San Mateo 6:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ ucutu cucuocuätucuomenä, cuojusodenä do'ächö äpate mö̧'ȩpä̧tu̧cui̧. Cuä'o Diosrötä ucutucu kö̧rö̧ ucuocuätucui. Ja̧'hua̧nö̧ ja̧'a̧ttö̧ Cuä'omä, o'ca juiyönä jȩcu̧'u̧ topömä, adihuä juäi i̧yä̧cua̧jä̧.

Nuevo Testamento Uwotjüja

⁶ Ja̧'wa̧nü̧ ja̧'a̧nä̧, uku Dio-rü kukuokuomȩnä̧mä̧, do'ächi'ü kuo̧ju̧so̧ka̧ äpate mü̧'ȩku̧ ikuipü'ka̧ jua̧u̧ru̧ yä̧wo̧mȩ kkü̧rü̧, yä̧wä̧i̧nä̧ ukuokui. Ja̧'wa̧nü̧ kukuokuomȩnä̧, Kuä'o Dio yä̧wä̧i̧nä̧ jü̧'i̧nä̧ topü ja̧'a̧ttü̧ premio pättümä̧ i̧yä̧kua̧jä̧.

San Mateo 6:6 Iomraidhean Croise

San Mateo 14:23

Ttö̧ja̧rö̧ röji jiähuäji o'ca'a, möä'cara̧'a̧ katä huä̧mi̧pi̧nö̧do Diosrö ucuocua pä'ö. Ni̧pä̧cho̧mȩnä̧, Jesús katä ki̧nö̧do möä'canä.

San Mateo 6:4

Ja̧'hua̧nö̧ jȩcu̧'u̧ttu̧mä̧, Cuä'omä o'ca juiyönä jȩcu̧'u̧ topömä, adihuä juäi i̧yä̧cua̧jä̧.

San Juan 1:48

Ja̧'hua̧nö̧ päomenä, Natanael jä'epinödo: —¿Tta̧'a̧nö̧ cu̧huo̧jua̧'a̧jä̧ttö̧ ttörömä? Jesús pä'inödo: —Felipe ucuru oipäji ä'canä, higuera dau kada'ca cu̧jo̧mȩnä̧, topäjisä ucuru.

San Juan 20:17

Jesús pä'inödo jahuäjuru: —Cä'ädö icuittö. Chä'o ö̧ja̧'a̧ ji̧nä̧ cä'ecuächocösä. Ja̧'hua̧nö̧ ja̧'a̧nä̧ chö̧jä̧hua̧tö̧rö̧ ji'ähuäji ttö Chä'o'inä, ucutu Cuä'otucu'inä ö̧ja̧'a̧ cä̧dȩcuä̧chä̧cua̧sä̧. Ja̧'hua̧ta̧nö̧ ttö Chä̧do̧ ä̧cua̧ Dios'inä, ucutu Cuä̧do̧ ä̧cua̧ Dios'inä ö̧ja̧'a̧ cä̧dȩcuä̧chä̧cua̧sä̧.

Hechos 10:30

Ja̧'hua̧nö̧ jäepomenä, Cornelio pä'inödo: —Ni̧pä̧ro̧mȩcu̧ päi'a'a chu̧cuȩ chucuoca'a chojusodenä chö̧ja̧'a̧ Diosrö chucuocuomenä, ya̧tȩ ö̧'ca̧tä̧huä̧ta̧ säruhuä̧ta̧ 'ca̧tä̧u̧ru̧ chä'ca jo̧mȩ ö̧jä̧mä̧da̧'a̧ topäjisä. Ja̧u̧ru̧ tochäja'attömä pa̧ja̧cuä̧nö̧ mo̧ro̧ ja̧'a̧.

Hechos 10:9

Cornelio umöhuäyotörö hueäji o'ca'a koro mo̧ro̧ tti̧'cho̧mȩnä̧ Jope ötahuiyära̧'a̧ ttötö'cöhuächi'a'a, Pedro isode ju'tä adiu pämärächi'ome 'cha'ächächinödo, Diosrö ucuocua pä'ö kä̧hua̧ jueö ö̧ja̧'a̧.

Hechos 9:40

Pedro o'ca toi'önärö hue'inödo u̧mi̧ rättopächa pä'ö. Ihue'quiyunä kä̧mä̧dö̧ Diosrö ucuocuinödo. Ucuocuäji'ca̧, 'corupä'i'äjäjuru topö, pä'inödo: —Tabita, ä̧rä̧mi̧'i̧. Ja̧'hua̧nö̧ päomenä, kö'äre ye'ädö Pedrorö topinäjudo. Ä̧rä̧mi̧'ö̧ pä̧mä̧di̧nä̧ju̧do.

Romanos 8:5

Ttidepä hueönätä ka̧cuä̧tö̧mä̧, ttidepä jähuä amöcuädätö. Ja̧'hua̧nö̧ ja̧'a̧nä̧ Espíritu Santo hueönätä ka̧cuä̧tö̧mä̧, Espíritu Santo jähuä amöcuädätö.

Efesios 3:14

Ja̧'hua̧nö̧ ja̧'a̧ttö̧ chihue'quiyunä kä̧mä̧dö̧ ucuocusä Tu̧ru̧hua̧ Jesucristo Jä'o Dios ä'ca jo̧mȩttö̧.