könyis mut nko sömök.

KIRWOKÏ 6:34

Wölo kungwïnchï Mïkulöwu ECHOTYON Kidyon, kïkut kontï akïkur pipö ara Apieser kïrïp nyinte.

1 SAMWEL 10:10

Otini kit chane Kipea, kuryam nko söpïch pö werkoy kungwïnchï mïkulöwu ECHOTYON nyinte ompö owesyö nyo wow, kïngorsyö ompö kwenungwa.

1 SAMWEL 10:6

Ngwïnchininyi nyu mïkulöwu ECHOTYON ompö owesyö nyo wow aingorsyenyi nko chane, akewaghakinyi lïkuna chi nyo sis.

1 SAMWEL 11:6

Nyini kilïm nyinte ngalechoni, kungwïnchï mïkulöwu ECHOTYON ompö owesyö, kïngwanit lö kat nörekyenyi.

1 SAMWEL 16:13

Kicheng Samwel lal nyo mi mwagh, akuyil Daudi ompö kwenu werkökwa, kungwïnchï Mïkulöwu ECHOTYON Daudi asisoni kutang tagh. Kïmïla Samwel kutang Rama.