KIRWOKÏ 10:6 - PIPÏLIA

⁶ Kwigh pipö Israel ngokï ngat ompö tawu ECHOTYON otini kisagh Paaltin* nko Astarotin* nko tororötino pipö Sirya nko pipö Sidon nko pipö Moap nko pipö Amon nko pipö Pilisti. Kïpïstö chane kïsagh ECHOTYON.

KIRWOKÏ 10:6 Iomraidhean Croise

1 PÖYTOGHÏ 11:33

Oghan le nyete ompöwölo kataghanïn Solomon akïsagh tororötino pich cho le to, cho lata ompö Asterot tororöt pö pipö Sidon nyo le korka nko Kemos tororöt pö pipö Moap nko Molek tororöt pö pipö Amon. Kapeny Solomon kirurutköchan akwigh ngokï amelö kötökïrïp ngalechan le paponyi Daudi.

1 PÖYTOGHÏ 11:5

Kisagh Astoret tororöt pö pipö Sidon nyo kile korka nko Molek, tororöt pö pipö Amon nyo lilu.

1 PÖYTOGHÏ 11:7

Kitek okumpö kongasispa Yerusalem ato kïsogho Kemos, tororöt pö pipö Moap nko ato kïsogho Molek, tororöt pö ghöyityö nyo pö pipö Amon.

1 PÖYTOGHÏ 16:31

Melö kimïchï nyinte ngokï cho teno cho kigh Yeropoam, wölo kilet tagh kwip Yesepel chepö Etpaal pöytoghinto Sidon akïsagh Paal.*

2 PÖYTOGHÏ 17:16

Kipïstö chane kirurut löwïr cho pö ECHOTYON Tororötïngwa akwigh körkeyïntin odeny cho pö mogh nko tororöt nyo kïkuro Asyera nyo le korka, akïsagh kokel akïpöghisyechï Paal* kïlïkwï tororötïngwa.

2 PÖYTOGHÏ 23:13

Kusïmnyon Yosia wölo kïsogho körkeyïntin cho kitek pöytoghintö Solomon kongasispa Yerusalem, okumpö ewu tagh nyo pö kutïng pö Arol nyo kitekyï Solomon pöytoghinto Israel, Astoret, tororöt nyo le korka nyo pö Sidon nko Kemos tororöt pö Moap nko Molek, tororöt pö pipö Amon.

2 OTÖPTINO OSIS 28:23

Kyomchï tororötino Damaska cho kirïnta nyinte amöros, ompöwölo kinan lö, “Mi tororötino pöytoghi Sirya kungöroköy chane, kïlenyona omchinan amöros atökungarakan tïkwïl.” Wölo kwipchï ngalechoni nyinte nyarïl nko Israel kïmïkul.

TUMWÖY 106:36

Kïsagh körkeyïntin, cho kïlïkwï ngöghöp ompö chane.

ISAYA 23:4

Itïngetenyi arasï, we kanasyanta Sidon! Ompöwölo kangalan nyini le nanam nko wölini le toyeto nanam akïlö, “Tomönye onyorwan ngwonïn pö lusyogh. Melö kyanaman monïng cho le wor anta tipïn.”

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 2:20

“Kogh ato kirïnganyi mïchokineku aichoghchinyi sïrïmtine wölo low, ailenchaninyi, ‘Melö topöghisyewunyi.’ Kisaghanyi tororötine walaka ompö kutïng anka tïkwïl nyo kogh, aikïtïngchinyi ompö rurwo ket anka tïkwïl nyo nyaril le chi nyo le cheporesyan.

YEREMIA 32:23

Kipka chane kïmang lenyoni akïcheng kïlïkwï nyingwa. Wölo nyu melö kiter ngaleku amelö kirïp kirurutköku. Melö ompö kigh lenyini kimwochinyi chane. Nka nyu nyoni kipïsinyi kïnyorï nyarïl nyo tenö nyï.

ESEKEL 27:16

Kigh mïnchïrïsnön pipö Sirya nko nyi ompöwölo chang tïkuku nyoman cho olöy. Kighöy mïnchïrïsnön chane nko sïro pö katani nko cho lata akwa lamay cho kikïnap kesyankan nko rupin nko koghïn.

KINONO KIRURUT 13:6

“Muköy ntökïlïsinyi werïnkwa anta werïngu anta cheptöngu anta korkengu nyini ichömenyi anta kongengu nyo pö man lö, ‘Nyonö kepe kesagha tororötin walaka,’ cho melö inkïtönyi anta papotïneku.

KINONO KIRURUT 13:8

Moghönchï anta olïmchï ngalechi amosyonchï amopïstö nyinte anta awïny.

KINONO KIRURUT 31:16

Kïlenchï ECHOTYON Musa, “Karich wïyönyi rïwö nko kukötineku, otini melö temitenönyi, wöghökisyot pïchï akïsagh tororötine walaka cho mi koronini karich kïlït. Pïstonanïn chane akïpeny mumenyan nyo kyaman nko chane.

KINONO KIRURUT 31:17

Onörekyinan chane tya asisoni apïstan awïnyan kegh chane atökewany. Nyoru chane nyörilwok cho pö otyogh, akutupï nyarïl kong, ato mi löt kïlö, ‘Ketwecha tïkuchï ghach löwïr, ompöwölo kakïpïstecha ECHOTYON.’

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

YOSWÖ 13:31

nko kareranpa Kiliad nko Astarot nko Edrey, kanastina Ok pöytoghinto Pasyan cho kikïchöghchï pipö Makir wero Manase, kïrïp kegh nko korikwa.

KIRWOKÏ 10:5

Otini kirapas Yair ketïpchï Kamon.

KIRWOKÏ 11:24

Chenga kor nyo koninyi tororötïngu Kemos, kïchengecha kor nyo konecha ECHOTYON Tororötïncha.

KIRWOKÏ 13:1

Kwigh pipö Israel ngokï ngat ompö tawu ECHOTYON, kïlenyona kutö ECHOTYON chane mori pipö Pilisti kïpayta ompö könyis tömönut angwan.

KIRWOKÏ 16:23

Atolapay kïtuyö pöytoghi Pilisti atö kutö tororötïngwa nyo kïkuro Dakon amörostin, akïngörekyö, ompöwölo kilö chane, “Ketö tororötïncha punyontencha Samson moricha.”

KIRWOKÏ 3:7

Kwigh pipö Israel ngokï ompö tawu ECHOTYON kïwutyeghö ECHOTYON Tororötïngwa, otini kisagh körkeyïntino Paal* nko Asyera.*

KIRWOKÏ 4:1

Kwigh pipö Israel ngokï ngat ompö tawu ECHOTYON otini kirapas Eud.

KIRWOKÏ 6:1

Kwigh pipö Israel ngokï ngat ompö tawu ECHOTYON, kutö ECHOTYON chane mori pipö Midyan könyis mut nko odeny.

KIRWOKÏ 8:33

Otini kirapas Kidyon, kïwöghökisyö ngat pipö Israel lawel kïlïkwï kalomak akïsagh Paal.* Kwigh Paal Muma kïlïkwï tororötïngwa.

1 SAMWEL 5:2

akutö koto tororötïngwa Dakon kïtöpö kamasu körkeyïnoni.