San Mateo 6:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja.

Nuevo Testamento Uwotjüja

⁹ Ja̧'wa̧nü̧ ja̧'a̧ttü̧ Dio-rümä̧ pa̧'a̧nü̧ kukuokuätukuajä̧: Tä'o Dio ukú, mo̧ro̧jä̧nä̧ kkü̧, kui̧mi̧mä̧ ukuo kkü̧nä̧tä̧ juoächa pä'ätüjä̧,

San Mateo 6:9 Iomraidhean Croise

San Mateo 10:29

“Iso päi'önä ¿ppi̧yu̧ru̧mä̧ ta̧ju̧ru̧ pärätä̧bi̧ ji̧bi̧tȩtä̧ iyähuoca'a tä̧ji̧? Ja̧'hua̧ta̧nö̧ ja̧'a̧nä̧ ppiyuhuä ya̧tȩtä̧'i̧nä̧, Cuä'o Diosrö pä̧huä̧ rö̧jo̧mȩnä̧tä̧ ma̧'ö̧ rȩjȩcu̧.

San Mateo 23:9

Pi̧jä̧nä̧ ka̧cuä̧tö̧rö̧ “Chä'o” päcuhuätucuä'. Ya̧tȩrö̧tä̧ Cuä'o mo̧ro̧jä̧nä̧ kö̧rö̧tä̧ ku̧nä̧rä̧tö̧jä̧.

San Mateo 26:29

Ja̧'hua̧nö̧ ja̧'a̧nä̧ ucuturu pä'ösä, pä'äji ta'anö pi̧yȩ juäi uva isoya ahuocösä, Chä'o Dios ö̧jo̧mȩttö̧ ucutucu jareoya chahuome jubö päi'önä, —pä'inödo Jesús.

San Mateo 26:42

Todärenä päi'önä ucuocu 'chi̧nö̧do. Pä'inödo: —Ttö Chä'o, ttö ubara ttudä̧cuȩmä̧ ubara ttudu juiya pä̧huä̧ juiyöttömä, ucurutä pä̧huä̧ rö̧jo̧mȩnä̧ jȩpi̧.

San Mateo 5:16

Ja̧'hua̧ta̧nö̧ ucutu'inä, lámpara adiu tȩa̧u̧'a̧nö̧, adiu ka̧cuä̧tu̧cui̧ o'ca toi'önä ttä'ca jo̧mȩttö̧, ucutu adiu jȩcu̧'ä̧tu̧cua̧'a̧ topö, Cuä'o Diosrö, mo̧ro̧jä̧ra̧'a̧ kö̧rö̧ ttesetäcua'a̧nö̧, —huo̧juȩti̧nö̧do Jesús.

San Mateo 5:48

Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

San Mateo 6:14

“Iso päi'önä korotö ucuturu suronä jȩtto̧mȩnä̧ cunichi'ätucuttumä, Cuä'o Dios mo̧ro̧jä̧nä̧ kö̧ ucutu suronä jȩcu̧'ä̧tu̧cu̧'i̧nä̧ u̧ni̧chi̧'ä̧cua̧.

San Mateo 6:6

Ja̧'hua̧nö̧ ja̧'a̧ttö̧ ucutu cucuocuätucuomenä, cuojusodenä do'ächö äpate mö̧'ȩpä̧tu̧cui̧. Cuä'o Diosrötä ucutucu kö̧rö̧ ucuocuätucui. Ja̧'hua̧nö̧ ja̧'a̧ttö̧ Cuä'omä, o'ca juiyönä jȩcu̧'u̧ topömä, adihuä juäi i̧yä̧cua̧jä̧.

San Mateo 7:11

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, adihuä juäi i̧yä̧cua̧ churutä jä'epätörömä.

San Lucas 15:18

Ä̧rä̧mi̧'ö̧ chä'o ö̧ja̧'a̧ ppa̧dä̧cha̧ja̧. Jidähuaröjä: Chä'o, suronä jȩpä̧ji̧sä̧ Diosrö'inä, ucuru'inä.

San Lucas 15:21

Ja̧'hua̧nö̧ ja̧'a̧ i̧tti̧ pä'inödo: “Chä'o, suronä jȩpä̧ji̧sä̧ Diosrö'inä, ucuru'inä. Täcö cui̧tti̧sä̧ pädäu juiyö'a̧nö̧ jä̧cu̧sä̧.”

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Juan 20:17

Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

1 Timoteo 6:16

Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

1 Pedro 1:17

Diosrö, “Chä'o Dios” päcuhuätucuttumä, pi̧jä̧nä̧ cu̧ja̧cuä̧tu̧cuo̧mȩnä̧, ye'ecunänö amöcuädätucui Diosrö. Ja̧u̧tä̧ o'ca toi'önärö yoräteunä pä'ö.

Apocalipsis 4:11

Tu̧ru̧hua̧, Tä̧do̧ ä̧cua̧ Dios, ucumä adihuä i̧sa̧jä̧. Ucuru ttesehuäcua'a̧nö̧. Ucuru ttucuotäcua'a̧nö̧. Ucuru ttujuru ttiyäcua'a̧nö̧. Ucumä o'ca juiyönä aditinöjä. Ucurutä pä̧huä̧ rö̧jo̧mȩnä̧, o'ca juiyönä ka̧cua̧'a̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧, o'ca juiyönä aditinöjä.

Apocalipsis 5:12

Jahuätömä tti̧huȩnȩnä̧ pä̧i̧cu̧nä̧ pä'inätö: Chutä Cordero, sacrificio jȩtti̧nä̧cu̧mä̧, iso päi'önä hueähuä'inä, adihuä juäi'inä, huo̧juä̧huä̧'i̧nä̧, ujuru'inä ȩmö̧'a̧nö̧ hua̧. Ja̧u̧ru̧ ttucuotö'a̧nö̧ ja̧'a̧. Ja̧'hua̧ta̧nö̧ ja̧u̧ru̧ o'ca juiyönä eseunu ttucuocu'a̧nö̧ ja̧'a̧.