San Mateo 4:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ttö̧ Jesús päinä̧u̧do: —Ttöcu ichätucui chu̧huo̧juȩtä̧tu̧cua̧cu̧ ttö̧ja̧rö̧ 'chocuhui'ätucua, —päinä̧u̧do.

Nuevo Testamento Uwotjüja

¹⁹ Jesú juätürü pä'inü̧: —Ttüku ichätukui, ttü̧ja̧rü̧ ȩmä̧wä̧ isotü jü̧nä̧tä̧ juodepätukuaku.

San Mateo 4:19 Iomraidhean Croise

San Mateo 16:24

Ja̧'hua̧nö̧ ja̧'a̧ttö̧ Jesús pä'inödo u̧huo̧juȩtä̧u̧ru̧: —Ya̧tȩ ttöcu cueächa pä'ömä, chutä amöcuädö jaropi'ö, ttö huedömä jȩpö̧, ubara ttuttu'inä, ttöcu cuȩä̧chä̧cua̧.

San Mateo 19:21

Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.

San Mateo 4:18

Jesús Galilea dubora jäyora cueächomenä, u̧mä̧tö̧ ta̧ju̧ru̧ po̧cui̧pi̧nö̧do. Ya̧tȩ Simón pä'ö mi̧cui̧nö̧do. Ja̧'hua̧ta̧nö̧ koro i̧mi̧mä̧ Pedro mi̧cui̧nö̧do. Ja̧u̧ ö̧jä̧hua̧mä̧ Andrés pä'ö mi̧cui̧nö̧do. Jahuätö po̧i̧ 'cho'ätö pi̧nä̧tö̧do. Ttöäre ma'ayä tticua'a topinödo Jesúsmä.

San Mateo 4:20

Yotäcu ttöäre ma'ayä jaropi'ö, chutäcu 'chi̧nä̧tö̧do.

San Mateo 8:22

Ja̧'hua̧ ja̧'a̧ Jesús ädätinäcudo: —Ttöcu ichi. 'Corupä'i'ätö a̧'cua̧rä̧tö̧ ttuhuapiyä ttu'turäcuotö.

San Mateo 9:9

Jesús juhua'attö rä'opächinödo. Ju̧huȩnȩ yabonänö ya̧tȩ Mateo pä'ö mi̧cua̧rö̧ topinödo. Ja̧u̧ Mateomä, ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Mateo ä̧rä̧mi̧'ö̧ 'chi̧nö̧do Jesúscu.

San Marcos 2:14

Ju̧huȩnȩ 'cuä'opö topinödo Leví pä'ö mi̧cua̧rö̧, Alfeo i̧tti̧rö̧. Ja̧u̧mä̧ ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Leví ä̧rä̧mi̧'ö̧ 'chi̧nö̧do Jesúscu.

San Lucas 5:27

Ja̧u̧nu̧ o'ca'a Jesús rä'opächö topinödo ya̧tȩ ru̧hua̧ öäre pärätä ȩmä̧'i̧jö̧ Leví pä'ö mi̧cua̧rö̧ pärätä ttȩmä̧'i̧jo̧mȩ ö̧'a̧'a̧. Päinäcudo: Ttöcu ichi.

San Lucas 9:59

Jesús pä'inödo ka̧ra̧rö̧: —Ttöcu ichi. Ja̧'hua̧nö̧ ja̧'a̧ ja̧u̧ pä'inödo: —Chu̧ru̧hua̧, äcuomenämä chä'orö 'turu chicuäja hue'ittö.

San Juan 1:43

Ja̧u̧nu̧ o'come mo̧ro̧, Jesús Galilea rȩjȩra̧'a̧ i̧'cha̧ pä'inödo. I̧'cho̧mȩnä̧, Feliperö po̧cui̧pö̧ pä'inödo: —Ttöcu ichi.

San Juan 12:26

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

San Juan 21:22

Jesús ja̧u̧ru̧ ädätinödo: —Pä'äji ta'anö chichome jubö päi'önä ö̧ja̧ pä'ö pädöttömä, ¿ucurumä suroja'a tä̧ji̧? Ucutä ttöcu cue'ächi.

2 Corintios 12:16

Ja̧'hua̧ta̧nö̧ korotö ucututtu, ttö jäecuä juiyönä chö̧ji̧nö̧ ttu̧huo̧juo̧mȩnä̧, suräjuä huȩnȩtä̧ pä'ätö ttörö: “Ja̧u̧ Pablo amönä ucuocuä'chö yapareu ji'ähuinö ujutu tesetarö pä'ö,” pä'ätö.