KIRWOKÏ 2:12 - PIPÏLIA

¹² Kïpïstö ECHOTYON Tororöt pö papotïnekwa nyo kimïtuna chane koro Misri akïrïp tororötin walaka cho pö pich cho kimang kuwit chane, kïkïtïngchï akïsagh, kwigh ECHOTYON kïnörekyï chane.

KIRWOKÏ 2:12 Iomraidhean Croise

TUMWÖY 106:36

Kïsagh körkeyïntin, cho kïlïkwï ngöghöp ompö chane.

TUMWÖY 78:58

Kwigh nyinte kïnarek ompö tororötino punton akwigh nyinte kïlïkwï söstoghin ompö körkeyïntinekwa.

WUWÖT 13:14

Ato tepinyi montöngu ompö osis cho pkonöy lö, ‘Poru ne nyï?’ Ilenchï nyinte, ‘Kimïtunenecha ECHOTYON Misri koro sekeynön ompö owesyenyi.

WUWÖT 13:16

Lïku nyoni kinanat ompö akwa le kïgh nyo kakïrötyï ewunekwa anta tokochwekwa. Nonwekwa lö, kimïtunenokwa ECHOTYON koro Misri ompö owesyenyi nyo wow.’ ”

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

WUWÖT 13:9

Lïku nyoni kinonut ompö akwa le kïgh nyo kakïrötyï ewunekwa anta tokochwekwa. Nonwekwa oripö kirurut pö ECHOTYON ompöwölo kimïtunenokwa nyinte koro Misri ompö owesyenyi nyo wow.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

YEREMIA 16:11

Imwochinenyi chane lö, kamwaghan ante ECHOTYON lö, ‘Ompöwölo kipïstanïn papotïnekwa akïpechï kïsagh akïpeghisyechï tïkwïn walaka. Kipïstanïn chane amelö kitökïrïp kirurutköchan.

KINONO KIRURUT 13:5

Wölo apar werkoyon anta kirwotïtoghin anka tïkwïl nyo kenetokwa apenya ECHOTYON Tororötïnkwa nyo kimïtunenokwa Misri, koro sekeynön. Kalïsakwa chichoni opïstenö ECHOTYON Tororötïnkwa nyo kimwowokwa. Aranoni nyo omukekwa onoteghone ghöyityö ompö kwenunkwa.

KINONO KIRURUT 29:18

Kïlenyona mömïchininye kïrumunö chi kwenunkwa nyo le mïrön anta korka anta kapor anta ortïn nyo mi asete nyo wöghököy mïkulöwunyi akïpïstö ECHOTYON Tororötïnyo akïwö kïpöghisyechï tororötino puntonichoni. Atömökarkegh nko ket nyo yinu akwa cho ngwonöch le ködöwï.

KINONO KIRURUT 29:25

Kiyokyini nyu pïchoni lö, ‘Kikighchï chane lenyoni ompöwölo kipeny muma ECHOTYON Tororöt pö papotïnekwa nyo kyam nko chane otini kimïtuna koro Misri.

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 33:17

Tïngeto Yosep owesyö nyo lata nyo pö kirïk, akïtïng kuy cho lata cho pö so. Yumtegho nyinte kuyechoni pipö punton, yonöy chane ntökwitïta sörömu ngwïny. Akï lata kuyechoni pipö Epraim cho makïrar nko cho pö Manase cho le elpun cho chang.”

KINONO KIRURUT 4:25

“Kïrkegh otini kökemöngisyenyi korononi könyis cho chang aisïch moneku nko moneko moneku, motöp ntoghchï ngokï ECHOTYON Tororötïnkwa, oghchï kegh körkeyïn nyo kipötöy nyo pö kïgh anka tïkwïl nyo ighöy nyinte kïnöreköy.

KINONO KIRURUT 5:9

Mesagh tïkuchoni anta ipöghisyechï: ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa ntökwit pïnta nyo pö sömök nko nyo pö angwan, chona reyanïn.

KINONO KIRURUT 6:12

Wölo orip kegh atömowutyeghö ECHOTYON nyo kimïtunenokwa koro Misri, wölanye kyochikwa sekey.

KIRWOKÏ 10:11

Kuyokyï ECHOTYON chane lö, “Ani nyo kyosörunenokwa mori pipö Misri nko pipö Amori nko pipö Amon nko pipö Pilisti

KIRWOKÏ 5:8

Otini kikïl Israel tororötin walaka, kutor poryot korengwa. Wölo kimöminye chi nyo kitïng longa anta ngot ompö Israel ompö kwenu pich elpun tömönut angwan?

KIRWOKÏ 8:33

Otini kirapas Kidyon, kïwöghökisyö ngat pipö Israel lawel kïlïkwï kalomak akïsagh Paal.* Kwigh Paal Muma kïlïkwï tororötïngwa.