Tito 2:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.

Nuevo Testamento Uwotjüja

¹⁰ Ttunä̧u̧kuä̧ro̧ka'a, ttu̧nä̧u̧kuä̧ra̧jueimä̧ jo̧mȩnü̧ ukuotü kkä̧nü̧, o'kajuiyünä̧ Tü̧ä̧nä̧wa̧ Dio surojüttü tü̧ji̧pü̧nä̧ ppä'ädü u̧wo̧juȩtü̧mä̧ juiyo adiwäjuei pä'ü tti̧jȩpä̧kua̧'a̧nü̧.

Tito 2:10 Iomraidhean Croise

San Mateo 24:45

Juhua'a yabonö huo̧juȩti̧nö̧do Jesús: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

San Mateo 5:16

Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

San Lucas 1:47

Chami iso'quinä esehuäjusä Diosrö, ttö suronä jȩchö̧ jȩpö̧ i̧cuä̧cua̧rö̧.

San Lucas 1:80

Ja̧'hua̧nö̧ ja̧'a̧ ji̧'qui̧cha̧hua̧ böo juo'inödo. Ja̧'hua̧ta̧nö̧ Diosrö juiyo rö̧ȩnä̧ esehuinödo. Toö o̧du̧nä̧ ki̧nö̧do, Israel ttö̧ja̧rö̧ u̧huo̧juȩti̧no̧mȩ jubö päi'önä.

San Lucas 16:10

“A̧'u̧cu̧nä̧tä̧ u̧ju̧nä̧rö̧nä̧ adiu jȩpö̧mä̧, ja̧'hua̧ta̧nö̧ rö̧ȩnä̧ u̧ju̧nä̧ro̧mȩnä̧'i̧nä̧, adiu jȩpö̧. Ja̧'hua̧ta̧nö̧ a̧'u̧cu̧nä̧tä̧ u̧ju̧nä̧rö̧nä̧ suronä jȩpö̧mä̧, ja̧'hua̧ta̧nö̧ rö̧ȩnä̧ u̧ju̧nä̧ro̧mȩnä̧'i̧nä̧ suronä jȩpö̧.

San Juan 12:6

Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

1 Corintios 4:2

Ja̧'hua̧ta̧nö̧ ya̧tȩ huȩ'ä̧hua̧mä̧ o'ca toi'önä adiu repe'ö ttucuocuarö pä'ö ö̧jö̧'a̧nö̧ ja̧'a̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

1 Timoteo 1:1

Ttö Pablo, Jesucristo huȩ'ä̧hua̧sä̧. Tu̧ru̧hua̧ Dios'inä, Tu̧ru̧hua̧ Jesucristo'inä huettömä jȩpö̧sä̧. Ja̧'hua̧ta̧nö̧ Jesucristorö esetö tta̧'ä̧rä̧tö̧jä̧.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

1 Timoteo 6:1

Korotöcu aditätömä ttu̧ru̧hua̧rö̧ adiu ttucuotäcua'a̧nö̧. Ja̧'hua̧nö̧ ttucuotomenä, korotö Diosrö suronä ucuocuocotö. Ja̧'hua̧ta̧nö̧ ujutu tu̧huo̧juȩtö̧ huȩnȩ'i̧nä̧ suronä ucuocuocotö.

1 Timoteo 6:3

Ya̧tȩ koro huȩnȩ, adihuä huȩnȩ, Tu̧ru̧hua̧ Jesucristo i̧huȩnȩ, ujutu tu̧huo̧juȩtö̧ huȩnȩttö̧'i̧nä̧ i̧mi̧cu̧nä̧ jiäuttumä, jerupö a'cuoyäunu ji'äu. Rohuä huȩnȩtä̧ ucuocuäcuähuä kö̧'ca̧. Ja̧u̧ huȩnȩttö̧ räopa'a a'cuoyähuäcuähuä'inä, curä huȩnȩ'i̧nä̧, ttahuaruhuärö suronä ucuocuäcuähuä'inä, suronä amöcuädäcuähuä'inä.

Tito 1:3

Jitämä churutä pä̧huä̧ rö̧jo̧mȩnä̧, i̧huȩnȩ jidähua pä'ö hueinäcusä o'ca toi'önä ttu̧huo̧jua̧ pä'ö.

Tito 3:4

Ja̧'hua̧nö̧ cuetächomenä, Dios ujuturu ppä'ädinö.

1 Pedro 2:12

Adiunä ka̧cuä̧tu̧cui̧ Diosrö esetocotö ttä'ca jo̧mȩ. Ja̧'hua̧nö̧ ja̧'a̧ttö̧ jahuätö suronä jȩpä̧tö̧rö̧ ttucuocu'a̧nö̧ ttucuocuomenä ucuturu, adiu jȩcu̧'ä̧tu̧cua̧'a̧ topö, Diosrö ttesehuäcuotö, Dios ttö̧ja̧rö̧ pojocuä mo̧ro̧ päi'omenä.

1 Pedro 3:16

Adiunä amöcuädö ka̧cuä̧tu̧cui̧, korotö ucutu adiu cu̧ja̧cuä̧tu̧cua̧'a̧ topö suronä ttucuocuomenä, jitötä ttucuocuäji amöcuädö ttödäpecuäcua'a̧nö̧.

2 Juan 1:9

Jesucristo u̧huo̧juȩti̧nö̧ abonänö 'cuäoi'önä huo̧juȩtö̧mä̧, ja̧u̧mä̧ Jesucristo u̧huo̧juȩti̧nö̧ huo̧juȩtö̧ ko̧cö̧. Dios toönä kö̧. Jesucristo u̧huo̧juȩti̧nö̧ huo̧juȩtö̧ kö̧mä̧, Tä'o Dioscu, I̧tti̧ Jesucristocu kö̧.