San Mateo 8:2 - TÄ̧DO Ä̧CUÄ̧ I̧HUȨNȨ

² Ya̧tȩ öttahuiyä märichei, lepra pättö juäi na̧'ä̧chö̧, Jesús ä'ca jo̧mȩ ichö, ihue'quiyunä kä̧mä̧dö̧ pä'inödo: —Chu̧ru̧hua̧, ucuru pä̧huä̧ rö̧jö̧ttö̧mä̧, ttö̧rö̧ aditö cuicu'a̧nö̧ ja̧'a̧.

Nuevo Testamento Uwotjüja

² Ja̧'wa̧nü̧ i̧'cha̧'a̧ jakuänä̧ ya̧tȩ Repra mä̧richei na̧'ä̧chü̧, Jesú ä'ka jo̧mȩ iwe'kiyunä̧ kkä̧mä̧dü̧ pä'inü̧: —Chu̧ru̧wa̧, chumä̧richei aditü kuikua päkuttümä̧, aditü ikuittü.

San Mateo 8:2 Iomraidhean Croise

San Mateo 10:8

Lepra ttöttahuiyä märichei na̧'ä̧chä̧tö̧rö̧'i̧nä̧, koro juäi na̧'ä̧chä̧tö̧rö̧'i̧nä̧ aditö icuätucui. 'Corupä'i'ätörö'inä tto'ädätucui. Espíritus suropätörö'inä rä'epö icuätucui. Ucutu ja̧u̧ ujurumä micuä juiyönä cuȩmä̧jä̧tu̧cu̧ ta'anö, korotörö'inä ja̧u̧ ujurunä micuä juiyönä ppä'ädätucui.

San Mateo 13:58

Ja̧'hua̧nö̧ ja̧'a̧ttö̧ chutä idepiyunä rö̧ȩnä̧ ttö̧ja̧ ttieru juäi jȩpo̧cö̧ pi̧nö̧do, juhua'a ttö̧ja̧ ttesetoca'attö.

San Mateo 14:33

Ja̧'hua̧ ja̧'a̧ huoi'canä pȩji̧nä̧tö̧mä̧, Jesús ä'ca jo̧mȩ ttihue'quiyunä kä̧mä̧dö̧ pä'inätödo: —Iso päi'önä ucumä Dios I̧tti̧jä̧, —pä'inätödo.

San Mateo 15:25

Yajutä isaju Jesúsru tö'cönänö ichi'ö, kihue'quiyunä kä̧mä̧dö̧, pä'inäjudo: —Chu̧ru̧hua̧, ppä'ädittö.

San Mateo 18:26

Ja̧'hua̧nö̧ hueomenä, chutä ru̧hua̧rö̧ mippotömä ihue'quiyunä kä̧mä̧dö̧ pä'inödo ru̧hua̧rö̧: “Chu̧ru̧hua̧, cua̧'cua̧ tta̧nö̧ topittö. Ucuru o'ca juiyönä chi̧mi̧tä̧cua̧sä̧.”

San Mateo 2:11

Ja̧'hua̧nö̧ ttesehuomenä, isodenä do'ächö topinätödo ji̧'qui̧cha̧hua̧rö̧, ja̧ju̧ Maríacu ö̧'a̧'a̧. Ja̧'hua̧nö̧ topö, ttihue'quiyunä kä̧mä̧dö̧ esehuinätödo ji̧'qui̧cha̧hua̧rö̧. Ja̧u̧nu̧ o'ca'a tti'cächäjimä ba'epö, rö̧ȩnä̧ micuäu juäi ttiyinäcudo oro'inä, koro adiu ameu juäi'inä.

San Mateo 20:20

Ja̧u̧nu̧ pä̧nä̧ Jacobonö, Juannö Zebedeo i̧tti̧mö̧ tta̧ju̧ Jesúsru tö'cönänö 'chä̧hui̧'i̧nä̧ju̧do ki̧tti̧mö̧cu̧. Jesús ä'ca jo̧mȩ kihue'quiyunä kä̧mä̧di̧nä̧ju̧do Jesúsru jäjepa pä'ö.

San Mateo 26:6

Jesús Betania ötahuiyänä, Simón, lepra öttahuiyä märichei na̧'ä̧chö̧ pättäcu ojusodenä ki̧nö̧do.

San Mateo 28:17

Jesúsru tottomenä, ja̧u̧ru̧ eseunu ucuocuinätödo. Ja̧'hua̧nö̧ ja̧'a̧nä̧ korotö pö̧nä̧ iso päi'önä Cristo ja̧ pä'ömä esetocotö pi̧nä̧tö̧do.

San Mateo 28:9

Ja̧'hua̧nö̧ jottächomenä, Jesús jahuätörö ichi'ö esehuinödo. Jahuätö Jesúsru tö'cönänö ichi'ö, ö̧jä̧pö̧nä̧ 'chu'ädö eseunu ucuocuinätödo ja̧u̧ru̧.

San Mateo 4:9

Ja̧u̧nu̧ o'ca'a pä'inödo Jesúsru: —Ttö chä'ca jo̧mȩ cuihue'quiyunä kä̧mä̧dö̧, ttörö cua̧'cua̧ cu̧huȩnä̧rö̧ttö̧mä̧ o'ca juiyönä tocu'äjimä chi̧yä̧cua̧jä̧, —pä'inödo ähuettämä.

San Mateo 8:1

Jesús möä'cara̧'a̧ttö̧ i̧mȩyȩhuo̧mȩnä̧, recuätö ttö̧ja̧ o'ca'anä ichinätödo.

San Mateo 8:25

U̧huo̧juȩtä̧u̧mä̧ ä'omecu 'chä̧hui̧'ö̧ huopönänö pä'inätödo: —¡Tu̧ru̧hua̧, ppä'äditö! ¡Ma̧'ä̧chä̧tö̧jä̧!

San Mateo 9:18

Jesús ja̧u̧ huȩnȩ u̧huo̧juȩto̧mȩnä̧, ya̧tȩ judíos ttö̧ja̧ ttu̧ru̧hua̧mä̧ ichi'ö, Jesús ä'ca jo̧mȩ ihue'quiyunä kä̧mä̧dö̧ pä'inödo: —Chittijumä jitä 'corujuo'ächäjäju. Ucutä chojusodera̧'a̧ ichö cu̧mö̧nä̧ mȩcu̧ttu̧mä̧, pä'äji ta'anö kö̧jä̧cua̧'a̧nö̧, —pä'inödo.

San Lucas 4:27

Ja̧'hua̧ta̧nö̧ Israel ttö̧ja̧ ttö̧'quȩtȩ recuätö lepra ttöttahuiyä märichei na̧nȩpi̧nä̧tö̧ Dios i̧huȩnȩ jiäcuähuä i̧sa̧ Eliseo ö̧ji̧nö̧ pä̧nä̧. Ja̧'hua̧nö̧ ja̧'a̧nä̧ jahuätöttö ya̧tȩrö̧'i̧nä̧ aditö icuocö pi̧nö̧ Dios. Naamánrötä, Siria rȩjȩ ttö̧ja̧ i̧sa̧rö̧tä̧ aditö icuinö, —pä'inödo Jesús.

San Juan 9:38

Ja̧'hua̧nö̧ päomenä, ja̧u̧ ubo ihue'quiyunä kä̧mä̧dö̧, Jesús ä'ca jo̧mȩ pä'inödo: —Chu̧ru̧hua̧, esetösä.

Hechos 10:14

Ja̧'hua̧nö̧ ja̧'a̧ Pedro pä'inödo: —Cuocösä, Chu̧ru̧hua̧. Ttömä yoröiso cuäcuähuocörömä, i̧di̧cua̧rö̧mä̧ cuocösä.

Hechos 10:25

Pedro Cornelio ojusodenä doächi'omenä, Cornelio ja̧u̧ru̧ te'ähuinödo ihue'quiyunä kä̧mä̧dö̧ ja̧rȩyu̧nu̧ pä'i'ö.

1 Corintios 14:25

Ja̧'hua̧nö̧ ä̧ju̧cu̧, ami iso'quinä yä̧huä̧i̧nä̧ amöcuädömä, o'ca juiyönä ji'äu icu ihue'quiyunä kä̧mä̧dö̧, Diosrö u̧cuo̧cuä̧cua̧. Ja̧'hua̧ta̧nö̧: “Diosmä ucutucu kö̧” pä̧cua̧.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.