San Mateo 8:10 - TÄ̧DO Ä̧CUÄ̧ I̧HUȨNȨ

¹⁰ Jesús ja̧'hua̧nö̧ ä̧ju̧cuo̧mȩnä̧, nö̧'ä̧chö̧ to̧pä̧ri̧nö̧do ja̧u̧ru̧. O'ca'anä chutäcu cue'ächätörö pä'inödo: —Iso päi'önä pä'ösä ucuturu, judíos ttö̧ja̧ttö̧'i̧nä̧ pide esetö'a̧nö̧ esetörömä yoröiso topocö pä'ijösä.

Nuevo Testamento Uwotjüja

¹⁰ Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Mateo 8:10 Iomraidhean Croise

San Mateo 15:28

Ja̧'hua̧ ja̧'a̧ttö̧ Jesús päinäcuado: —Isaju, rö̧ȩnä̧ esetäjujä. Ucu cuesetö ta'anö, cuittiju adiu kö̧'i̧pä̧cua̧ju̧, —pä'inödo. Ja̧'hua̧nö̧ päomenä, kittiju pi̧'i̧nä̧ju̧do.

San Mateo 8:11

Ttö pä'ösä, recuätö judíos huocotö kä̧hua̧ räopa'acuttu'inä, kä̧hua̧ ma̧ä̧cha̧'a̧cu̧ttu̧'i̧nä̧ ttichäcuotö, Dios ö̧jo̧mȩttö̧ Abrahamcu, Isaaccu, Jacobcu ttu̧cuȩ cuäcuähuodänä ttö̧'ö̧jä̧ma̧ pä'ö.

San Mateo 8:9

Ttö'inä churuhuotö huettömä jȩpö̧sä̧. Ja̧'hua̧ta̧nö̧ ku̧nä̧rö̧sä̧ su̧ro̧da̧u̧ru̧ ttö huedä̧u̧ru̧. Ttö ya̧tȩrö̧ “Täi” pädomenä, pädö ta'anö 'chö̧. Ka̧ra̧rö̧ “Ichi” pädomenä, pädö ta'anö ichö. Ja̧'hua̧ta̧nö̧ chu̧mö̧huä̧ya̧rö̧, koro juäi “Jȩpi̧” pädomenä, pädö ta'anö jȩpö̧, —pä'inödo.

San Marcos 6:6

Jahuätö ttesetoca'attö, rö̧ȩnä̧ a̧mö̧cuä̧ri̧nö̧do. Ja̧u̧nu̧ o'ca'a koro ötahuiyära̧'a̧cu̧ tö'cönänö jo̧mȩ huo̧juȩtö̧ 'chi̧nö̧do.

San Lucas 5:20

Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Cha̧hua̧ru̧hua̧, suronä jȩcu̧'i̧nö̧mä̧ jȩpö̧ icusä.

San Lucas 7:50

Ja̧'hua̧nö̧ ja̧'a̧nä̧ Jesús isajuru pä'inödo: —Cuesetäja'attö suronä jȩcu̧'u̧ jȩpö̧ icuäjisä. Jitämä cua̧'cua̧ adiunätä kä̧hui̧.

San Lucas 7:9

Jesús ja̧'hua̧nö̧ ä̧ju̧cuo̧mȩnä̧, eseunu ä̧ju̧cui̧nö̧do ja̧u̧ru̧. Ja̧'hua̧ ja̧'a̧ kärächi'ö pä'inödo ttö̧ja̧rö̧ chutäcu cue'ächätörö: —Iso päi'önä judíos ttö̧ja̧ttö̧'i̧nä̧ pide esetö'a̧nö̧ esetörömä yoröiso topocö pä'ijösä.

Hechos 2:7

Jahuätö to̧pä̧rö̧ ka̧cu̧ pä'inätödo: —O'ca toi'önä ucuocuätömä, ¿Galilea ttö̧ja̧ tä̧ji̧?