San Mateo 7:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ Jesús pä'inödo: —Yotöcunä ttörö pä'ätömä “Chu̧ru̧hua̧, Chu̧ru̧hua̧” do'ächocotö mo̧ro̧jä̧ra̧'a̧. Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧ dottächäcuotö.

Nuevo Testamento Uwotjüja

²¹ O'katoi'ünä̧ chu̧ru̧wa̧, chu̧ru̧wa̧ pätta'anä̧ o'katoi'ünä̧mä̧ mo̧ro̧jä̧ jäwä weomȩmä̧ do'ächokotü ttäkuotü, suro chä'o Dio mo̧ro̧jä̧nä̧ kkü̧ üjü'komȩnä̧ jȩpä̧tü̧tä̧ jä̧kua̧'a̧ do'ächätümä̧.

San Mateo 7:21 Iomraidhean Croise

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

San Mateo 18:10

“Suronä cuamöcuädätucuä' pitö ppo̧'ä̧tö̧rö̧. Ucuturu pä'ösä, pitörö tta̧'ä̧rä̧tö̧ ángelesmä, Chä'o mo̧ro̧jä̧nä̧ kö̧ ä'ca jo̧mȩ ka̧cuä̧tö̧ 'cuäopönä.

San Mateo 18:19

“Ja̧'hua̧ta̧nö̧ pä'ösä ucuturu, ucututtu pi̧jä̧nä̧ ka̧cuä̧tö̧mä̧ ta̧ju̧ ji̧nä̧ yo̧mȩtȩ eseunu Diosrö jäcuhue'ätucuttumä, jäcuhue'ätucumä o'ca juiyönä i̧yä̧cua̧ Chä'o mo̧ro̧jä̧nä̧ kö̧mä̧.

San Mateo 18:3

Ja̧u̧nu̧ o'ca'a jahuätörö pä'inödo: —Iso päi'önä pä'ösä ucuturu, ppo̧'ä̧tö̧ ttamöcuädö'a̧nö̧ pärocuäcutä cuamöcuädätucu juiyöttömä, yoröiso Dios ö̧jo̧mȩ do'ächocotö cuäcuotöjä.

San Mateo 18:35

Ja̧'hua̧ ja̧'a̧ Jesús cä'ädö pä'inödo: —Chä'o mo̧ro̧jä̧nä̧ kö̧ ja̧'hua̧ta̧nö̧ jȩä̧cua̧ ucuturu'inä cu̧jä̧hua̧rö̧ suronä jȩo̧mȩnä̧ cuami iso'quinä eseunu cunichi'ätucu juiyöttömä, —pä'inödo Jesús.

San Mateo 19:24

Pä'äji ta'anö pä'ösä järe ruhuotö Dios ö̧jo̧mȩ 'chä̧cuä̧huä̧nä̧, camello pä̧rä̧ta̧ri̧ isäjunä 'cuäo'a pä'ö jȩo̧mȩttö̧'i̧nä̧ abonänö 'quiya'a.

San Mateo 25:10

U̧ni̧chä̧rö̧ ka̧cui̧nä̧tö̧mä̧ lámpara isoya ȩmö̧ tti̧'cho̧mȩnä̧, irecuarö ȩmö̧mä̧ ichinödo. A̧mö̧cuä̧rö̧nö̧ ka̧cui̧nä̧tö̧mä̧ ja̧u̧cu̧ do'ächinätö irecuarö ȩma̧ pä'ö. Dottächomenä, äpate mö̧ȩcuä̧chi̧na̧'a̧do.

San Mateo 25:21

Ja̧u̧ ru̧hua̧ pä'inödo: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

San Mateo 26:39

Ja̧u̧nu̧ o'ca'a Jesús yabonänö 'chä̧nö̧, ö'ä rȩjȩcu̧ ja̧rȩyu̧nu̧ pä'i'ö Diosrö ucuocuinödo. Pä'inödo: —Ttö Chä'o, ucuru pä̧huä̧ rö̧jö̧ttö̧mä̧ pi̧yȩmä̧ ttö ubara ttudä̧cuȩmä̧ ubara ttudu juiya pä'ittö. Ja̧'hua̧ta̧nö̧ ja̧'a̧nä̧ ucuru pä̧huä̧ rö̧jö̧tä̧ jȩpi̧, ttörö pä̧huä̧ rö̧jö̧mä̧cö̧.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Marcos 3:35

O'ca toi'önä Diosrö pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Marcos 9:47

Ja̧'hua̧ta̧nö̧ cu'äre suronä jȩcu̧'a̧ pä'ö hueöttömä, baropö icui. Iso päi'önä cu'äre torere ka̧'a̧nä̧, ocurära̧'a̧ cui̧'cha̧'a̧ttö̧'i̧nä̧ abonänö adihua'ado Dios Ttu̧ru̧hua̧ päi'önä ö̧jo̧mȩ doächäcuähuänä cu'äre jiretetä ka̧'a̧ 'chä̧cuä̧huä̧nä̧.

San Lucas 11:28

Ja̧'hua̧nö̧ päjiyäcu pä'inödo: —Jahuäjuttu'inä abonänö eseunu ttö̧ja̧cuä̧cuo̧tö̧ Dios i̧huȩnȩ ä̧ju̧cu̧ päö ta'anö jȩpä̧tö̧mä̧.

San Lucas 13:25

Isode u̧ru̧hua̧ ä̧rä̧mi̧'ö̧ 'chä̧hui̧'ö̧, äpate ppe'tädö icu o'ca'a, ucutu u̧mi̧nä̧ ka̧cuä̧tö̧ äpatenä cuä'ö kä̧nö̧ päcuhuäcuotöjä: “Tu̧ru̧hua̧, ba'epitö.” Ja̧'hua̧nö̧ ja̧'a̧nä̧ ja̧u̧ ä̧dä̧tä̧cua̧: “Ucutu cuichätucua'a jȩru̧pa̧sä̧.”

San Lucas 18:25

Iso päi'önä järe ruhuotö Dios ö̧jo̧mȩ 'chä̧cuä̧huä̧nä̧, camello pä̧rä̧ta̧ri̧ isäjunä 'cuäo'a pä'ö jȩo̧mȩttö̧'i̧nä̧ abonänö 'quiya'a.

San Lucas 6:46

“¿Tta̧'a̧nö̧ pä'ö päcuhuätucuättö ucutumä ttörö, “Chu̧ru̧hua̧, Chu̧ru̧hua̧,” pädö ta'anö jȩcu̧'ä̧tu̧cuo̧ca̧'a̧nä̧?

San Juan 14:7

Ttörö cu̧huo̧juä̧tu̧cu̧ttu̧mä̧, Chä'orö'inä huo̧jua̧ja̧tö̧jä̧. Jitä mo̧ro̧ päi'önä ja̧u̧ru̧ tocu'ätucua'attö, huo̧juä̧tö̧jä̧ ja̧u̧ru̧.

San Juan 15:23

Ttörö kö'cocotömä, Chä'orö'inä kö'cocotödo.

San Juan 3:5

Ja̧'hua̧ ja̧'a̧ Jesús ädätinäcudo: —Iso päi'önä pä'ösä ucuru, ya̧tȩ ajiyattö'inä, Espíritu Santottö'inä uhuäpächocömä, Dios ö̧jo̧mȩcu̧ yoröiso do'ächocö jä̧cua̧.

San Juan 5:17

Ja̧'hua̧ ja̧'a̧ttö̧ Jesús pä'inödo jahuätörö: —Ttö Chä'o jitä mo̧ro̧ päi'önä aditö. Ttö'inä jitä aditösä.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.

Efesios 6:6

Cristo i̧huȩnȩ aditätö, Diosrö pä̧huä̧ rö̧jö̧ ttaditö'a̧nö̧, cuami iso'quitucunä adiu aditätucui. Cu̧ru̧hua̧tu̧cu̧ ucuturu topö esehua pä'ö tomenätämä cuaditätucuä'.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

1 Tesalonicenses 4:3

Dios pä̧huä̧ rö̧jä̧cu̧ surojö juiyönä, adiu jȩpö̧ cu̧ja̧cuä̧tu̧cua̧ pä'ö. Cuirecua pocojucu suronä jȩcu̧'ä̧tu̧cuä̧'.

1 Tesalonicenses 5:18

O'ca juiyönä eseunu ucuocuätucui Diosrö. Ja̧'hua̧nö̧ jȩcu̧'ä̧tu̧cuo̧mȩnä̧, Cristo Jesúsru cuesetätucua'attö, Diosrö pä̧huä̧ rö̧jö̧mä̧ jȩpä̧tö̧jä̧.

Tito 1:16

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Hebreos 4:6

Ja̧'hua̧nö̧ ja̧'a̧nä̧ korotö'inä dottächäcuotödo 'cuä'ächi'ö ttö̧ja̧cuo̧mȩ. Äcuomenä ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧mä̧, dodepocotö pi̧nä̧tö̧do, ttesetoca'a ji̧na̧'a̧ttö̧.

Santiago 1:22

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

1 Pedro 2:15

Adiunä cu̧ja̧cuä̧tu̧cua̧ pä'ödo Diosmä, jerupö ucuocuätö juhua'a yabonö ttucuocu juiya pä'ö.

Apocalipsis 2:27

Chä'o ttörö iyinö'a̧nö̧, chi̧yä̧cua̧sä̧ jahuätörö. Koro juäi cuo̧rä̧ujä̧ chu̧'ä̧rö̧ huetta'a jä̧'i̧nö̧'a̧nö̧, huettäcuotö pi̧jä̧ ttö̧ja̧rö̧. Koro juäi redä'cattö adicua'a 'te'chäu tticu'a̧nö̧ 'te'chäu tticuäcuotö pi̧jä̧ ttö̧ja̧rö̧.

Apocalipsis 22:14

Ttö̧'ca̧tä̧huä̧ta̧ töcätömä, dau kä̧cuä̧huä̧ i'co dauttu ttȩma̧ pä'ö, eseunu ttö̧ja̧cuä̧cuo̧tö̧. Ja̧'hua̧nö̧ jȩpö̧ ötahuiyä äpatiyänä dottächäcuotö.

Apocalipsis 3:5

O'ca toi'önä pi̧jä̧ttö̧'i̧nä̧ abonänö juruhuätömä ttö̧'ca̧tä̧huä̧ti̧yu̧ teönä ttö̧'ca̧tä̧huä̧cuo̧tö̧. Kä̧cuä̧huä̧ i'co cuyäru'tänä tti̧mi̧ pa̧'a̧mä̧ yoröiso jȩpö̧ icuocösä. Chä'o ä'ca jo̧mȩttö̧'i̧nä̧, ángeles ttä'ca jo̧mȩttö̧'i̧nä̧ jahuätörö ucuocu chȩsȩhuä̧cua̧sä̧.