Tito 2:2 - TÄ̧DO Ä̧CUÄ̧ I̧HUȨNȨ

² Pa̧'a̧nö̧ huo̧juȩti̧. U̧mä̧tö̧ böäcuächätömä ttami 'qui'ächi'ö ttö̧jä̧cua̧'a̧nö̧. Korotö ttä'ca jo̧mȩ adiu ttö̧jä̧cua̧'a̧nö̧. Jahuätömä adiu tta̧'cua̧ pö̧nö̧ ttö̧jä̧cua̧'a̧nö̧. Jesucristorö adiu ttesetäcua'a̧nö̧. Ttahuaruhuärö repettäcua'a̧nö̧. Ja̧'hua̧ta̧nö̧ ttami diyaunä ttö̧jä̧cua̧'a̧nö̧.

Nuevo Testamento Uwotjüja

² Ja̧'wa̧ta̧nü̧ büäkuächätürümä̧ ji'äwi tta̧'kua̧pu̧nü̧ ttü̧ja̧kua̧, ttü̧ja̧ ttukuotünä̧, ja̧'wa̧ta̧nü̧ adiwomȩnä̧ ttü̧ja̧kua̧; tta̧'kua̧ wȩnä̧rü̧, eseunu̧, usurä ttȩma̧wo̧mȩnä̧ ttujuruku tta̧mi̧ 'kittächi'äkua'anü̧.

Tito 2:2 Iomraidhean Croise

San Marcos 5:15

Täcö Jesús ö̧jo̧mȩ tti̧'chi̧'o̧mȩnä̧, espíritus suropätörö pä'äji ku̧nä̧rä̧ji̧rö̧ topinätödo ö̧'a̧'a̧ ö̧'ca̧tä̧huä̧ta̧ 'ca̧tä̧hua̧. Ja̧'hua̧ta̧nö̧ a̧di̧hua̧tä̧ pi̧nö̧do. Ja̧'hua̧nö̧ topö ye'ecuinätödo.

San Lucas 8:35

Ja̧'hua̧nö̧ ja̧'a̧ttö̧ ttö̧ja̧ ja̧u̧ 'cuäopäji topö 'chi̧nä̧tö̧do. Täcö Jesús ö̧jo̧mȩ tti̧'chi̧'o̧mȩnä̧, espíritus suropätö rättächäjäcuru topinätödo Jesús ä'ca jo̧mȩ ö̧'a̧'a̧, ö̧'ca̧tä̧huä̧ta̧ 'ca̧tä̧hua̧. Ja̧'hua̧ta̧nö̧ a̧di̧hua̧tä̧ pi̧nö̧do. Ja̧'hua̧nö̧ topö ye'ecuinätödo.

Hechos 24:25

Ja̧'hua̧nö̧ ja̧'a̧nä̧ suronä jȩä̧cuä̧huä̧ juiyönä adiu kä̧cuä̧huä̧ huȩnȩ'i̧nä̧, Dios ttö̧ja̧rö̧ pojocuä mo̧ro̧'i̧nä̧ Pablo ucuocua'a ä̧ju̧cuo̧mȩnä̧, Félix ye'ecue'inödo. Pä'inödo: —Jitämä täi. Koronö koro juäi jȩcho̧co̧mȩnä̧, pä'äji ta'anö huo̧chä̧cua̧sä̧ cuicha pä'ö.

Romanos 12:3

Dios ttörö ppädina'attö, o'ca toi'önä ucuturu ji'äusä, ttömä korotöttö'inä abonänö huo̧jua̧sä̧ pä'ö cuamöcuädätucuä'. Ucututä cuamönätucu adiu cua̧'cua̧ ku̧nu̧ amöcuädätucui esetäcuähuä Dios iyinömä.

1 Corintios 15:34

Ucutumä ppa̧'ä̧chö̧ adiunä cua̧'cua̧ pö̧nö̧ ka̧cuä̧tu̧cui̧. Suronämä jȩcu̧'ä̧tu̧cuä̧'. Korotö ucututtu isotömä ji̧nä̧ jerupätödo Diosrö. Pi̧yȩmä̧ pä'ösä ucutu cudäpecuätucua pä'ö.

1 Corintios 9:25

Ja̧'hua̧ta̧nö̧ o'ca toi'önä joäcuähuänä ttöärehua pä'ätömä, o'ca juiyönä do'opö icuätö tottei'ö juiya pä'ö. Jahuätö ja̧'hua̧nö̧ jȩpä̧tö̧, ppöttähuä isojättö adicuä ttȩma̧ pä'ö. Ja̧u̧mä̧ yoröiso recuo ko̧cö̧. Ujutumä koro ppöttähuä, yoröiso beipächocohuättö tȩma̧ pä'ö rohuähuätöjä.

2 Corintios 5:13

Iso päi'önä ujutu ttu̧'ȩpä̧ro̧co̧tö̧ ttö̧jö̧'a̧nö̧ tö̧jö̧ttö̧mä̧, Diosrö pä̧huä̧ rö̧jö̧ jȩta̧ pä'ö jȩpä̧tö̧jä̧. Ja̧'hua̧ta̧nö̧ ujutumä ttu̧'ȩpä̧rä̧tö̧ ttö̧jö̧'a̧nö̧ tö̧jö̧ttö̧mä̧, ucuturu ppätäda pä'ö jȩpä̧tö̧jä̧.

Gálatas 5:23

Ja̧'hua̧ta̧nö̧ Espíritu Santo iyömä korotörö ujututtu'inä abonänö adiu amöcuädäcuähuä'inä, tamönä tamöcuädötä jȩto̧ca̧'a̧ tami 'quiächi'äcuähuä'inä. Ja̧u̧ juäi surojö pä'ömä hueähuä huȩnȩ juiya'a.

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

1 Tesalonicenses 5:6

Ja̧'hua̧nö̧ ja̧'a̧ttö̧ korotö ttä'ö'a̧nö̧mä̧, ä'ocotöjä ujutumä. Ujutumä ta̧'cua̧ pö̧nö̧ kä̧nö̧, tta̧tä̧rä̧cuä̧u̧'a̧nö̧ ja̧'a̧.

1 Tesalonicenses 5:8

Ja̧'hua̧nö̧ ja̧'a̧nä̧ ujutu, mo̧ro̧ i̧tti̧mö̧mä̧, adiu tamöcuädö'a̧nö̧ ja̧'a̧. Su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, ujutu'inä Diosrö adiu esetö, tahuaruhuärö repe'ö jȩtö̧'a̧nö̧ ja̧'a̧. Ja̧'hua̧ta̧nö̧ su̧ro̧da̧u̧ i̧sa̧ unä 'quiyö juäi u̧huä̧nä̧hua̧'a̧ jä̧'i̧nö̧'a̧nö̧, ujutu'inä suronä jȩtö̧ jȩpö̧ icuatö pä'ö, Diosrö tta̧tä̧rö̧'a̧nö̧ ja̧'a̧.

1 Timoteo 1:10

Ja̧'hua̧ta̧nö̧ nä̧tö̧rö̧ suronä jȩpä̧tö̧rö̧, u̧mä̧tö̧ u̧mä̧tö̧cu̧ suronä jȩpä̧tö̧rö̧, korotörö 'chu'ädö ȩmi̧pä̧tö̧rö̧, yapareu huȩnȩ ucuocuätörö, o'ca toi'önä adihuä huȩnȩ päö ta'anö jȩpo̧co̧tö̧rö̧ päa'a ja̧u̧ hueähuä huȩnȩ.

1 Timoteo 1:14

Ja̧'hua̧nö̧ ja̧'a̧ttö̧ Dios rö̧ȩnä̧ ppä'ädinö ttörö, Cristo Jesúsru esetö repedarö pä'ö.

1 Timoteo 1:2

Pi̧yȩ huȩnȩ huȩyu̧tu̧ hue'ösä ucuru Timoteo, Cristonä chi̧tti̧. Tä'o Dios'inä, Tu̧ru̧hua̧ Cristo Jesús'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

1 Timoteo 3:11

Ja̧'hua̧ta̧nö̧ korotömä diáconos huotö ttirecuarö ttucuotäcua'a̧nö̧. Diáconos huotö ttirecua amönä yapareu huȩnȩ ji'ähuä'chocotö. Jahuätömä tta̧'cua̧ pö̧nö̧ ka̧cuä̧tö̧. O'ca juiyönä adiu jȩpä̧tö̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

1 Timoteo 3:4

I̧tti̧mö̧rö̧'i̧nä̧, ahuaruhuärö'inä adiu hue'ö. I̧tti̧mö̧mä̧ o'ca juiyönä hueö jȩpä̧tö̧. Ja̧'hua̧ta̧nö̧ i̧tti̧mö̧ ucuotönö repe'ätö ja̧u̧ru̧.

1 Timoteo 3:8

Ja̧'hua̧ta̧nö̧ diáconos huotörö'inä ttucuotäcua'a̧nö̧. Yapareu ucuocuocotö. Jahuätömä tä̧'ä̧mo̧co̧tö̧. Jahuätömä pärätä rö̧ȩnä̧ amöcuädö ko̧co̧tö̧.

1 Timoteo 5:1

U̧mä̧tö̧ tä̧mö̧ böäcuächätörö ra̧huä̧rö̧nä̧nö̧mä̧ cucuocuä'. Ja̧'hua̧nö̧ ja̧'a̧ adiu ucuocu ji'ähuitö, ucuhuätä cuamönä cuä'o a̧'cua̧rö̧nä̧. Ja̧'hua̧ta̧nö̧ ucuocu ji'ähui u̧mä̧tö̧ möäyotörö, ucuhuätä cuamönä cu̧jä̧hua̧tö̧ a̧'cua̧rö̧nä̧.

Tito 1:13

Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧.

Tito 1:8

Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.

Tito 2:7

Ucutä Tito o'ca juiyönä jȩcu̧'u̧mä̧, adiunätä jȩpi̧ jahuätö ttu̧huo̧jui̧'ä̧cua̧'a̧nö̧. Ucu cu̧huo̧juȩto̧mȩnä̧, cua̧'cua̧ pö̧nö̧ kä̧nö̧ huo̧juȩti̧. Adiunätä huo̧juȩti̧.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.

1 Pedro 1:13

Ja̧'hua̧nö̧ ja̧'a̧ttö̧ adiu amöcuädätucui cuaditätucuä̧cuȩ. Adiu cua̧'cua̧ pö̧nö̧ ka̧cuä̧tu̧cui̧. Adiu amöcuädö tta̧'ä̧rä̧tu̧cui̧ Dios ucuturu repe'ö iyä̧cuȩmä̧, Jesucristo ichomenä.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

2 Pedro 1:6

Ja̧'hua̧ta̧nö̧ ä̧ju̧cu̧ kä̧nö̧, cuamönätucu cuamöcuädätucutä jȩcu̧'ä̧tu̧cuo̧ca̧'a̧, cuami 'quicuhuächi'ätucuaja. Ja̧'hua̧ta̧nö̧ cuami 'qui'ächi'ö kä̧nö̧, Diosrö eseunu cucuocuätucuaja.