APAKUK 1:12 - PIPÏLIA

¹² Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

APAKUK 1:12 Iomraidhean Croise

TOWUNÖT 21:33

Kïkatkat Apraam ket pö oron ompö wölini le Persyepa akïsagha atoni kaynata ECHOTYON, nyo le Tororöt pö Kokay.

2 PÖYTOGHÏ 19:25

“Tomönye so lïmanyi lö kyatatan choni otini le könyisyok? Nka nyï ye kaghan kwitïta. Kyokoninyi owesyö para kanastin cho kikïteka nöyet ainyar.

TUMWÖY 102:24

Olan, “We ECHOTYON, mecheng söpontönyan otï le ye, otï tochan chumwak. Ichinyi satate kokay, we ECHOTYON.”

TUMWÖY 118:17

Momeghanye, wölo osöpan atamwatïta ighisyewut pö ECHOTYON cho kigh.

TUMWÖY 149:2

Nya kïngörekyö pipö Israel ompö Ighintengwa, oturonchenö pipö Sayon* ompö pöytoghintengwo!

TUMWÖY 17:13

Nyonö, we ECHOTYON, ateporyeghenö pungköchan airïnta chane, sörwante ompö chokengu achïwïta mwokïyis.

TUMWÖY 18:1

Ochöminyi, we ECHOTYON nyi nyo ichï owesyenyan.

TUMWÖY 74:12

Ichinyi pöytoghintencha we Tororöt, kïngeta könyisyok akesörwechanyi kïnyïl cho chang.

TUMWÖY 90:1

Kichinyi möngencha, we Echotyon, kïngata otini le könyisyok.

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

TUMWÖY 93:2

Chïchïmate ngacharungu pö paytagh, we ECHOTYON, kïngata könyisyok.

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

ISAYA 37:26

“ ‘Tomönye so lïmanyi lö ani nyo kyatat choni otini le könyisyok? Nka nyï ye kaghan kwitïta. Kyokoninyi owesyö para kanastin kïrulyö cho kikïtek nïyet.

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

ISAYA 43:15

Ochan ECHOTYON Tororötïnkwa nyo Tïlil. Kyaghakwa, we pipö Israel, achan pöytoghintenkwa.”

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

YEREMIA 30:11

Ompöwölo omitan nko nyi, tosörunyi. Owonyan lökïr koros löwïr cho kyotoytoychekwa. Momungïnyinye tya ntewonyö wölo inyorunenyi kïnye sitöt nyo mïchinote.” Mwoghöy ECHOTYON.

YEREMIA 4:27

Ompöwölo lentöy ECHOTYON, “Lïku korö kïmïkul surkwen, wölo motïpanye lömïs.

YEREMIA 46:28

Mewöghisyö we Yakopo mötworintenyu, ompöwölo omitan nko nyi. Owuran lömïs koros chona kyotoytoychinyi, wölo mowonginyinye. Amelenchï kegh opïstoninyi momungïn, wölo omunginyi kïrïp kegh nko lelutyengu momungïnyinye tya.” Mwoghöy ECHOTYON.

YEREMIA 5:18

Lentöy ECHOTYON, “Kïrkeghnye so, melö otöghekwa owonyenö lömïs osiswechoni.

LOK 5:19

Wölo ichinyi pöytoghin nyo pö kokay, we ECHOTYON ipöytonenyi pïnwöy nko pïnwöy.

ESEKEL 30:25

Oghan ewuno pöytoghinto Papilon kïchïchïm aghan ewuno Parao kïnyörkölölitu. Otini kotönön nyinte chokenyan akïpara Misri kunkïtï nyu chi anka tïkwïl lö ochan ECHOTYON.

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

APAKUK 3:2

Kyalïman tïkwïn cho kighanyi, we ECHOTYON nka nyoni ighanïn awaghinyi tya. Igha ye nyu ngat ompö osiswecha tïkuchoni kighanyi könyisyok. Inan kisyonchin, we ECHOTYON ompö nörekyengu.

APAKUK 3:6

Potönöy ngwïnya otini mökïwestonye nyinte, kïkany ato topöntö nyinte kïpotonchö pipö ngwïny löwïr. Ighöy nyinte kutïngkoti könyisyok kusyewsyewisyö akwigh komos kechïchïn, komos cho kiwestegho nyinte könyisyok.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

MALAKI 3:6

“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.

IGHISYEWUT 3:14

Wölo ataghakwa chi nyo Tïlil akï pö man. Omwochikwa Pilato kutyokwokwa pörin.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

1 TIMOTEO 1:17

Nya kïpöyit konyït nko ororyo, pöytoghinto kokay, nyo mömeghöy, amökïsïwïyi ompö kong, Tororöt nyo le nyinte onkït amömi anka, kokay nko kokay! Amen.*

1 TIMOTEO 6:16

Nyinte onkït nyo söpöy kokay, akï töpuno wölo mi löpoyïn nyo memukönye chi tökïrich. Möminye chi nyonikïny nyo kikïsïwa nyinte anta nyo muköy kïsïwa nyinte. Nya lïkwï nyenyi konyït nko paytagh nyo pö kokay! Amen.*

EPRANIA 13:8

Karkegh Yeso Kristo* omötu nko ye nko kokay.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

1 SAMWEL 2:2

“Möminye anka nyo tïlil le ECHOTYON, möminye nyo körökegh nko nyinte, awes Tororötïncha le ghat.