San Mateo 9:36 - TÄ̧DO Ä̧CUÄ̧ I̧HUȨNȨ

³⁶ Ttö̧ja̧rö̧ tomenä, re rö̧jö̧nä̧nö̧ toinä̧u̧do. Jahuätömä o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ 'cuä'ächi'ö tta̧'cua̧ tta̧'ȩcu̧nu̧ cue'ächinätödo.

Nuevo Testamento Uwotjüja

³⁶ Ja̧'wa̧nü̧ ja̧'a̧ ttü̧ja̧ rekuätürü topü, rȩrü̧jü̧nü̧ toinä̧u̧, usurä ȩmä̧u̧ ttipperekuächini̧yä̧ku̧, oweja-tü̧ ttu̧ru̧wa̧ pató to'ätü 'kua̧rü̧nä̧ ttü̧ja̧kui̧yä̧ku̧.

San Mateo 9:36 Iomraidhean Croise

San Mateo 10:6

O̧vȩja̧stö̧ re'tehuächätö jä̧'i̧nö̧'a̧nö̧ huotörö, Israel ttö̧ja̧rö̧, tätucui,

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 15:24

Ja̧'hua̧nö̧ pättomenä, Jesús pä'inödo: —Dios ttörö hue'inö Israel ttö̧ja̧rö̧tä̧, o̧vȩja̧stö̧ re'tehuächätö jä̧'i̧nö̧'a̧nö̧ cue'ächätörö jidähua pä'ö.

San Mateo 15:32

Ja̧u̧nu̧ o'ca'a Jesús u̧huo̧juȩtä̧u̧ru̧ huopö pä'inödo: —Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a. Ttojusodera̧'a̧ ttu̧cuȩ ttucuoca'amä hueda pä'ocösä. Ja̧'a̧tä̧ tti̧'chö̧ttö̧mä̧ mä̧nä̧nä̧ 'chä̧nö̧ ttijuiyuhuächi'ö'a̧nö̧ ja̧'a̧.

San Marcos 6:34

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo, o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ cuettächa'attö. Ja̧u̧mä̧ jahuätörö rö̧ȩnä̧ huo̧juȩti̧nö̧do.

San Marcos 8:2

—Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.