San Lucas 22:33 - Piapoco

³³ Néese Simón íimaca Jesús irí: —‍Nuíwacali, abédanama nuíwitáise píapicha nùanápiná presoíyéi ibànalìculé píapicha, éwita iwàwacutácaalí nuétácawa nacái píapichawa —‍íimaca yái Simón Pedroca.

San Lucas 22:33 Iomraidhean Croise

San Mateo 20:22

Quéwa Jesús íimaca nalí níái Santiago, Juan nacái: —‍Càmitacué píalíawa càinácaalí iwàwacutáanápiná pimànica Dios imàacacaténácué pirí yái pisutéericuéca nuícha, picùanápinácué núapicha macái wenàiwica. ¿Píalimásicué piùwichàacawa càide iyúwa nùuwichàanápináwa yéewacaténácué cachàiníiyéica pía càide iyúwacué pisutáaná nuícha? —‍íimaca yái Jesúsca. Néese náimaca Jesús irí: —‍Báisíta, Wáiwacali, wáaliméeri wamànica —‍náimaca.

San Marcos 14:29

Néese Pedro íimaca irí: —‍Ewita macáita áibanái iwènúadacaalí píicha íiwitáisewa, càicáaníta càmita numànipiná cài —‍íimaca yái Pedroca.

San Marcos 14:31

Quéwa Pedro íimaca irí cachàiníiri iyú mamáalàacata: —‍Ewita iwàwacutácaalí nacái nuétácawa píapichawa, càicáaníta càmita nucàlida nuchìwawa càmíinása núalía pìwali —‍íimaca yái Pedroca. Yá macáita níái áibanái cài náimaca nacái Jesús irí.

San Lucas 22:34

Jesús íimaca Pedro irí: —‍Pedro, péemìa cayába, ipíchawáise cawámai itàaca yáta catáquéi, yá pimànipiná pichìwawa máisiba yàawiría, píimapiná càmitasa píalía nùwali ipíchaná nanúaca pía núapicha —‍íimaca yái Jesúsca.

San Lucas 22:57

Quéwa, Pedro icàlidaca ichìwawa, íimaca càmitasa yáalía Jesús ìwali. Yá Pedro íimaca ulí: —‍Pía, inanái, càmita núalía ìwali —‍íimaca yái Pedroca, cáalucáináni.

San Juan 13:38

Néese Jesús íimaca irí: —‍¿Báisítasica pimàacaca nanúaca pía nuíchawalíná? Càmíirita, máinícáiná càulenáca píichani. Péemìa cayába, ipíchawáise cawámai itàaca, yá pimànipiná pichìwawa máisiba yàawiría, píimapiná càmitasa píalía nùwali ipíchaná nanúaca pía núapicha —‍íimaca yái Jesúsca.

Los Hechos 21:13

Néese Pablo íimaca walí: —‍¿Cánácué píicháaní? ¿Cánácué piwàwa cáaluca pimànica núa? Nudéca nuínáidacawa numàacáanápiná nadacùaca núa, nanúacaténá nacái núa Jerusalén ìyacàlená néré Wáiwacali Jesús ìwalíise, Dios iwàwacaalí cài namànica —‍íimaca yái Pabloca.