APAKUK 2:2 - PIPÏLIA

² Kuyokwanïn ECHOTYON lö, “Kira ngongutyononi aigh kïrumunö keronytin cho kikiröy atökusomönchï kegh chi akïmi kurïpöy.

APAKUK 2:2 Iomraidhean Croise

ISAYA 30:8

Kïlenchanïn Tororöt wïyö akirchï kitapï wölo lata pïchï, tökesïwa kokay ompö kikirut wölo ghach chane kïlïkwï.

ISAYA 8:1

Kïlenchanïn ECHOTYON, “Chenga kerony nyo tapes atekirchinö parakunyi ngal cho kimuköy kesomön cho lentöy, ‘Pokyinö Lawel, Ritö Pöröw.’

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

DANIEL 7:1

Kirwotïtö Daniel akïsïwa sïwïyagh otini kirïwöy pöröyenyi ompö könyi tagh nyo pö paytaghpa Pelsyasar nyo pö Papilon.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

1 KORINTO 14:19

Wölo ochöman tya ongölonöy ngal mut cho lïmöy pich ato kïtuyegho kanisa atamuk anet pikö walaka, kïtïl kengalan ngal cho mökïrar ompö kutïw cho mökïlïmöy.

2 KORINTO 3:12

Kïngölonecha ompö nyakanat nyo wow ompöwölo kïtïngetecha kikönöt nyo lata nyoni.

KINONO KIRURUT 27:8

Atolapay akir parakuto koghichoni kirurutchï löwïr kïrumï latok.”

KINONO KIRURUT 31:19

“Kïlenyona nyu, akira tumï anet pipö Israel, atökïlïkwï nyoni kïgh nyo rwokyini chane.

KINONO KIRURUT 31:22

Kukir Musa tumoni asisoni akunet pipö Israel.

NGONGUT 14:13

Atolapay alïman kut nyo ngwïnö yïm nyo kilentöy, “Kira lö! Soyönote pich cho meghyot kïngeta ye kïtas tagh, kïpöghisyechini Echotyon!” Kuyokyï Mïkulögh lö, “Owöy lenyoni nyoman! Sïköy chane kimïny ompö kighotikwa, ompöwölo rïpöy chane ighisyewutkökwa.”

NGONGUT 19:9

Atolapay kïlenchanïn malaykayantanoni, “Kira ngalechï: Soyönote chane cho kakekurchï akorpa kensyo Wawa Kech.” Akïlenchanïn ngat, “Ngala man chete cho kökonï Tororöt man.”