San Mateo 4:6 - TÄ̧DO Ä̧CUÄ̧ I̧HUȨNȨ

⁶ Juhua'attö ähuettä pä'inödo Jesúsru: —Iso päi'önä Dios I̧tti̧ cu'uttumä, ja̧'a̧tä̧ tö'i. Huȩyu̧cuä̧ Huȩnȩ päa'a: Dios huȩä̧cua̧ ángelesrö tta̧ttä̧ra̧ pä'ö ucuru. Ttu̧mö̧nä̧ cättepäcuotö ucuru, cu̧jä̧pö̧nä̧ ido'quittö tocuhue'ö juiyönä, —pä'inödo.

Nuevo Testamento Uwotjüja

⁶ päinä̧ku̧: —Isopäi'ünä̧, Dio I̧tti̧ kuttümä̧ rȩjȩku̧ tü'ächi; wȩyu̧kuä̧ wȩnȩmä̧ pä'ija'a: «Dio-mä̧ umüwäyotü á̧gȩrȩ-rü wȩä̧kua̧ 'chuttädaku pä'ü, i̧nä̧wänä̧ ppekuokuächü juiyünä̧.»

San Mateo 4:6 Iomraidhean Croise

San Mateo 4:4

Ja̧'hua̧nö̧ päiyäcu Jesús ädätinödo: —Huȩyu̧cuä̧ Huȩnȩ päa'a: “Ji̧yȩä̧cuȩtä̧, i̧ri̧si̧tä̧ cuä̧nö̧ ko̧co̧tö̧do ttö̧ja̧mä̧. O'ca juiyönä Dios päömä jȩpö̧ ttö̧ja̧cuä̧cuo̧tö̧.”

2 Corintios 11:14

Ja̧'hua̧nö̧ pädomenä, koro koronö cuamöcuädätucuä'. Chutä Satanás'inä, adihuä isotö ángeles, tȩa̧u̧nä̧ cue'ächätö cuettächa'a jä̧'i̧nö̧'a̧nö̧ cue'ächö.

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.