San Mateo 9:13 - TÄ̧DO Ä̧CUÄ̧ I̧HUȨNȨ

¹³ Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

Nuevo Testamento Uwotjüja

¹³ Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

San Mateo 9:13 Iomraidhean Croise

San Mateo 12:3

Ja̧'hua̧nö̧ ja̧'a̧nä̧ chutä pä'inödo: —¿Ucutu yoröiso ucuocuocotö pä'ijätöjä David jȩi̧nö̧mä̧, ahuaruhuäcu ttucua ppäi rö̧jä̧chi̧'o̧mȩnä̧?

San Mateo 12:5

Ja̧'hua̧ta̧nö̧ ¿Moisés hueähuä huȩnȩ ucuocuocotö pä'ijätöjä? Diosrö ucuocuäcuähuode ruhuotömä ttö̧ja̧ 'cuättächi'ö mo̧ro̧mä̧ 'cuä'ächi'ocotödo. Ja̧'hua̧ta̧nö̧ jahuätö ja̧'hua̧nö̧ ttaditomenä, suronämä jȩpo̧co̧tö̧.

San Mateo 12:7

Pi̧yȩ Huȩyu̧cuä̧ Huȩnȩ päö'a̧nö̧ ä̧ju̧cuo̧co̧tö̧jä̧. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ja̧u̧ huȩnȩ cuä̧ju̧cuä̧tu̧cu̧ttu̧mä̧, korotörö suronä jȩpo̧co̧tö̧rö̧ pa̧ja̧cuä̧ro̧co̧tö̧ pajatöjä.

San Mateo 19:4

Jahuätörö ädätinödo: —¿Ucutu Huȩyu̧cuä̧ Huȩnȩ ucuocuocotö pä'ijätöjä tä̧ji̧? Ja̧u̧ cuyäru päa'a, äcuomenä Dios “ubocu, isajucu aditinödo.”

San Mateo 21:42

Ja̧u̧nu̧ o'ca'a Jesús päinä̧u̧do: —¿Huȩyu̧cuä̧ Huȩnȩ yoröiso ucuocuocotö pä'ijätöjä tä̧ji̧? Ja̧u̧ huȩnȩ päa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä. Ja̧'hua̧nö̧ jȩpi̧nö̧ Tu̧ru̧hua̧. Ujutu yoröiso adihuä juäi pä'ätöjä.

San Mateo 3:2

Ja̧u̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'inödo.

San Mateo 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧.

San Mateo 4:17

Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.

San Marcos 12:26

Juhuorö'inä ttö̧ja̧ ttoächäcuähuä huȩnȩmä̧, Dios isade cuoadettö ucuocu Moisés i̧huȩyu̧ti̧nö̧mä̧ ¿ucuocuocotö pä'ijätöjä tä̧ji̧? Pa̧'a̧nö̧ pä'inö: “Ttötä Abraham Jä̧do̧ ä̧cua̧ Diossä. Ttötä Isaac Jä̧do̧ ä̧cua̧ Diossä. Ttötä Jacob Jä̧do̧ ä̧cua̧ Diossä.”

San Marcos 12:33

Ja̧'hua̧ta̧nö̧ Diosrö tami iso'quinä'inä, tamöcuädönä'inä, ta̧'cua̧ru̧hua̧nä̧'i̧nä̧, tujurunä'inä repetomenä, sacrificios'inä, ofrendas'inä ku icuähuättö'inä abonänö adihua'a. Ja̧'hua̧ta̧nö̧ ta̧hua̧ru̧hua̧rö̧ tamönä repetäu ta'anö repetomenä, sacrificios'inä, ofrendas'inä ku icuähuättö'inä abonänö adihua'a.

San Marcos 2:17

Ja̧'hua̧nö̧ pätta'a ä̧ju̧cu̧, Jesús pä'inödo jahuätörö: —Na̧'ä̧cho̧co̧tö̧mä̧ jahuapömä jä'epocotö jahuapö ru̧hua̧rö̧. Na̧'ä̧chä̧tö̧tä̧ jahuapö jä'epätö jahuapö ru̧hua̧rö̧. Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, —pä'inödo Jesús.

San Lucas 10:26

Jesús ädätinödo: —Moisés hueähuä huȩnȩmä̧, ¿däje huȩyu̧cuä̧'i̧ja̧'a̧cuä̧ttö̧? ¿Tta̧'a̧nö̧ cucuocuä'ijättö?

San Lucas 19:10

Ubo I̧tti̧mä̧ suronä jȩpö̧ re'tehuächätörö usu ichinödo, suronä jȩttö̧ jȩpö̧ icuatö pä'ö.

San Lucas 24:47

Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Lucas 5:31

Jesús ädätinä̧u̧do: —Na̧'ä̧cho̧co̧tö̧mä̧ jahuapömä jä'epocotö jahuapö ru̧hua̧rö̧. Na̧'ä̧chä̧tö̧tä̧ jahuapö jä'epätö jahuapö ru̧hua̧rö̧.

San Lucas 5:32

Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä pärocuäcutä ttamöcuäda pä'ö, —pä'inödo Jesús.

San Juan 10:34

Ja̧'hua̧ ja̧'a̧ Jesús päinä̧u̧do: —Ucutu hueähuä huȩnȩnä̧ Dios päinö huȩyu̧cua̧'a̧. Pa̧'a̧nö̧ päa'a: “Ucutumä pi̧jä̧ttö̧ dioses huotöjä.”

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Hechos 3:19

Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

2 Pedro 3:9

Korotö pättö'a̧nö̧mä̧ pä'ocödo Diosmä. Päinö ta'anö 'cuäopäcua'ado churutä pä̧huä̧ rö̧jo̧mȩnä̧. Ja̧u̧ ujuturu topö ami 'qui'ächi'ö. O'ca toi'önä pärocuäcutä ttamöcuäda pä'ödo, tottei'ö juiya pä'ö.