San Mateo 6:2 - TÄ̧DO Ä̧CUÄ̧ I̧HUȨNȨ

² Ja̧'hua̧nö̧ ja̧'a̧ttö̧ korotö jui'ätörö ppäcuhuädomenä, o'ca toi'önärö jicuhuähuä', korotömä judíos ttu̧huo̧jui̧'i̧nodehuiyättö'inä, ötahuiyättö'inä amönä jȩttö̧'a̧nö̧. Jahuätömä ja̧'hua̧nö̧ jȩpä̧tö̧do pi̧jä̧ ttö̧ja̧ adiu ttucuocuatö pä'ö. Iso päi'önä pä'ösä ucuturu, täcö ȩmä̧tö̧do jȩttö̧ micuä.

Nuevo Testamento Uwotjüja

² Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

San Mateo 6:2 Iomraidhean Croise

San Mateo 15:7

¡Yapareu ttö̧ja̧jä̧! Dios i̧huȩnȩ jiäcuähuä i̧sa̧ Isaías adiu pä'inödo ucuturu. Ja̧u̧ pa̧'a̧nö̧ huȩyu̧ti̧nö̧do:

San Mateo 16:3

Ja̧'hua̧ta̧nö̧ mo̧ro̧ juomenä, mo̧ro̧jä̧ra̧'a̧ topö pä'ätöjä: “Mo̧ro̧jä̧mä̧ tuhua'a. Ajiya isoppa'inä ra̧'a̧. Jitä mo̧ro̧ ajiya ichäcua'a.” ¡Yapareu ttö̧ja̧jä̧! Mo̧ro̧jä̧ra̧'a̧ topö huo̧juä̧tö̧jä̧ ajiya ichä̧cuȩmä̧. Ja̧'hua̧nö̧ ja̧'a̧nä̧ jitämä pi̧jä̧nä̧ 'cuäopömä yoröiso jerupätöjä.

San Mateo 22:18

Ja̧'hua̧nö̧ pätta'a Jesús huo̧jui̧nö̧do yapareu ttamöcuäda'a. Pä'inödo: —¡Yapareu ttö̧ja̧jä̧! ¿Dä̧bö̧ ttörö ka̧cuä̧mö̧ jäcuhue'ätucuättö?

San Mateo 23:5

Korotö ttö̧ja̧ ttesehuatö pä'ö jȩpä̧tö̧do. Ttö'änä'inä, ttöjohuiyänä'inä Huȩyu̧cuä̧ Huȩnȩ korotöttö'inä abonänö rö̧ä̧ö̧ juäi nö'cäu jȩpä̧tö̧do, ttö̧ja̧ tottatö pä'ö. Ttö̧'ca̧tä̧huä̧ti̧yu̧'i̧nä̧ korotö ttö̧'ca̧tä̧huä̧ti̧yu̧ttu̧'i̧nä̧ abonänö otoä̧ta̧ 'ca̧tä̧huä̧tö̧.

San Mateo 23:6

Jahuätömä ttu̧cuȩ ttucuomettö'inä, judíos ttu̧huo̧jui̧'i̧nodehuiyättö'inä korotöttö'inä abonänö adihuäcänä ttö̧'ä̧mä̧da̧ pä'ätödo.

San Mateo 24:51

Ja̧u̧ru̧, ippeyä ru̧hua̧ u̧mö̧huä̧ya̧rö̧, pä̧i̧cu̧nä̧ ro̧'ȩpö̧ ö̧tä̧bo̧tä̧cua̧. Korotö yapareu ttö̧ja̧ ttö̧ja̧cuo̧mȩcu̧ huȩä̧cua̧ ja̧u̧ru̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧, —pä'ö huo̧juȩti̧nö̧do Jesús.

San Mateo 5:18

Iso päi'önä pä'ösä ucuturu, pi̧jä̧'i̧nä̧, mo̧ro̧jä̧'i̧nä̧ beipächa'anä, hueähuä huȩnȩ ji̧'qui̧cha̧nö̧'i̧nä̧ beipächocödo. O'ca juiyönä päömä 'cuäopäcua'a.

San Mateo 6:16

Juhua'a yabonö huo̧juȩti̧nö̧do Jesús: —Ucutumä cu̧cuȩ cucuätucuoca'a a̧do̧chö̧ jȩcu̧'ä̧tu̧cuo̧mȩnä̧, korotömä tta̧'cua̧ tta̧'ȩcu̧ amönä jȩttö̧'a̧nö̧ jȩcu̧'ä̧tu̧cuä̧'. Jahuätömä amönä jȩpä̧tö̧do korotö totta pä'ö ttu̧cuȩ ttucuoca'a tta̧do̧cha̧'a̧. Iso päi'önä pä'ösä ucuturu, ja̧'hua̧nö̧ jȩpö̧ ttö̧ja̧ jahuätörö tottomenä, täcö tta̧do̧chö̧ micuä ȩmä̧tö̧do.

San Mateo 6:3

Iso päi'önä jui'ätörö ppäcuhuädomenä, cua̧hua̧ru̧hua̧'i̧nä̧ ieruhuomenä jȩpi̧ 'corunätä.

San Mateo 6:5

“Ja̧'hua̧ta̧nö̧ Diosrö cucuocuätucuomenä, korotö amönä judíos ttu̧huo̧jui̧'i̧nodettö'inä, ötahuiyättö'inä ttö̧ja̧ jahuätörö tottatö pä'ö jȩttö̧'a̧nö̧, jȩcu̧'ä̧tu̧cuä̧'. Iso päi'önä pä'ösä ucuturu, ja̧'hua̧nö̧ jȩtto̧mȩnä̧, ttö̧ja̧ jahuätörö tottomenä, ja̧u̧nu̧tä̧ ȩmä̧tö̧ ttucuocuäji micuä.

San Mateo 7:5

¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

San Marcos 12:39

Jahuätömä judíos ttu̧huo̧jui̧'i̧nodehuiyättö'inä, ttu̧cuȩ ttucuomettö'inä, korotöttö'inä abonänö adihuä̧cä̧nä̧ ttö̧'ä̧mä̧da̧ pä'ätödo.

San Marcos 7:6

Jesús ädätinä̧u̧do: —Dios i̧huȩnȩ jiäcuähuä i̧sa̧ Isaías ucuturu, yapareu ttö̧ja̧rö̧, adiu pä'inödo. Ja̧u̧ pa̧'a̧nö̧ huȩyu̧ti̧nö̧do: Pitö ttö̧ja̧ ttä ä'cattötä esetätö ttörö. Ttami iso'quimä otohuotö ttörö.

San Lucas 11:41

Ja̧'hua̧nö̧ ja̧'a̧nä̧ ucutu rettö ppädäcuähuätä cu̧ju̧nä̧rä̧tu̧cu̧tä̧ iyätucui. Ja̧'hua̧nö̧ jȩcu̧'ä̧tu̧cuo̧mȩnä̧, o'ca juiyönä jacuänä'inä, huämenä'inä töcähua'a jä̧'i̧nö̧'a̧nö̧ jä̧cua̧'a̧.

San Lucas 11:43

“Fariseos huotö, suronä 'cuäopäcua'a ucuturu. Judíos ttu̧huo̧jui̧'i̧nodehuiyättö, korotöttö'inä abonänö adihuä̧cä̧nä̧ cu̧'ä̧mä̧dä̧tu̧cua̧ pä'ätöjä. Ja̧'hua̧ta̧nö̧ ötahuiyänä cuecuhuächätucuomenä, ucuotönö tettähuätucuacu pä'ätöjä.

San Lucas 12:33

Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

San Lucas 12:56

¡Yapareu ttö̧ja̧jä̧! Ucutu huo̧juä̧tö̧jä̧ 'cuäopä̧cuȩmä̧ mo̧ro̧jä̧ttö̧'i̧nä̧, pi̧jä̧ttö̧'i̧nä̧ 'cuäopö topö. Ja̧'hua̧nö̧ ja̧'a̧ttö̧, ¿dä̧bö̧ huo̧juä̧chi̧'o̧co̧tö̧jä̧ ucutu cu̧jä̧tu̧cu̧ pä̧nä̧ 'cuäopömä?

San Lucas 13:15

Ja̧'hua̧nö̧ ja̧'a̧ Tu̧ru̧hua̧ ädätinödo: —¡Ucutu yapareu ttö̧ja̧jä̧! ¿Ja̧'a̧tä̧ ucututtu cuäji päcäyärö, ja̧'hua̧nö̧ jo̧co̧mȩnä̧mä̧ cuäji caballorö, ttö̧ja̧ 'cuättächi'ö mo̧ro̧mä̧ ejädocotöjä tä̧ji̧, ajiya ahua pä'ö cuȩpä̧tu̧cua̧ pä'ömä?

San Lucas 20:46

—Hueähuä huȩnȩ huo̧juȩtä̧tö̧rö̧ ttu̧ȩcuä̧nä̧ ka̧cuä̧tu̧cui̧. Jahuätö ttö̧'ca̧tä̧huä̧ta̧ o̧to̧ä̧ta̧ ra̧'a̧nä̧ cuettächa pä̧huä̧ rö̧jä̧u̧. Ja̧'hua̧ta̧nö̧ plazattö o'ca toi'önä ucuotönö tettähuatö pä'ätö. Judíos ttu̧huo̧jui̧'i̧nodehuiyättö'inä, ttu̧cuȩ ttucuomettö'inä korotöttö'inä abonänö adihuä̧cä̧nä̧ ttö̧'ä̧mä̧da̧ pä'ätödo.

San Lucas 6:24

“Ja̧'hua̧nö̧ ja̧'a̧nä̧ ucuturu suronä 'cuäopäcua'a, järe ruhuotö. Ucutumä täcö esehuinätöjä.

San Lucas 6:42

Ja̧'hua̧ta̧nö̧ ¿tta̧'a̧nö̧ pä'ö päcuhuättö cu̧jä̧hua̧rö̧: “Chö̧jä̧hua̧, cu'ärenä ȩcö̧ ȩmö̧ chicuacu”, ucutä cu'ärenä ȩcä̧i̧ cu̧huo̧juä̧chi̧'o̧ca̧'a̧mä̧? ¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

San Juan 13:29

Chutä Judas, ttöäre pärätä tta̧huä̧ra̧'a̧ttö̧: “Koro juäi fiesta jȩttä̧cua̧'a̧ juäi ȩma̧ pä'ö pä'äjicö̧”, amöcuädinätödo. Ja̧'hua̧ta̧nö̧: “Koro juäi ȩmö̧ usurä isotörö iya pä'öcö̧”, amöcuädinätödo.

San Juan 5:41

“Pi̧jä̧ ttö̧ja̧ ttörö adiunä ttucuocua pä'ö pä'ocösä.

San Juan 5:44

Ucutu pi̧jä̧ ttö̧ja̧ ttucuocutä usu, Dios chu ä̧cua̧tä̧ i̧huȩnȩ cusätucuoca'anä, ¿tta̧'a̧nö̧ pä'ö cuesetätucua'ajä̧ttö̧?

San Juan 7:18

Ya̧tȩ chutä amönä amöcuädäu ucuocuttumä, ttö̧ja̧ ja̧u̧ru̧ ttucuotarö pä'ö ucuocu. Ja̧'hua̧nö̧ ja̧'a̧nä̧ ya̧tȩ ja̧u̧ru̧ hue'inörö ttö̧ja̧ ttucuotarö päöttömä, ja̧u̧ iso päi'önä huȩnȩ ji'äu. Ja̧u̧mä̧ yapareu yoröiso ucuocuocö.

Hechos 10:2

Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Hechos 10:31

Ja̧u̧ pä'äji ttörö: “Ucu Cuä̧do̧ ä̧cua̧rö̧ cucuocua'a eseunu ä̧ju̧cuä̧ji̧ Diosmä. Usurä isotörö ppäcuhuädinömä eseunu amöcuädäji, Cornelio.

Hechos 10:4

Cornelio ángelrö ye'ö to̧pä̧rö̧ ki̧nö̧do. Pä'inödo: —¿Däjejä̧ttö̧, Chu̧ru̧hua̧? Angel pä'inödo: —Diosmä churutä cucuocua'attö eseunu ä̧ju̧cui̧nö̧. Usurä isotörö ppäcuhuädinömä eseunu topinö.

Hechos 11:29

Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

Hechos 24:17

“Jitämä recuo a̧'ȩ kara'a cue'ächö i̧huä̧ji̧'ca̧, pärätä chi'cächäjimä chiya pä'ö, chahuaruhuä jui'ätörö, ja̧'hua̧ta̧nö̧ ofrendas'inä chiya pä'ö pä'äji ta'anö Jerusalén ötahuiyära̧'a̧ ppa̧'ä̧chä̧ji̧sä̧.

Hechos 9:36

Ja̧'hua̧nö̧ ja̧'a̧ Jope ötahuiyänä ki̧nä̧ju̧do yajute Jesucristorö esetäju, Tabita pä'ö micuaju. Jahuätö tti̧huȩnȩ päa'a Tabita, griegos ttö̧ja̧ tti̧huȩnȩ päa'a Dorcas. Jahuäju adiu jȩpö̧, usurä isotörö ppä'ädö ki̧nä̧ju̧do.

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

1 Corintios 13:3

Ja̧'hua̧ta̧nö̧ o'ca juiyönä chu̧ju̧nä̧rö̧ chiyöttömä, o'ca toi'önärö repedoca'anä, yoröiso micuähuocö ttörö. Juhuorö'inä ttötä jä̧ttä̧pä̧ya̧'i̧nä̧ chiyöttömä ku tticua pä'ö ocuränä, o'ca toi'önärö repedoca'anä, yoröiso micuähuocö ttörö.

Gálatas 2:10

Jahuätö hue'inätö ujuturu usurä isotörö adiu ppätäda pä'ö. Iso päi'önä ja̧u̧mä̧ 'cuäopönä jȩpi̧'ä̧ji̧nö̧sä̧.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

1 Tesalonicenses 2:6

Ucutu'inä, korotö'inä ttucuotatö pä'ömä ji'ähuocotö pi̧nä̧tö̧jä̧. Ujutumä Cristo hue'ähuotö tö̧ja̧cua̧'a̧ttö̧, tamönä pä̧huä̧ rö̧jö̧ jȩtö̧ttö̧mä̧ hue'ajatöjä ja̧'hua̧nö̧ ttucuotatö pä'ö.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Filemón 1:7

Ucu korotörö repecuhua'a ä̧ju̧cu̧, rö̧ȩnä̧ eseunu amöcuädösä. Ucu, chö̧jä̧hua̧, Jesucristorö esetätörö ttami iso'quinä eseunu ttamöcuäda pä'ö ppä'ädinöjä.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

1 Pedro 4:11

Ya̧tȩ ucuocuttumä, Dios i̧huȩnȩ päö ta'anö ucuocu'a̧nö̧ ja̧'a̧. Ya̧tȩ ka̧ra̧rö̧ ppädöttömä, Dios ujuru iyömä ppä'ädö aditö'a̧nö̧ ja̧'a̧. O'ca juiyönä jȩcu̧'ä̧tu̧cuo̧mȩnä̧, Jesucristo i̧mi̧nä̧ jȩpö̧, Diosrö esehuäcuähuätucui. 'Cuäopönä Diosrö ttesehuäcuähuäcua'a̧nö̧. Ja̧'hua̧ta̧nö̧ 'cuäopönä Dios ujuruhuäcua'a̧nö̧. Amén.