San Mateo 8:32 - TÄ̧DO Ä̧CUÄ̧ I̧HUȨNȨ

³² Ja̧'hua̧ ja̧'a̧ Jesús päinä̧u̧do: —Ja̧u̧ttu̧mä̧ dodepätucui cu̧chi̧tö̧nä̧, Ja̧'hua̧nö̧ päomenä, espíritus suropätömä u̧mä̧tö̧ttö̧ rä'ächö cu̧chi̧tö̧rö̧ dodepächinätödo. Ja̧'hua̧nö̧ dodettächä̧u̧, o'ca toi'önä cu̧chi̧tö̧ma̧ pä̧i̧cu̧nä̧ jopächö, idosettö ma̧'ä̧chi̧nä̧tö̧do duboranä. Juhuorö a̧'ä̧u̧ icuinätödo.

Nuevo Testamento Uwotjüja

³² Jä̧ttȩpä̧rä̧ku̧ Jesú-mä̧, päinä̧u̧: —Tätukui. Päomȩnä̧, ttü̧ja̧ttü̧ rä'opächü ku̧chi̧tü̧nä̧ dodepipinä̧tü̧; ja̧'wa̧nü̧ päi'omȩnä̧ ku̧chi̧tü̧mä̧ yotäku rü̧ä̧ duborara̧'a̧ku̧ jopächü, idose dȩa̧'a̧ku̧ ma̧'o̧po̧'ä̧chü̧ o'katoi'ünä̧tä̧ a̧'ä̧kuä̧u̧ to'e'ächinä̧tü̧.

San Mateo 8:32 Iomraidhean Croise

San Mateo 8:31

Ja̧'hua̧nö̧ ja̧'a̧ttö̧ espíritus suropätö pä'inätödo Jesúsru: —Ujuturu ya'opö cuicuttumä, cu̧chi̧tö̧nä̧ dodeta pä'ö hue'itö.

San Mateo 8:33

Ja̧'hua̧nö̧ päi'omenä, cu̧chi̧tö̧rö̧ tta̧'ä̧rä̧tö̧ ye'ecu jopinätödo. Ötahuiyära̧'a̧ 'chä̧hui̧'ö̧, o'ca juiyönä tottäjimä ji'ähuinätödo. U̧mä̧tö̧rö̧ espíritus suropätörö ku̧nä̧rä̧jä̧tö̧rö̧ 'cuäopäji'inä ji'ähuinätödo o'ca juiyönä.

San Marcos 5:13

Ja̧'hua̧ ja̧'a̧ttö̧ Jesús hueinä̧u̧do. Ja̧'hua̧nö̧ ja̧'a̧ espíritus suropätö rä'ächinätödo ubottö. Rä'ächö, cu̧chi̧tö̧rö̧ dodepächinätödo. Jahuätö cu̧chi̧tö̧mä̧ dos mil jo̧mȩnä̧ recuinätödo. Ja̧'hua̧nö̧ ja̧'a̧ jahuätö o'ca toi'önä pä̧i̧cu̧nä̧ jopächö, idosettö ma̧'ä̧chi̧nä̧tö̧do duboranä. Juhuorö a̧'ä̧u̧ icuinätödo.

San Lucas 8:33

Ja̧'hua̧nö̧ ja̧'a̧ espíritus suropätö rä'ächinätödo ubottö. Rä'ächö, cu̧chi̧tö̧rö̧ dodepächinätödo. Ja̧'hua̧nö̧ ja̧'a̧ jahuätö o'ca toi'önä pä̧i̧cu̧nä̧ jopächö, idosettö ma̧'ä̧chi̧nä̧tö̧do duboranä. Juhuorö a̧'ä̧u̧ icuinätödo.

Hechos 2:23

Dios täcö amöcuädinö, Jesúsru iya pä'ö ucuturu. Ä'canä u̧huo̧jui̧na̧'a̧ttö̧ ucuturu iyinö. Ja̧'hua̧ ja̧'a̧ ucutu iyinätöjä Jesúsru suronä jȩpä̧tö̧rö̧, daunä pȩ'o̧pö̧ ku̧nu̧ cuä'ö tticuarö pä'ö.

Hechos 4:28

Jahuätö jȩpi̧nä̧tö̧ o'ca juiyönä ucu cu̧huo̧jua̧'a̧ttö̧ ä'canä amöcuädö hue'inöjä ja̧'hua̧nö̧ 'cuäopäcua'amä.

Apocalipsis 20:7

Ja̧u̧ ya'ute mil a̧'ȩ jo̧mȩnä̧ 'cuäopö o'ca'a, Satanásrö ejädö tticuäcuotö cärenä ö̧jo̧mȩttö̧.